想報全馬

Jona 發表於 2013-10-9 00:20:30

請問有冇CHING知道, 如果之前未參加過任何賽事, 但想報渣打全馬, 還有咩賽事可趕得切在渣打全馬前參加?

Jona 發表於 2013-10-9 12:45:39

hi kylo1935ching, 只係目標, 小弟不是精英運動員, 中佬一名, 跑左一年步, 為減肥而跑, 從最初10k跑57mins 到現在39:30mins(運動場計), 21k大約1:31:xx(跑街計,連燈位,及行樓梯, 運動場未跑過)。其實從不曾想過報比賽, 亦沒有爭雄的心, 在跑道上有時會遇到(挑機的跑友)啱pacing的, 我會離他廿多米距離跟隨其後, 從不故意超越,每次跑步都只係自己跑自己, 每個跑手都有自己的私人跑道, 就係內心,我可以係這無人的跑道上得以反思(我估每位喜跑的人都會有所共鳴), 跑是動的心卻是靜的, 並且越跑越靜, 這是另一種境界, 跑讓人謙卑,令自大的我變得渺小, 讓我有機會細心觀察及發現從前忽略的事與人,靜思過後, 看看街中景物流過如欣賞一場美麗的影畫,跑多好。
參加渣馬的念頭是這兩個月才有的決定。原因就係在青公路上跟我揮手的跑友, 雖然素未謀面, 但卻迎來溫暖的笑容, 很想和他們快樂的跑！

Pepe 發表於 2013-10-9 09:02:19

我勸你渣打跑下十公里或半馬先
X2

little-fish 發表於 2013-10-9 08:09:22

應該冇，仲有十幾日就開始報••••••諗住乜時間完成？

speedpurple0 發表於 2013-10-9 08:14:23

我勸你渣打跑下十公里或半馬先

Primart 發表於 2013-10-9 10:02:08

此為大會的基本要求:

參賽資格：凡年滿20歲或以上，及必須於過往三年內，參加及完成渣打香港馬拉松或任何本地 / 海外賽事一次或以上 (十公里或以上) 。

勉強冇幸福:L

Jona 發表於 2013-10-9 10:13:26

Thanks 小魚Ching , 全馬目標sub3:10。現在只有專注練半馬了。

kylo1935 發表於 2013-10-9 10:55:11

Jona 發表於 2013-10-9 10:13
Thanks 小魚Ching , 全馬目標sub3:10。現在只有專注練半馬了。

好利害，預算3:10完成，已接近是精英運動員的級數。因為3:00之內完成，會在精英起跑區內開始，所以咁fit的話，估計你應該有參加其他體育運動或比賽之類。

據小弟所知，過去曾參加過越野和三鐵、兩鐵的項目，報渣馬都會接受，只要跑程到10km或以上便可以。

kylo1935 發表於 2013-10-9 13:57:27

Jona 發表於 2013-10-9 12:45
hi kylo1935ching, 只係目標, 小弟不是精英運動員, 中佬一名, 跑左一年步, 為減肥而跑, 從最初10k跑57mins...

謝謝師兄分享。那真可惜，參賽也真的只能從渣馬半馬開始了。

對我來說，最初開始跑步，是健康理由－－醫生建議要我減肥。不過，正如師兄所說，跑下跑下，逐漸在過程中感到內心很平靜，頭腦漸漸清醒。可能因為跑步是很簡單的動作，無須用腦，反而可令腦筋休息一下。甚至有時候，工作上煩心的事，解決不了的問題，都在跑步時，忽然腦海裏會“叮一聲”，想通了。

小弟沒有師兄的慎思明辨，然而跑步卻真的能令小弟暫時撇開煩心的事，好好讓心靈得到休息。

longman 發表於 2013-10-9 14:15:53

Jona 發表於 2013-10-9 12:45
hi kylo1935ching, 只係目標, 小弟不是精英運動員, 中佬一名, 跑左一年步, 為減肥而跑, 從最初10k跑57mins...

請問ching, 平日是點操, 可以用一年既時間由57mins去到39mins, 足足快了18mins:o

亞邊個 發表於 2013-10-9 17:42:19

longman 發表於 2013-10-9 14:15
請問ching, 平日是點操, 可以用一年既時間由57mins去到39mins, 足足快了18mins

其實我都想問, 一年內由地球人變火星人, 好想知有乜方法

Hello 發表於 2013-10-9 18:52:07

真係好勁...短短一年可以由 57分鐘跑入 39分鐘.....勁

Jona 發表於 2013-10-9 23:43:36

kylo1935 發表於 2013-10-9 13:57
謝謝師兄分享。那真可惜，參賽也真的只能從渣馬半馬開始了。

對我來說，最初開始跑步，是健康理由－－醫 ...

也沒關係, 就由半馬開始跑吧,能享受跑的過程就是了。

Jona 發表於 2013-10-10 00:42:29

其實能一年內跑進SUB40大有人在, 我只是跑得多吧, 絕對談不上勁, 但有幾點還是能分享一下, 我每星期大約跑3-4日, 由於時間關係, 每次大多跑10K, 其中一日會盡量抽時間跑長些通常會走夠半隻馬, 跑法會係均速跑(我估係進步既重點), 一星期大約係一次TEMPO, 兩次EASY TEMPO(唔知係咪咁解, 大約係TEMPO 與EASY RUN之間的感覺, 但會加入漸速元素)。每次我都選擇跑街, 跑街有高低起伏, 對腳力有很大幫助, 所以極少跑運動場, 除非心血來潮想造時間。另外就係weight training, 特別係四頭肌, 但我好少做gym, 通常會跑山來代替, 如跑沙田坳道直上飛鵝山, 都係用均速(途中不停, 用既速度係自己可以不用休息而跑畢全程, 但要有一定程度既辛苦先有用, 當然唔舒服或腳有反應就立刻停腳)。

longman 發表於 2013-10-10 11:54:17

Jona 發表於 2013-10-10 00:42
其實能一年內跑進SUB40大有人在, 我只是跑得多吧, 絕對談不上勁, 但有幾點還是能分享一下, 我每星期大約跑3 ...

"跑沙田坳道直上飛鵝山, 都係用均速(途中不停, 用既速度係自己可以不用休息而跑畢全程)",

ching, 呢段路好金, 重要唔使休息, 真系能人所不能. ching 有冇玩毅行, 可能有獎羅唔奇.

little-fish 發表於 2013-10-10 17:20:35

唔知馬鞍山村路同沙田坳道差多遠呢？

師兄有天份

hifilo 發表於 2013-10-10 17:35:51

Hennatalk 發表於 2013-10-10 21:55:24

我好奇想知，一年前是中年肥人，由57分10k跑到sub40，閣下的體重變化是多少？

Jona 發表於 2013-10-12 00:10:08

坦克Ching, 是的可能我們互相揮過手了.

Jona 發表於 2013-10-12 00:12:10

longman 發表於 2013-10-10 11:54
"跑沙田坳道直上飛鵝山, 都係用均速(途中不停, 用既速度係自己可以不用休息而跑畢全程)",

ching, 呢段 ...

呢度有好多ching 先係跑山高手, 我只係入們級別.

頁: [1] 2

香港長跑網 - 長跑長友's Archiver

想報全馬