香港長跑網 - 長跑長友

標題: 轉載<爽報> 莊曉陽- 晨運賽舉世罕見 [打印本頁]

作者: queenielty 時間: 2012-1-20 08:55
標題: 轉載<爽報> 莊曉陽- 晨運賽舉世罕見
2012年1月20日

作者: absdorf 時間: 2012-1-20 11:13
世界上不少大型馬拉松賽,除了參賽者外,觀眾也是參與者一之,帶動全城氣氛,令更多家屬,朋友間接參與這項賽事,香港因種種原因,排除了大部份的觀眾,靜悄悄的跑完馬拉松.

作者: tank1438 時間: 2012-1-20 15:00
我想七分一人甩底係有幾大部份的報名者無認真對待馬拉松,早一點起步唔駛俾太陽曬咁耐仲好,而三隧三橋咁特色的賽道相當難得,唔該莊兄唔好成日覺得馬拉松係一個嘉年華喇,我地用心練習,雖然唔係職業跑手,但都想認真比賽,唔係將比賽攞黎玩架,跑幾快幾慢,只要用心跑我都會好尊重與支持,但來同圍掛住影相的我就覺得唔該自重,唔好阻住有心跑的人囉...!!

作者: sunrise 時間: 2012-1-20 17:20
早---就會擾人清夢; 晏---就會阻塞交通!
早---就涼快好跑; 晏---就多人打氣!
大橋就無觀眾無氣氛; 市區就空氣差, 多轉彎位.....
總之針無兩頭利, 無論點選擇, 都會有人唔開心! 究竟馬拉松比賽是為認真跑步的人而設, 還是一場百萬行般的嘉年華, 比大家來趁熱鬧?唔同的目的, 自然有唔同的取向; 暫時田總還是緊守專業的崗位, 但不久的將來, 恐怕要屈服在群眾的力量下, 去取悅大多數的人!

作者: felixcat 時間: 2012-1-20 23:37
好認同樓上兩位師兄嘅睇，都未知究竟係邊啲人退出就亂咁講，就好似有好多人跑十公里就話自己去跑馬拉松一樣。不過話出於一位有經驗嘅真正馬拉松參賽者，真係好失望，希望只係趕交稿先係咁。
要知道有七萬人參加揸打，即係香港七百萬人中有百分之九十係無參加，佢地對揸馬有幾認同我唔敢一概而論，不過試過跑完響銅鑼灣附近，都聽到有路人對揸馬阻著哂又攪到塞車封路好有意見甚至不滿。
另外以一個有咁多海外馬拉松經驗嘅人嚟講，乜乜舉世罕有咁又有乜問題呢？我只參加過兩次海外全馬，一次係夏天北海道，中午十二點起步氣溫有成三十度；另一次係挪威午夜太陽馬拉松，半夜起步。我相信呢兩個馬拉松嘅起步時間，更加係舉世罕有，但就係因為呢個係當地嘅特色，所以先吸引我參加。如果同其他馬拉松一樣，咁仲有乜特別呢？希望香港揸馬唔好變成一個，只係迎合本地大多數唔係真正跑步嘅人嘅賽事啦。

作者: kia2005 時間: 2012-1-22 20:40
條友不嬲都以自己的馬拉松信條強套其他人身上, 以為跑馬拉松就係世界既中心.
felixcat兄話"希望香港揸馬唔好變成一個，只係迎合本地大多數唔係真正跑步嘅人嘅賽事啦。"
條友之前在sportsoho出文, 笑D香港跑手無獎攞咁辛苦跑無意思, 應該好似佢咁, 食D日本市民為"神聖尊貴"既馬拉松跑手準備既免費食物.

作者: tank1438 時間: 2012-1-22 21:54
"無獎攞咁辛苦跑無意思",咁世界杯,除左強果幾隊,其他果D踢黎做乜,奧運除左有機會攞獎果D,其他運動員參加黎做乜...

歡迎光臨香港長跑網 - 長跑長友 (https://www.longrun.hk/)