渣馬
渣馬宣布今年10k名額減少1500個，總算踏出正確一小步。無可否認渣馬令好多香港人參與跑步呢項運動（我自己都係從03年第一次跑渣馬10k玩玩下開始接觸長跑到現在轉眼已10年），但大會每年盲目追求參賽人數屢創新高的後果是令到賽道嚴重擠塞，特別是全馬跑手在最後10k左右與眾多半馬跑手被逼“會合”，要不斷在人群中穿插，既危險亦浪費不少已所剩無幾既氣力，令我覺得參加呢個賽事既樂趣已經大不如前。10k問題就更加嚴重，每次從電視上見到有些“跑手”在漫步拍照又或閒談就覺得呢啲人好唔專重個賽事同其他參賽人事，根本就應該限制呢種人報名。
我覺得可以參考渡海泳做法，要達到一定要求才可以報名，然後抽籤決定最公平。唔使而家搞到第一日報名就大家鬥早起身開電腦導致網絡大塞車。標準唔需要訂太高，只用來確保所有人都準備認真去跑呢個賽事。由於人數眾多，無可能對每個人進行測試，但可以用過去曾經參加過既賽事（包括渣馬及其它公開賽事）成績為準。如果有新手從來未跑過任何賽事，就更加可以鼓勵佢地先參加啲其它本地賽事，亦不是壞事。
其實其它地方好多知名賽事都是用抽籤，但渣馬依然要採用先到先得，唯一想到的原因就是刻意造成萬眾矚目人人鬥搶，然後又可以宣布所有名額在公開報名幾多小時之內已經火速爆滿，攞嗮彩。 100%同意師兄說的。
多人參與渣馬不等與跑步運動興盛。
其實報名方法可考慮參考外國如波馬的做法，按跑手過去參加同類賽事的成績依次分階段報名，讓一些成績好的能優先報名，也讓日後想報名的跑手會認真追求成績地跑。反正主要都是網上報名，設定程式便可以。
至於慢的、新參加的跑手，便可編入最後遲起步的一兩組，這樣便減少阻人前進的情況。 有D志在參與 :(中途拍照 散歩速而行:L仲參加挑戰組:@完成時 仲慢過10KM最尾組別:'(
変了"渣打行山松":Q red2 發表於 2013-9-20 17:23
有D志在參與 中途拍照 散歩速而行仲參加挑戰組完成時 仲慢過10KM最尾組別
変了"渣打行山松" ...
最討厭的便是這類參加者，還佔用了報名的名額，令一些有心的跑友因額滿而無法報名參加！
頁:
[1]
