香港長跑網 - 長跑長友

標題: 轉載<爽報> 莊曉陽- 開放主辦權引入競爭 [打印本頁]

作者: queenielty 時間: 2012-2-1 08:25
標題: 轉載<爽報> 莊曉陽- 開放主辦權引入競爭
2012年2月1日倒數第4天

作者: Bloodorc 時間: 2012-2-1 10:04
呢d嘢永遠獨市就唔慌會做好得去邊, 如果有近似規模嘅大型活動佢一定唔會愈做愈差囉. 我反而希望香港各跑會合力谷起某d團體攪跑步比賽, 多人去跑多人玩就越出名越有能力攪大.

作者: sunrise 時間: 2012-2-1 11:50
其實除了田總之外, 有沒有其他機構或公司嘗試在市區舉辦全程馬拉松比賽呢? 如果無, 政府沒有開放馬拉松, 讓田總壟斷之說就很難成立了! 當然, 如果其他公司或團體跟據同一個程序去申請封路比賽, 而政府卻沒有考慮或批准, 那麼我們可以說政府讓田總壟斷跑步比賽了.

另一方面, 我們要討論的是:政府應否讓田總在舉辦跑步比賽上有某些優勢? 又或者政府應該完全不干預長跑運動呢?

比起其他運動, 相信長跑運動政府的參與已經是非常少了! 既沒有精英運動員(現在好像有一個周子雁), 又沒有專用練習場地, 更加沒有發展基金直接推動長跑運動, 長跑運動這幾年的迅速發展, 一切都是民間自發的. 反觀單車活動, 政府卻為他們大興土木, 過百公里的單車徑, 一個又一個的單車公園, 無數的單車停泊設施, 跑友們真的流曬口水!

講返田總, 如果佢可以憑著特殊的身份, 從政府身上獲得某些好處後, 再回饋長跑運動, 取之于民, 用之于民; 相信大部分跑友都會支持佢. 但如果佢只是用長跑比賽作為賺錢工具, 沒有好好運用資源去推動長跑活動(唔好長跑賺錢短跑花), 要再獲得跑友支持就不容易了.

畢竟民間機構同政府爭取資源不容易, 外國不少城市不是單車徑單車跑友共用, 就是單車徑旁多建一條緩跑徑, 而香港的緩步徑又窄又短, 只合初哥使用, 經驗跑手就往往無路可走了, 希望田總日後可以多點主動為跑友爭取練習場地, 為長跑運動多盡一點力吧!

作者: felixcat 時間: 2012-2-1 18:25
樓上位師兄如果係通識考試，我覺得佢可以攪滿分。同唔同意佢嘅論點係一回事，值得欣賞係佢有分析、有立場。相反盲目將外國嘅做法放響本地，忽略本士文化等嘅限制同特色，以為全球化同商業化就係靈丹妙藥能醫百病，真係悲哀。

作者: LMF 時間: 2012-2-1 22:23
要有競爭對對手,就先要睇下個餅(巿場)有幾大,有冇肉食(利潤),咁先有聲有色,
回顧電訊發展便可見一班
香港個餅有幾大?每到跑季,每星期平均一至兩個10K比賽,
半馬同全馬差唔多一隻手數得哂,好多人計劃一年都係跑一隻馬,
兩隻止,點解同係全馬,中國沿岸同渣馬參加人數差咁遠?
即係全馬需求唔大,反而半馬更渴巿,
就香港現況黎講,10K已做到普及,更多人會挑戰半馬,而能力又可及,
同埋香港可以跑嘅地少,搵21K總容易過42K

其實政府起單車徑嘅同時,點解隔離唔整埋緩跑徑?
費解

歡迎光臨香港長跑網 - 長跑長友 (https://www.longrun.hk/)