香港長跑網 - 長跑長友

標題: 赤腳跑是好是壞？ 雷雄德@蘋果日報 [打印本頁]
作者: shogikin    時間: 2011-6-27 22:32
標題: 赤腳跑是好是壞？ 雷雄德@蘋果日報
"赤腳跑"雷雄德
26-6-2011 蘋果日報專欄

http://hk.apple.nextmedia.com/template/apple/art_main.php?iss_id=20110626&sec_id=25391&subsec=6041&art_id=15376313
作者: chuen3182    時間: 2011-6-28 07:15
我都十分認同雷雄德先生的說法，現代都市人雙腳習慣穿鞋多年，
要到後期用雙腳從頭再學赤腳跑，是對自己雙腳虐待，（純粹自己見解，請諒）
作者: kin8333    時間: 2011-6-28 08:31
多謝堅堅貼子
作者: stephenyau    時間: 2011-6-28 09:15
原帖由 shogikin 於 2011-6-27 22:32 發表

                               
登錄/註冊後可看大圖

"赤腳跑"雷雄德
26-6-2011 蘋果日報專欄

http://hk.apple.nextmedia.com/template/apple/art_main.php?iss_id=20110626&sec_id=25391&subsec=6041&art_id=15376313



完全同意雷sir既見解....特別是香港生活的現代人.......莫講話跑...赤腳行都要小心為上!  一傷咗就大件事 (我就懷疑走過幾次赤腳輕jog幾k 後, 引發足底筋膜炎...!) 有排攪....!
作者: marcus    時間: 2011-6-28 09:18
而家練緊著5指鞋跑, 比從前跑得輕鬆了
但剛剛開始就跑太多, 真的容易引發足底筋膜炎

[ 本帖最後由 marcus 於 2011-6-28 09:20 編輯 ]
作者: shogikin    時間: 2011-6-28 11:21
呀說來是呀
我都在轉跑法
真要循序漸進
慢慢加長加快才好了

Kin in Running
作者: happy2829    時間: 2011-6-28 17:08
原帖由 stephenyau 於 2011-6-28 09:15 發表

                               
登錄/註冊後可看大圖




完全同意雷sir既見解....特別是香港生活的現代人.......莫講話跑...赤腳行都要小心為上!  一傷咗就大件事 (我就懷疑走過幾次赤腳輕jog幾k 後, 引發足底筋膜炎...!) 有排攪....!


我个case係經驗分享, 希望大家有心理準備 先去赤腳, 成件事 唔使懷疑, 直头係 赤腳跑 中招, 舊年7月, 買左對五趾鞋, 冇乜改跑姿, 亦冇pose running, 冇中掌落地, 姿勢 唔啱, 跑20k 个腳跟 撞左一野,  只係好快的一下上斜大力撞向石屎路,
而家發展成 嚴重 腳底筋膜炎.....医極唔斷尾....腳掌重傷.......冇哂成績....肥左12磅.....好大鑊....跑完行路趷腳...好似傷殘人士.....

五趾鞋~赤腳跑~姿勢正確~前掌落地~摺腿~最佳跑姿~最輕跑鞋~係好野, 但如果本身有跑姿問題, 冇左對鞋嘅保護, 後果係点, 師兄唔親身試係唔會知 个种生不如死, 苦不堪言, 雖死猶生, 成件事 的 受傷風險 變 放大鏡, 加大數億萬倍....

賺左經驗: [人生有如馬拉松, 必須 循序漸進, 先學跑姿, 赤腳跑沙灘,  最終五趾鞋, 跑石屎~先至係正道~最終跑嬴全世界~得到自尊同友誼]

[ 本帖最後由 happy2829 於 2011-6-29 09:42 編輯 ]
作者: mayc242826    時間: 2011-6-28 17:48
穿鞋跑都腳痛, 如果吾穿鞋跑, 會吾會好傷腳
作者: vihan    時間: 2011-6-28 19:55
关键系循序渐进。香港都有赤脚跑手啦，frankie tonk，今年渣打赤脚跑左10k
作者: stephenyau    時間: 2011-6-29 09:23
原帖由 happy2829 於 2011-6-28 17:08 發表

                               
登錄/註冊後可看大圖



我唔使懷疑, 直头係 赤腳跑, 姿勢 唔啱, 撞左一野, 舊年7月, 只係好快的一下上斜大力撞向石屎路,
而家發展成 嚴重 腳底筋膜炎.....医極唔斷尾....腳掌重傷.......冇哂成績....肥左10磅.....好 ...


同意!  真係最重要先改善跑姿同一切都要循序漸進!  跑步無非都係追求健康第一, 開心第二, 進步第三......
未去到某個水平真係要先好好保護對腳先, 故我常鼓勵先選保護性比較強的厚底鞋!  練好跑姿, 長跑長有....!

仲有...足底筋膜炎真係好惡攪兼有排攪......!

[ 本帖最後由 stephenyau 於 2011-6-29 09:38 編輯 ]
作者: stephenyau    時間: 2011-6-29 09:28
咁就睇下追求d乜...為慈善....為健康....為覺得赤腳跑會快過穿鞋跑....?  我都係果句...健康第一, 開心第二, 進步第三!

[ 本帖最後由 stephenyau 於 2011-6-29 09:37 編輯 ]
作者: happy2829    時間: 2011-6-29 10:06
原帖由 stephenyau 於 2011-6-29 09:28 發表

                               
登錄/註冊後可看大圖

咁就睇下追求d乜...為慈善....為健康....為覺得赤腳跑會快過穿鞋跑....?  我都係果句...健康第一, 開心第二, 進步第三!


選擇做一件事之前, 一定要問清楚, 究竟 赤腳跑 係為乜?  否則只會變得盲從, 但最後可能係 要自己負上惡果.


我認識 的 馬拉松香港男女代表,  身边的跑步得奖高手, 一齊練跑的 超高速 熱血跑步弟兄....冇一个係赤腳跑....

介紹我 話 born to run 係好野, 舊年話會 試 赤腳跑 的 跑手, 最終今年 一样 自己冇試 赤腳跑...

born to run/ 赤腳跑 感覺上 只係一个 以 [話俾人知自己睇左born to run 為高級品味, 希望被認同的口号, 或者係一个類似檸檬柏芝離婚的 無聊飲荼話題~講完就算]....如果要真正實踐, 係有大量的錢時間心机同調節的付出, 必然 係一條漫長而有計劃 的路.....(改跑姿~肌肉鍛鍊~循序漸進 的 赤腳跑 program, 仲要係唔 GUARANTEE 會成功).....做咁多野, 最好問清楚 自己 赤腳跑 係為乜?  

可能答案:

A 唔易傷 (未必)  
B 跑快d (著鞋一样係好快)  
C 形 (睇你對美的追求和標準了)
D 為左著輕的鞋 (其實有大把輕鞋選擇)
E 慳錢 (鞋最多$1000都好靚, 睇医生下下$300~$600, 睇4~6 次, 自己計 边样抵)
F 無知 (唔知乜野係赤腳跑, 最好自己有心理準備, 中左招 係 會好長手尾.....唔係話唔玩就冇事)
G 為左在 赤腳跑 的 討論區 被 QUOTE 出來作為香港赤腳跑界代表 (有成績, 唔赤腳跑 一样可以被傳媒 報導, 使唔使一定要 靠 赤腳跑 博上 報紙雜誌討論區?)
H 減少下肢和膝關節跑步撞擊力，從而減少應力性骨折的機會 (著一對 輕薄鞋 轉用pose running, 效果 已經一样)
I 追求健康 (最快趣平靚正的方法, 買對 asics infini $499, 在運動場跟 會/舍/堂 跑, 又立即見效又開心又平又成班人又對心肺身陳代謝有正面效果, 使唔使 赤腳跑 去 寻健康先?)

最聰明, 當然是在 朋友前, 討論區中, 大吹大雷 born to run 高貴, 赤腳跑 時尚, 自己可以按兵不動, 靜觀其變, 看看他人反应結果, 不斷鼓勵 大家小心試試 沙灘跑, 因為成果反应在比賽成績 和受傷上, 冇得作假, 一面天堂一面地獄, 係人係鬼, 負面的話就幸運地避过一刧. 然後 輕鬆自在得啖笑

因為之前講过, 就算 赤腳跑 都应該有 嚴謹 的 program, 赤腳跑 日日跑, 每个星期跑, 跑100m, 定跑20k, 係 赤腳跑 長課定係輕鬆跑, 所有所有都好大分別, 風險都完全唔同, 赤腳跑 係高風險的練習, 鼓勵 普通人 赤腳跑 而不加 詳細 解說  赤腳跑 嚴謹 的 program 和 赤腳跑 跑姿 是不負責 的可恥行為....

選擇一种練習方法, 要睇下佢嘅成效, 有冇替代練習方法, 平衡受傷風險, 冇替代當然冇辦法, 但作為成熟跑手, 自己应該要為自己的選擇負責.

[ 本帖最後由 happy2829 於 2011-6-30 11:07 編輯 ]
作者: philipccwong    時間: 2011-6-29 10:58
I also think it is not a good idea to do bare foot running on the street, it is too dangerous too easy to injury your leg. Even in pose running, it only suggest pose runner to do bare foot running once a month or once a week for 2-3k inside a running track only.

Running in bare foot will stronger your support muscle a little bit and feel the "feeling" of natural running. However, I think it is not for daily running and not for everyone.
作者: sunrise    時間: 2011-6-29 15:53
有些地方, 好似沙灘, 赤腳跑係比着鞋跑好; 有些地方, 好似草地, 着唔着鞋都無所謂; 有些地方, 好似緩跑徑, 唔着難會跑得唔舒服; 有些地方, 好似一段街道, 唔着鞋會好易受損傷.

我建議大家若有機會，　可以搵一些安全的地方, 赤腳走走, 感受一下直接同地面接觸, 如解腳掌下接觸地面的位置(前掌,中掌定腳踭)及接觸面如何改變(即腳掌如何滾動), 用這些資訊, 去改善跑姿!
作者: stephenyau    時間: 2011-6-29 16:46
多謝咁多位ching既見解, 非常之客觀和中肯!  給我們帶出一個非常有建設性和正面的言論!

希望日後能多看到這些善意的交流!

stephenyau

[ 本帖最後由 stephenyau 於 2011-6-29 16:47 編輯 ]
作者: vmhk    時間: 2011-7-3 00:53
原帖由 happy2829 於 2011-6-29 10:06 發表

                               
登錄/註冊後可看大圖



選擇做一件事之前, 一定要問清楚, 究竟 赤腳跑 係為乜?  否則只會變得盲從, 但最後可能係 要自己負上惡果.


我認識 的 馬拉松香港男女代表,  身边的跑步得奖高手, 一齊練跑的 超高速 熱血跑步弟 ...

你妖魔化了所有赤腳跑步的人. 況且born to run 書內土著都有穿鞋.
作者: stephenyau    時間: 2011-7-3 08:03
原帖由 vmhk 於 2011-7-3 00:53 發表

                               
登錄/註冊後可看大圖


你妖魔化了所有赤腳跑步的人. 況且born to run 書內土著都有穿鞋.


咁ching 之見解係.....鼓勵定唔鼓勵赤腳跑...?  鼓勵的話是否比賽都可以....?
作者: vmhk    時間: 2011-7-3 10:34
原帖由 stephenyau 於 2011-7-3 08:03 發表

                               
登錄/註冊後可看大圖



咁ching 之見解係.....鼓勵定唔鼓勵赤腳跑...?  鼓勵的話是否比賽都可以....?

跑步係唔係一定要比賽奪冠先叫成功? 好多公公婆婆在運動場赤腳跑跑左幾十年. 好健康乜事都冇!
如果你係只睇成績. 一定穿鞋好過赤腳. 因為現代人幾個月大就開始習慣穿鞋行路. 我地生活習慣唔係好似幾十年前既abebe咁. 由細到大都冇穿過鞋. 可以講我地對腳已經適應左穿鞋跑步. 但係唔代表用赤腳跑步既人就係你提出a到i點!
至於鼓唔鼓勵別人. 我唔會好似宗教狂熱咁熱愛宣導. 但有興趣既人可以去書店搵本"跑步, 該怎麼跑"黎睇睇
我覺得赤腳跑係幫跑步既人打開左另一扇門. 門後係可以用一個新既思維係睇跑步運動. 好似觸地位置. 身體姿態. 步頻. 力度等等. 有左體驗. 穿鞋跑步與赤腳跑步方法可以並存
作者: marcus    時間: 2011-7-3 18:14
原帖由 vmhk 於 2011-7-3 10:34 發表

                               
登錄/註冊後可看大圖


跑步係唔係一定要比賽奪冠先叫成功? 好多公公婆婆在運動場赤腳跑跑左幾十年. 好健康乜事都冇!
如果你係只睇成績. 一定穿鞋好過赤腳. 因為現代人幾個月大就開始習慣穿鞋行路. 我地生活習慣唔係好似幾十年前既abeb ...

客觀
作者: 司機    時間: 2011-7-3 21:30
原帖由 happy2829 於 28-6-2011 17:08 發表

                               
登錄/註冊後可看大圖



我个case係經驗分享, 希望大家有心理準備 先去赤腳, 成件事 唔使懷疑, 直头係 赤腳跑 中招, 舊年7月, 買左對五趾鞋, 冇乜改跑姿, 亦冇pose running, 冇中掌落地, 姿勢 唔啱, 跑20k 个腳 ...


ching,你著左冇耐就跑20k..會唔會急進左d..
傷左真係唔出奇
作者: Goman    時間: 2011-7-3 22:16
原帖由 vmhk 於 2011-7-3 10:34 發表

                               
登錄/註冊後可看大圖
跑步係唔係一定要比賽奪冠先叫成功? 好多公公婆婆在運動場赤腳跑跑左幾十年. 好健康乜事都冇! 如果你係只睇成績. 一定穿鞋好過赤腳. 因為現代人幾個月大就開始習慣穿鞋行路. 我地生活習慣唔係好似幾十年前既abeb ...

我無赤足跑，但認識一位赤腳跑的師兄，他有參加比賽，時間唔差架。

他看很多有關書和對姿態. 步頻有一定心得，練跑慢慢增加里數和速度，要足夠的休息....。

其實好難簡單的話"是好是壞"，要看是否得其法， listen to your body 和....,

我個人認為，如不得其法，穿不穿鞋，受傷機會都會比較高。

[ 本帖最後由 Goman 於 2011-7-3 22:18 編輯 ]
作者: happy2829    時間: 2011-7-4 09:54
原帖由 司機 於 2011-7-3 21:30 發表

                               
登錄/註冊後可看大圖



ching,你著左冇耐就跑20k..會唔會急進左d..
傷左真係唔出奇


其實都只係用赤腳跑 200k 之後先傷, 當然 未跑足1000k 已經受傷 係有点經驗不足....

但再提的重点是, 在一次跑20k 的訓練, 最尾 因為 冇力, 只係 撞左一下跟, 就傷到而家....个一下 如果係著 鞋, 其實係冇野....但從來 係冇 人提醒 大家 玩赤腳跑的 受傷風險 係好高 好高....

所以 做 訓練都要循序漸進 同用正確 方法, 但更多 人 是 在講出 具體 和 正確 方法 之前 就 大事 宣傳 連自己 都未明白的 赤腳 跑, 未深入 經驗 赤腳跑 的 方法感覺 之前 就去 加入討論, 只提優点.....所以呢遍討論係想 帶出 所有事用錯方法都會受傷, 跑步用錯方法, 著不著鞋都會傷, 但 赤腳跑, 用錯方法, 係會比著鞋跑更重傷同長手尾....


赤腳跑 有冇效, 我因為未經驗 到, 但我不會否認 赤腳跑的 潛在優点, 所以重要係 必須 提醒 大家 注意 玩赤腳跑, 撞到一下已經可能會 有 十二个月的傷患....

[ 本帖最後由 happy2829 於 2011-7-4 10:05 編輯 ]
作者: happy2829    時間: 2011-7-4 10:18
原帖由 vmhk 於 2011-7-3 00:53 發表

                               
登錄/註冊後可看大圖


你妖魔化了所有赤腳跑步的人. 況且born to run 書內土著都有穿鞋.



理論上 批評 的 不是 赤腳跑步的人, 因為我自己 也是會繼續 赤腳跑.....所以 我主要 係在 針對 有一部分 九唔搭八 連自己都未赤腳跑过的人 就盲目歌頌 赤腳跑時, 如果負責点,  应該 要為一些準備 試赤腳跑 跑手 作一点警告:

[赤腳跑必須 配合 跑姿技術, 否则一失足成千古恨, 後果自負]

大家如果係真係明白 赤腳跑的幫助, 又找不到其他替代方法, 又有足夠技術 去支援, 亦明白風險 所在, 當然 係 可以赤腳跑....

[ 本帖最後由 happy2829 於 2011-7-4 11:14 編輯 ]
作者: stephenyau    時間: 2011-7-4 10:27
原帖由 vmhk 於 2011-7-3 10:34 發表

                               
登錄/註冊後可看大圖


跑步係唔係一定要比賽奪冠先叫成功? 好多公公婆婆在運動場赤腳跑跑左幾十年. 好健康乜事都冇!
如果你係只睇成績. 一定穿鞋好過赤腳. 因為現代人幾個月大就開始習慣穿鞋行路. 我地生活習慣唔係好似幾十年前既abeb ...


謝謝ching 既分享.....!

d 公公婆婆係運動場果種係赤腳行, 亦係選擇咗好保護雙腳既健康運動...呢個係絕對值得鼓勵的.....!

而呢個主題所講的是我們所為跑步人任對赤腳跑(包括赤腳練習或許有人會用來作比賽為方向), 而專家既說法同一些ching既見解係要了解自己對赤腳跑既動基和手法.  要注意既係乜........ 重點係循序漸進同留意自己係練習當中唔好有傷, 始終現代人(如我地香港人)都係一直都係穿鞋行及穿鞋跑.  追求赤腳手跑時想得到的是........?  呢d都係每個人既選擇.......有d會很授用, 有d會做得其法, 有d得不到其法, 往往弄巧成拙, 好似我呢種就係....無呢頭整傷咗都唔覺唔覺......而家唯有希望快d痊癒....!

故之前每個ching既見解都係有建設性的.....都係果句!  要選擇的我一家會揀健康第一, 開心第二, 有進步第三....!
作者: happy2829    時間: 2011-7-4 10:39
原帖由 stephenyau 於 2011-7-4 10:27 發表

                               
登錄/註冊後可看大圖


而呢個主題所講的是我們所為跑步人任對赤腳跑(包括赤腳練習或許有人會用來作比賽為方向)


完全認同 stephen 講的對像問題, 如果 唔講對像, 唔係針對 長跑長友的大家,  我廿年前已經 見我樓下的 乞兒 赤腳跑, 但他的赤腳跑 完全不令大家共鳴 和 熱血起來.... 因為 公公婆婆戓者沒有錢買鞋的人 的赤腳跑根本 和大家討論的正式 跑步練習 是完完全全的两件事...

現在大家討論的赤腳跑是為 相對 高速的跑步或者 係 相對高里數 而進行....從中希望得到赤腳跑的好處.....如果係想幫助大家的話, 想鼓勵大家跑步... 再繼續 的討論 应該係 [如何培養 訓練 赤腳跑 的 免傷技術]....

赤腳跑 之後 受傷係令人氣餒 同失望, 所以这一定不是客觀 的寫法, 只係个人經驗分享 (對赤腳跑不公的就係so far 仲未見到赤腳跑的優点) 和對赤腳跑 的一个盼望.... 就係當有人鼓勵赤腳跑同時, 可以提一提 教一教  大家赤腳跑的 具體要注意 的 細節, 必須練習的原因, 同埋可以分享 真正的赤腳跑後的 進步經驗... 以無傷 赤腳跑 進步 為 目標....还赤腳跑 一个 公道....

如果係真正鼓勵跑步, 想大家好, 我相信 推介一對好的跑鞋, 具體解決 跑手的問題, 介紹 跑步 最有效 的方法 會恰當很多...

其實过激的言論 係可怕的, 但 只有用激將法 先可以 刺激 有修養的有識之士 分享:

> 赤腳跑 的 成功經驗具體 分享...
> 怎样 的 赤腳跑 可以 帶來 那一方面 的實際 功效...

[ 本帖最後由 happy2829 於 2011-7-4 16:08 編輯 ]
作者: wewahaha    時間: 2011-7-4 11:15
原帖由 happy2829 於 2011-7-4 10:39 發表

                               
登錄/註冊後可看大圖



完全認同 stephen 講的對像問題, 如果 唔講對像, 唔係針對 長跑長友的大家,  我廿年前已經 見我樓下的 乞兒 赤腳跑, 但他的赤腳跑 完全不令大家共鳴 和 熱血起來....


咁我卅幾年前都見好多屋村兒童赤腳通街通山走，佢地連睇普通醫生既錢都冇乜，莫講話物理治療和骨科醫生，不過佢地大多都好有共鳴好熱血咁亂跑....

每件事情總有好與壞的一面，赤腳跑與否，跑步運動背後都會帶來不多不少的後遺症，多少跑步初哥跑步冇耐已經要四圍尋找意見，難道別人就不應該鼓吹跑步？又有多少人鼓吹別人跑步時同時讓人知道不適當跑步所帶來的後遺症？

"我廿年前已經 見我樓下的 乞兒 赤腳跑, 但他的赤腳跑 完全不令大家共鳴 和 熱血起來...."
偏見帶來盲目，一次又一次刻意偏低赤腳跑，更甚者將鼓吹赤腳跑的人標籤為一班故作高尚懶有品味的人，何來理性討論？乞兒赤腳跑又如何？乞兒跑步有問題嗎？乞兒又如何？那麼非洲眾多兒童赤腳通山跑又有何意見？
作者: jk521    時間: 2011-7-4 13:32
我在農村長大, 在田野赤腳跑步,踢波 十多年,出去元朗市都是赤的.
中學後穿鞋多了, 現在年近半百,雙腳板的 厚皮無了, 已不能再如以往的赤腳跑步了 !
十分回味童年時的赤腳生活. 現在唯有靠對跑鞋保護隻腳 !
作者: stephenyau    時間: 2011-7-4 15:27
原帖由 Goman 於 2011-7-3 22:16 發表

                               
登錄/註冊後可看大圖


我無赤足跑，但認識一位赤腳跑的師兄，他有參加比賽，時間唔差架。

他看很多有關書和對姿態. 步頻有一定心得，練跑慢慢增加里數和速度，要足夠的休息....。

其實好難簡單的話"是好是壞"，要看是否得其法， ...


嗯...Goman ching 所講的赤腳跑的ching 必然對赤腳跑有十分的認知和了解. 亦必經過長時間既循序漸進既練習和提升, 若然可以的話, 可否幫忙問問那ching所追求赤腳跑包括經過練習至到比賽所得出的結論是否值得推廣....? 所帶來有甚麼好處?  以後會否亦以赤腳跑為自己練習和比賽的根本?  我亦有時會鼓勵跑步的朋友跑完步作cool down 和 鬆弛筋腱之用.  

有時都會問問自己如果可選擇甚麼去比賽的話, 90%都希望平安健康無傷地, 開心愉快地, 比自己預計所定的更好成績地去準備!  這樣我所選擇的必然是穿一對令自己滿意的戰鞋去練跑兼比賽吧!  而赤腳跑或許對小弟來說應是望而卻步, 有點懼怕.  因已經是一個傷患人士了.  無謂再拿自己對腳來做白老鼠.....

赤腳jog (不是跑)我是贊同的, 最好也是在運動場內有保護性的跑道上以作步姿的矯正及鬆弛肌腱!  但切勿過份撞擊足部!

純粹個人意見以和大家分享!

stephen

[ 本帖最後由 stephenyau 於 2011-7-4 15:32 編輯 ]
作者: stephenyau    時間: 2011-7-4 15:59
原帖由 wewahaha 於 2011-7-4 11:15 發表

                               
登錄/註冊後可看大圖



咁我卅幾年前都見好多屋村兒童赤腳通街通山走，佢地連睇普通醫生既錢都冇乜，莫講話物理治療和骨科醫生，不過佢地大多都好有共鳴好熱血咁亂跑....

每件事情總有好與壞的一面，赤腳跑與否，跑步運動背後都會帶 ...


謝謝ching 又給我們啟發到一些要點了!!! 孩童時我們的年代時期(說我吧!) 都是穿梭60-70年代甚至80頭的年代, 還記得家人難得給我們買的專業跑鞋.......就是上學, 去街, 踢波, 捉迷藏和打架都是它.....white rice fish!!! 和今天的甚麼air, 甚麼zero比, 真如天地之隔.  當然他們的赤足跑留下不少孩時是印.....中心點就是.....一切從孩時開始嘛!!!

越細開始啟發赤足跑, 讓他們一直習慣赤足跑的步姿和好處, 今天必然是在跑步界的表表者.  可惜今天敢問我們從何時已遺忘赤腳跑這一回事呢.  也敢問你會鼓勵你/妳的下一代練習赤足跑嗎?  我相信今天的父母連赤腳出門口也馬上把孩子拉回屋內吧.....!  你願意跟孩子一起赤足跑嗎???  讓他/她從小時開始適應了解赤足跑的好處嗎?

說多一樣, 小弟是從非洲回來的, 眼見依然有很多小孩赤足四處亂跑, 但真實的現在是因他們確實有自己的鞋就如我們的70/80年代, 鞋只可用來上學去街, 在家屋外那需穿鞋呢...! 穿舊了爛了便無法上學去了....! 若可選擇, 你可送多一對給他跑步吧...!  他們必定開心c了.....!

又是純粹個人意見.....!

[ 本帖最後由 stephenyau 於 2011-7-4 16:11 編輯 ]
作者: wewahaha    時間: 2011-7-4 18:00
原帖由 stephenyau 於 2011-7-4 15:59 發表

                               
登錄/註冊後可看大圖



謝謝ching 又給我們啟發到一些要點了!!! 孩童時我們的年代時期(說我吧!) 都是穿梭60-70年代甚至80頭的年代, 還記得家人難得給我們買的專業跑鞋.......就是上學, 去街, 踢波, 捉迷藏和打架都是它.....white rice  ...


贊成赤腳跑與否並不是我想討論的要點，反而是某些人在討論赤腳跑時背後是否持平或存有偏見。

不過既然你問到我是否贊成赤腳跑，會否讓自己的仔女赤腳跑，我會說因應個別環境。如果是足球場草地，甚或運動場泰坦跑道，我會讓仔女赤腳跑。如果是石屎地，那要看看其它客觀因素，如果是人跡較為罕見的，如麥徑一段，赤腳跑倒也無妨，如果是人來人往的街道，滿街盡是行人消遣後的垃圾，赤腳跑始終有一定危險，似乎著鞋跑比較上算。

我冇睇過赤腳跑任何書籍，不過既然人類也只是眾多動物之一，所有動物與生俱來就是赤腳跑，三幾十年前大多小孩兒童都是通街通山赤腳或著白飯魚跑，問題始乎不大，那麼係環境許可之下我睇唔到赤腳跑有甚魔大問題，鼓吹大家回歸大自然嘗試赤腳跑我也不認為是甚麼大問題，既然已經著超薄底跑鞋跑步，如果是跑草地或較避震的素坦跑道時，嘗試赤腳跑又何妨。

如果有人標籤鼓吹赤腳跑就是懶有品味扮作高尚，那麼鼓吹跑步的人又是否懶健康懶有毅力恒心之類。

講多兩句，相信幾十年前既大部份屋村兒童通街通山赤腳跑並唔係怕對鞋會爛，而係赤腳跑帶來的那種無拘無速感覺並唔係著對膠拖鞋或白飯魚可比，基本上佢地自己選擇赤腳跑，反而是大人認為赤腳跑跑到成腳黑麻麻污穢不堪硬性要求細路著鞋，細路無可選擇之下才被迫著拖鞋或白飯魚。

當然隨著年齡長大，大家都要進入一個規行矩步既世界，社會認知就係要著鞋著襪斯斯文文，否則就是野孩子影衰屋企冇家教，大家才逐漸忘記赤腳跑所帶來的那種無拘無速感覺，漸漸地亦因為習慣了鞋的保護，所以到今時今日再講起赤腳跑就好像如洪水猛獸般。

[ 本帖最後由 wewahaha 於 2011-7-4 18:22 編輯 ]
作者: Goman    時間: 2011-7-4 18:08
原帖由 stephenyau 於 2011-7-4 15:27 發表

                               
登錄/註冊後可看大圖
嗯...Goman ching 所講的赤腳跑的ching 必然對赤腳跑有十分的認知和了解. 亦必經過長時間既循序漸進既練習和提升, 若然可以的話, 可否幫忙問問那ching所追求赤腳跑包括經過練習至到比賽所得出的結論是否值得推廣 ...

史Sir Ching,
他應沒有推廣赤腳跑，但會分享跑姿....
其實我不能代他答。

我不是高手，只是覺得，不論著鞋或赤足跑，不想受傷，除練跑外，更要多花時間了解跑步的知識和做扶助體能，一步一步，不能心急，always listen to your body, 有問題就要休息。

可以赤腳跑的師兄，跑姿應該會比較好。一些跑手可以赤腳跑，其他人不一定可以馬上可以，要花好多心力腳力去練，心急馬上赤腳跑，會易受傷，跑步最重要是唔好傷，傷左無得玩

[ 本帖最後由 Goman 於 2011-7-4 18:10 編輯 ]
作者: allanccl    時間: 2011-7-5 00:21
請大家以持平、容忍異見的態度來討論，本人不想編輯或更改你們討論的內容，更不想封鎖任何違反長跑網方針及原則的網友，請珍惜自由討論，不要發出抵毀、褒貶之言論。

其實我身邊的朋友有不少都提倡赤腳跑或穿五指鞋跑的，經常(每星期兩晚)和我領跑的外藉醫生Dr.Priya及Dr. Deepa Natarajan都經常著五指鞋，遇見有視障運動員無帶跑鞋，她們會即刻除掉五指鞋，叫她們一齊除鞋赤腳跑，小弟雖然不敢輕易跟(除)，但也相信她們不是瘋子!

還有，在國內跑馬拉松及半馬拉松時也認識不少朋友是穿五指鞋的，江門的Eason和我跑了好幾個馬拉松及半馬，也不見他速度有何遞減。

本來小弟不想表達個人意見，耐何香港的暴戾風氣，真的誠心希望大家平心靜氣，求同存異的討論，謝謝!
作者: kito807    時間: 2011-7-5 08:50
我覺得自己去感受下著咩鞋咩跑法最適合自己, 外間學說太多, 好難講邊個對與錯

以陰謀論而言, 如果依家証明左赤腳跑係最好, 個個都唔著鞋或買對白飯魚去跑步,
咁全部賣跑鞋既大牌鞋公司咪好大損失? 佢地依家仲叫你地半年要換一次鞋, 因為個避震會弱左

所以佢地實請左好多大醫生出黎話赤腳跑唔好, 一定要買到保護力強(即係貴) 既跑鞋黎保護對腳

咩醫生咩大學教授講既野都唔可以信 100%, 佢地好多都係大財團係幕後有 「資助」, 美國就最多呢D 野

[ 本帖最後由 kito807 於 2011-7-5 08:52 編輯 ]
作者: stephenyau    時間: 2011-7-5 10:10
現在可能開始對本主題的討論已經有點偏離了....

在這主題(赤腳跑) 是關於一位運動界的專業人士對赤腳跑的個人睇法和要注意的地方.

而篇幅所講述赤腳跑既定義係指以赤腳跑步練習或比賽所存在既風險.  并不是所指一般公娛的赤腳健步行/行石仔/海灘赤腳漫步/效遊漫步又或休閒息落街去公園玩捉迷藏那種.

近年有一少數赤腳跑的人，四處宣傳赤腳跑的益處。究竟赤腳跑是好是壞？為了揭開上述的謎團，美國運動醫學學會在月初舉行的周年學術研討會上，特別設立一個圓桌會議，邀請一眾科研專家來作深入的討論。
與會者一致認為，雖然推行赤腳跑的人只屬非常少數，但他們卻十分熱心去叫其他人參與，甚至宣稱赤腳跑可以治療傷患，這樣不一定是對的。
運動科研分析了赤腳跑和穿鞋跑，兩者在跑步時接觸地面各有不同，前者用腳底較前方位置着地，而且會放輕腳步；後者則用腳踭位置着地。赤腳跑對下肢和膝關節因跑步造成的撞擊力較少一點，可以減低出現應力性骨折的機會。但不幸的是，赤腳跑卻容易引致腳部受傷的問題，包括擦傷、腳趾扭傷、筋腱炎等等。
專家建議，如果你現在是穿着鞋跑步的，也沒有出現任何傷患，最好不要改變你的現狀，無謂因小失大。假若你曾經受傷，需要改變跑步動作，或許可以嘗試赤腳跑，但必須循序漸進，從緩跑慢慢開始，並選擇平坦而安全的道路。可是，本港的街道地面多是凹凸不平，容易擦傷而受細菌感染的風險很大。患有糖尿病及身體過重的人，筆者就不建議他們赤腳跑。

轉述自某專業人士之意見.

筆者純以個人睇法分享他對赤腳跑的見解, 并提點若選擇嘗試改變跑步模式(如赤腳跑)要注意甚麼和有甚麼風險!  也希望跑者能多點了解後才作他們的選擇.  并無批評或強迫別人認同之意.

就本人(個人)而言是非常認同筆者所提到循序漸進及要選擇安全場地來開始這種跑步模式, 我亦以過來人之身份分享一不小心便會做成嚴重後果. 雙腳是屬於自己的, 本人亦見之前每位ching在話題中所分享的個人意見亦為善意的分享. 也許言詞中會較為直接一點, 這真希望大家不用介意!  亦只是給大家一個選擇吧!

大家亦只需作參考之用, 無需介意!  跑步是健康的, 你跑步最親密的朋友就是你雙腳! 這是無容置宜吧! 對他好點也是對自已好點!  

亦希望每位跑友都能長跑長有/友!

[ 本帖最後由 stephenyau 於 2011-7-5 10:12 編輯 ]
作者: WalkBreaks    時間: 2011-7-7 04:25
文章作者其實很中肯 "這樣不一定是對的"

敢說在很多關於長跑的雜誌式website或forum, 較大路的,如runnersworld等, 赤腳跑已是談到很"爛"的題目. 關於比較不同跑法,大部分專家的論調跟本post引文都差不多.優缺"各有不同", 不鼓勵急進大變.

而如果想了解赤腳跑,中掌跑法等利弊,甚至轉變跑法既詳細做法或者影響,網上都有好多資料可以參考. 我自己係兩年幾前開始睇多d,試中掌跑法.滕痛係少左,但腳眼壓力大左. 初期都試過拉傷小腿後面肌肉. 年多前開始試赤腳在運動場跑. 次數唔多. 到而家最長可持續約2k.唔多去做. 目的都係當輔助.覺得有效減少左拉傷腳弓位. 年頭第一次完成全馬.關節捐傷唔多覺有.

"born to run"我是很愛讀的.佢的確係有好大影響力. 佢以故事形式引導你去了解點解有人愈跑愈傷,而另外有人可以以赤腳方式置身跑步世界前列,或者起碼,到很大年紀都可以享受跑步. "barefoot ted" 同土人係赤腳,作者同另一d人就穿較少保護的舊款跑鞋,另外出場的是幾位較傳奇的ultra跑手.

其實書中較強調的幾個技術上既原則, 如高步頻,不overstride,放鬆,腳掌等, 跟pose running, chi-running, 或者現在New balance Website中good form running 都有共通. 但係赤腳唔係其中既必然. 不過”赤腳”人物既形象好突出.

本書除左running form仲分析左點解有d鞋太保護反而會傷腳, 同埋最重要既係, 人類, 生理上係可以跑好遠, 好快樂而唔受傷地.

如果因為聽朋友講”born to run”好,講”赤腳跑”好, 冇去睇本書,冇上下網researh,之後去赤腳跑, 然後受傷, 而覺得錯在信錯人,同冇人題點, 咁, 係急左, 可能, 錯過左一本好書,錯怪左朋友.
作者: witchycatcat    時間: 2011-7-7 08:22
原帖由 happy2829 於 2011-6-28 17:08 發表

                               
登錄/註冊後可看大圖



我个case係經驗分享, 希望大家有心理準備 先去赤腳, 成件事 唔使懷疑, 直头係 赤腳跑 中招, 舊年7月, 買左對五趾鞋, 冇乜改跑姿, 亦冇pose running, 冇中掌落地, 姿勢 唔啱, 跑20k 个腳 ...



嘩...ching甘嚴重....
希望你快d好番
作者: witchycatcat    時間: 2011-7-7 08:25
原帖由 kito807 於 2011-7-5 08:50 發表

                               
登錄/註冊後可看大圖

我覺得自己去感受下著咩鞋咩跑法最適合自己, 外間學說太多, 好難講邊個對與錯

以陰謀論而言, 如果依家証明左赤腳跑係最好, 個個都唔著鞋或買對白飯魚去跑步,
咁全部賣跑鞋既大牌鞋公司咪好大損失? 佢地依家仲叫你 ...


x 2....
係囉....不是每一套理論係每人身上都work ma,最好就是自己try下......
作者: stephenyau    時間: 2011-11-21 14:59
一個不錯而客觀的評論有關赤腳跑....想一想, 才選擇....!  

http://www.sportsnote.com.tw/run ... 2-80b8-c12425358782

祝跑出開心健康路!
作者: skylinelin    時間: 2011-11-22 00:53
人生如馬拉松, 各有不同的成長環境與習慣.  如很多師兄師姐, 最重要揾個適合自己的方式.
作者: alvina    時間: 2011-11-29 09:17
前天跑Unicef charity run半馬，看到一位跑手是赤足的
晶片用幼絲帶縛在腳上

我對赤足跑的認識不深，只讀過嚴復在蘋果專欄提倡的赤足走路
不過讀到「前者（赤足）用腳底較前方位置着地，而且會放輕腳步；後者（穿鞋）則用腳踭位置着地」，
則想到以前看過一篇教跑姿的文章說跑步應前掌落地
如果係咁，係咪穿鞋跑其實都有赤足的一部份好處，而且無咁易受傷？
作者: mephistopheles    時間: 2011-11-30 14:17
標題: 回復 25# 的帖子
自己急進練不得其法就就在網上大肆抨擊+妖魔化全世界其他喜歡赤腳跑的跑友
仲要講到自己好持平咁
唯我獨尊得恐怖!
作者: KKLAI    時間: 2011-12-2 10:28
原帖由 chuen3182 於 2011-6-28 07:15 發表

                               
登錄/註冊後可看大圖

我都十分認同雷雄德先生的說法，現代都市人雙腳習慣穿鞋多年，
要到後期用雙腳從頭再學赤腳跑，是對自己雙腳虐待，（純粹自己見解，請諒）


城市人選擇"赤腳跑"作為慈善籌款之噱頭無可厚非，否則都係有著藝術家嘅情操同埋享往聚人皆醉我獨醒之感覺。



歡迎光臨 香港長跑網 - 長跑長友 (https://www.longrun.hk/) Powered by Discuz! X3.2