香港長跑網 - 長跑長友

標題: 2012.12.9 第六屆美津濃石門10公里賽 [打印本頁]

作者: stunyap 時間: 2012-11-26 00:03
標題: 2012.12.9 第六屆美津濃石門10公里賽
一直都有跑開這比賽,奇怪今年沒人出帖...?

資料同上年差不多

主辦機構網頁:
http://www.ecotourism.org.hk/hkmp/

主辦機構: 香港馬拉松推廣社 (HKMP)
日期    : 2011年12月9日 (星期日)
時間    : 8:30 a.m.
地點    : 沙田石門
路線    : 由沙田石門出發, 經城門河緩跑徑及馬鞍山海濱長廊至馬鞍山公園折返 (詳情請參考報名表上的路線地圖)
距離    : 10.00公里
時限    : 1小時30分
組別    : 男子 - A (16-28), B (29-38), C (39-49), D (50-59), E (60+)
            女子 - WA (16-28), WB (29-38), WC (39-49) WD (50+)
            隊際 - 男子, 女子 (3人一隊)
費用    : $130
名額    : 1,500
截止日期: 2011年11月19日 (星期一)
查詢    : 8104-8500

作者: stunyap 時間: 2012-11-26 00:05
已滿額,但留個名報到

1. stunyap

作者: Little 時間: 2012-11-26 15:31
不是沒人出帖, 只是不知為何突然消失了

幸好這幾年都有跑開…收到信, 所以報咗lu∼

作者: hangS 時間: 2012-11-26 15:44
請問幾時會收到 confirmation letter??

作者: Little 時間: 2012-11-27 01:04
依據以往慣例, 比賽當天才派號碼布, 跑完才攞紀念T-恤, 所以封信約賽前嗰個星期(2/12-6/12)才會陸續收到的。

作者: hangS 時間: 2012-11-27 11:06
唔該哂...

作者: stunyap 時間: 2012-11-27 14:07
打電話問了，這1,2日會收到信

作者: stunyap 時間: 2012-11-27 14:19
消失....?
同日有特步同樂善，唔會因咁被和諧了吧....年年大把比賽都會重疊

石門平路多，上年好多最top快馬都有跑

作者: Bonsir 時間: 2012-11-27 14:23
剛收到信了

作者: stunyap 時間: 2012-11-27 19:12
剛收了信X2~

作者: 立花道雪 時間: 2012-11-27 20:43
收到信喇, 我幾鍾意跑呢個賽事

作者: alexywk 時間: 2012-11-28 07:07
我較早前曾張貼這個比賽資料，但第二日己刪除，跟著收到這個短訊有關條例:

針對於商業運作活動宣傳條款

原來每個張貼的比賽資料都要預先申請才可張貼，從此之後，我再不敢張貼任何資料，包括我比賽拍攝的相片，我只放於網站SportsoXX

作者: benny_cp 時間: 2012-11-28 19:05
我都收到信X3

作者: 長跑樂人 時間: 2012-11-28 20:22
我都收到信X4

作者: sunrise 時間: 2012-11-29 11:43

原帖由 alexywk 於 2012-11-28 07:07 發表

 登錄/註冊後可看大圖

我較早前曾張貼這個比賽資料，但第二日己刪除，跟著收到這個短訊有關條例:

針對於商業運作活動宣傳條款

原來每個張貼的比賽資料都要預先申請才可張貼，從此之後，我再不敢張貼任何資料，包括我比賽拍攝的相片， ...

呢個條款依家又好似無左, 可能長跑網負責人覺得這樣做大家會少了好多資訊同討論空間, 畢竟市場上有過半比賽都有商業活動成份, 如果全部唔比登, 那就影響大了!

作者: leefs 時間: 2012-11-29 14:13
由於本會(香港長跑網)宗旨為推廣平等普及運動,不謀利組織，及承諾日後運作不涉商業交易，故現增添以下有關條款"商業運作活動"(包括長跑比賽)於"討論區方針與指引守則"中，補充條款如下。

討論區限制行為指引-針對於商業運作活動宣傳條款 :

所有有關"商業運作活動"(包括長跑比賽)宣傳資訊，有關主辦機構張貼前均必須向本網管理員申請，及得到批准。
只容許獲批准申請項目張貼有關"商業運作活動"(包括長跑比賽)宣傳資訊。
得到批准的宣傳資訊必須按管理員指示張貼於本網指定版頁內。
有關宣傳資訊張貼人需要提供個人聯絡資料予本會。
所有宣傳資訊均需於首章(post 1)當眼處，張貼清楚合適的"免責權條款"。
有關宣傳資訊內容必需要與事實相符，不違反香港法律及本會方針。
所有參與有關項目者，需願意配合項目提供者的有關安排，對個人行為及不能預見的風險負責，及明白所有責任與(香港長跑網)無關。
宣傳資訊如涉及利益，有關項目結束後申請張貼人需願意提交營運賬目予本會查核。
有關宣傳資訊/項目如需同時張貼於其他網絡平台或宣傳空間，需要求本會批准。
有關宣傳資訊/項目如需與其他機構合辦/合營/合作，需要求本會批准。
張貼於本網的宣傳資訊，本會將擁有該條目的最終版權，及有權隨時拒絕或修改或刪除有關資訊。
本條款豁免以下機構之申請 : 非謀利機構(NGO)、政府部門、半官方組織(QUANGO)。

香港長跑網 - 管理團隊示
26.9.2012

作者: stunyap 時間: 2012-11-29 19:27
標題: 回復 16# 的帖子
咁出面"本土賽事召集區"的比賽帖都是得到批准嗎?

本土賽事召集區向來都似一個比賽報料區多過一個商業宣傳區,出帖的都是跑友報料多,討論的都是報到,比賽相關資料,賽後分享等
而"商業運作活動指引"條款看來是針對主辦單位,一名普通跑友要做到以上條款的話恐怕以後唔會有人再出帖,一年內比賽多達幾十,也沒有幾十個主辦單位在這裡出帖吧?
再者大部份都有冠名贊助,如上面所講,如果全部唔比登, 那就影響大了! 我睇香港有最多長跑比賽資料的就是這裡"本土賽事召集區",長期以來都是跑友自發報料,運作也極順利,不需過多守則吧

[ 本帖最後由 stunyap 於 2012-11-29 19:29 編輯 ]

作者: alexywk 時間: 2012-11-29 21:34

原帖由 stunyap 於 2012-11-29 19:27 發表

 登錄/註冊後可看大圖
咁出面"本土賽事召集區"的比賽帖都是得到批准嗎?本土賽事召集區向來都似一個比賽報料區多過一個商業宣傳區,出帖的都是跑友報料多,討論的都是報到,比賽相關資料,賽後分享等而"商業運作活動指引"條款看來是針對主 ...

可能長跑網已變質了，開始以商業化形式運作，如某些專業運動員受商業贊助商影響一樣，不能參與某些商業比賽，本土賽事召集區一樣，所有比賽帖都要獲得批准，討論區已非一個全面嘅比賽資料庫，只可靠自己每年參加開嘅比賽去尋找該比賽的網頁！

作者: Little 時間: 2012-11-29 22:48

原帖由 stunyap 於 2012-11-29 19:27 發表

 登錄/註冊後可看大圖

咁出面"本土賽事召集區"的比賽帖都是得到批准嗎?

本土賽事召集區向來都似一個比賽報料區多過一個商業宣傳區,出帖的都是跑友報料多,討論的都是報到,比賽相關資料,賽後分享等
而"商業運作活動指引"條款看來是針對主 ...

絕對同意StunyaChing!

明白要好好管理一個團體, 會員眾多, 要各方面取得平衡, 顧及嘅事宜會很多, 所以增加守則亦屬正常, 但希望不要忘記本會成立目的及宗旨﹕
1. 推動本地長跑運動的發展。
2. 透過本會舉辦的長跑活動，提高大眾對長跑運動的興趣及成績。
3. 鼓勵會員積極參與各項長跑活動。
4. 培育年青運動員，提升本地長跑運動的水平。
5. 與意欲提高長跑運動水準的其他協會或團體聯繫。
6. 透過本會的網站，為大眾提供長跑活動資訊，並介紹長跑運動帶來的好處和樂趣，以及提供一個分享長跑運動經驗與心得的平台。
若有會員沒有申請出帖,那麼管理員為何不自行將有關比賽資料出帖??

[ 本帖最後由 Little 於 2012-11-29 22:49 編輯 ]

作者: LMF 時間: 2012-11-29 22:48
但係裝備討論區好多牌子名,算唔算雙重標準?

[ 本帖最後由 LMF 於 2012-11-30 18:39 編輯 ]

作者: leefs 時間: 2012-11-29 23:59

原帖由 stunyap 於 2012-11-29 19:27 發表

 登錄/註冊後可看大圖

咁出面"本土賽事召集區"的比賽帖都是得到批准嗎?

本土賽事召集區向來都似一個比賽報料區多過一個商業宣傳區,出帖的都是跑友報料多,討論的都是報到,比賽相關資料,賽後分享等
而"商業運作活動指引"條款看來是針對主 ...

致各會員,

大部份比賽因符合"非謀利機構(NGO)、政府部門、半官方組織(QUANGO)"豁免條款，
此類組織或機構主辦之賽事張貼無需申請。
部份賽事主辦者主動以電郵或口頭向本會申請，或部份比賽或收費課程在未申請下張貼。(此為後兩者)
由於長跑項目存在不能預測風險因素，本網會已跑手人身安全為最大顧慮，張貼在本會網頁內的活動，本網務必負責任態度,就風險進行實質之關注。
我們會主動向(後兩者)口頭或電郵查詢以下問題 :

此活動有否進行保障參加者及沿途公眾人士的安全操施？
此活動有否聘請救傷隊駐守？
此活動有否為參加者或義務工作者投購第三者責任保險？
活動進行中途有參與者暈厥，你們如何處理？
活動進行中途有參與者碰撞途人，引發第三者身體或財物受損，你們如何協助比賽參加者處理賠償問題？

由於部份比賽主辦者選擇不回覆本會查詢，對於此類活動,本網會以行政方法，只容許在報名期完結時張貼。
本會重申"(香港長跑網)宗旨為推廣平等普及運動,不謀利組織，及承諾日後運作不涉商業交易"。

香港長跑網 - 總幹事。

作者: stunyap 時間: 2012-11-30 01:16
那麼本土賽事召集區就不用網友自發報料出帖了,因為已變成一個需要申請,主辦者才可出帖的真正商業宣傳區,這未免有點兒失去原本召集區報料的精神

這個比賽就成了一個犧牲品,有網友出帖報料,但身份不是主辦者,最終帖被消失,而主辦者也沒有向跑網申請,到這時才有人提起,也只有上年跑過的人知道這比賽

以往有一個全年比賽表,表入面的比賽都有相關帖的連結,一年有甚麼比賽一目了然
前路無阻,何必自己搬石頭過來阻住自己

[ 本帖最後由 stunyap 於 2012-11-30 01:20 編輯 ]

作者: david-ho 時間: 2012-11-30 19:39
我跑了這個賽事幾年了,網主提出的問題我從來都沒有想過,如果真的出了事如何是好,今年報了名都唔想跑了,
一點安全感都沒有,香港安全賽事我想都唔小吧,所以長跑網能出的賽事現在好有信心報了.

作者: sunrise 時間: 2012-12-1 09:55

原帖由 david-ho 於 2012-11-30 19:39 發表

 登錄/註冊後可看大圖

我跑了這個賽事幾年了,網主提出的問題我從來都沒有想過,如果真的出了事如何是好,今年報了名都唔想跑了,
一點安全感都沒有,香港安全賽事我想都唔小吧,所以長跑網能出的賽事現在好有信心報了.

閣下要留意以上問題只針對部分比賽!

作者: LMF 時間: 2012-12-1 21:43
吓?呢個賽事有高危?

" />" />版主未覆裝備討論區有好多商品名稱,有冇宣傳成份?
係咪POST之前都要向版主申請?審批?

[ 本帖最後由 LMF 於 2012-12-2 11:50 編輯 ]

作者: bazihk 時間: 2012-12-1 22:27

原帖由 LMF 於 2012-12-1 21:43 發表

 登錄/註冊後可看大圖

吓?呢個賽事有高危?" />" />版主未覆裝備討論區有好多商品名稱,有冇宣傳成份?
有咪POST之前都要向版主申請?審批?

這個賽事我兩年前都參加過，氣氛唔錯，唯一件衫係綿做的，我個人相信長跑網不是針對這比賽，只是處理問題應否有啲彈性嗎？

作者: lewischan 時間: 2012-12-2 00:10
無端端少左甘多popular的賽事，跑友有意見都是正常及理解的,

希望長跑網真系以"為跑民服務"為宗旨。讓跑手真正享受跑步樂趣

作者: hokiu 時間: 2012-12-2 10:12
明眼人都睇到,有人因為自己賽事賣唔到免費廣告,就動用外部力量（網友）,發出一點有引導性問題,想干涉媒體組織的內部行政,手法可恥到極

[ 本帖最後由 hokiu 於 2012-12-2 10:28 編輯 ]

作者: LMF 時間: 2012-12-2 11:49
會唔會諗多咗

作者: stunyap 時間: 2012-12-2 17:19
有幾明眼? 肉麻同極左,以為亞視同人大回覆緊.......

不涉商業交易就不會令召集區變質吧,報料區變成活動審批區
可能商業交易不包括比賽的會員優惠,多了親疏,少了自由的資訊交流

-------------------------------------------------

本區使用指引
1.
所有本土地區(即香港特別行政區)舉辦/舉行的賽事，類別包括：田徑賽、公路賽、越野賽、慈善賽等，均可在本區討論

但又有一個討論區限制行為指引-針對於商業運作活動宣傳條款

咁以上二項明顯針對的對象不同, 一個是活動討論,一個是主辦者的指引,一個主一個客,明顯矛盾,咁是唔是應該有二個唔同的區...???

如果要升格成審批區,便請跑網區分二者的分別

作者: yeewahkin 時間: 2012-12-2 18:44
(香港長跑網)宗旨為推廣平等普及運動,不謀利組織，及承諾日後運作不涉商業交易

please correct the mistake

作者: cyrilchu 時間: 2012-12-2 19:03

原帖由 yeewahkin 於 2012-12-2 18:44 發表

 登錄/註冊後可看大圖

(香港長跑網)宗旨為推廣平等普及運動,不謀利組織，及承諾日後運作不涉商業交易

please correct the mistake

further elaboration please !

作者: leefs 時間: 2012-12-2 19:22

原帖由 lewischan 於 2012-12-2 00:10 發表

 登錄/註冊後可看大圖

無端端少左甘多popular的賽事，跑友有意見都是正常及理解的,

希望長跑網真系以"為跑民服務"為宗旨。讓跑手真正享受跑步樂趣

原帖由 bazihk 於 2012-12-1 22:27 發表

 登錄/註冊後可看大圖

這個賽事我兩年前都參加過，氣氛唔錯，唯一件衫係綿做的，我個人相信長跑網不是針對這比賽，只是處理問題應否有啲彈性嗎？

過去多年本會致力為本地賽事改善比賽環境，
及會為跑手於比賽後發表之意見，
轉交主管機關希望問題得到關注、重視與改善，
如某某歡樂跑願為跑手設立行李寄存服務，
要求某賽會停止收取報名者3個回郵信封，
成功為跑手追討重複過數報名費及成績證書，
要求某半馬拉松賽不要重複撿拾地上水杯供水站使用，
以安全理由要求多項比賽改善賽道設計，
建議馬拉松紀念牌於完賽時由專人、人手掛上運動員頸上、等等…
過去更有比賽願意提供優惠邀請我們成為支持機構，
但因賽事過往處理問題有拖延前科，
故邀請未有接受。

總結而言，
有關條款之制定之由本會執委會通過後使用，
執委會由會員投票受權管理會務及網站，
過往與未來執委會均會以全體跑民福祉為依歸，
包括設立"針對於商業運作活動宣傳條款"之原意。

作者: leefs 時間: 2012-12-2 19:24

原帖由 yeewahkin 於 2012-12-2 18:44 發表

 登錄/註冊後可看大圖

(香港長跑網)宗旨為推廣平等普及運動,不謀利組織，及承諾日後運作不涉商業交易

please correct the mistake

收到，謝謝！

作者: Anthony 時間: 2012-12-2 22:13
我都感到好困惑，究道甚麼賽事才算商業交易？好似之前試過HKMP的賽事(New balance 15K)出完POST又唔見左，至報名結束又見番。難道HKMP被視為一個牟利機構？如何界定哪個長跑團體是牟利或不牟利？其實一班網友都是一番熱誠，我絕對相信出帖是希望為跑民服務，並沒有商業考慮。即使借長跑網這個平台去宣傳一個長跑活動，又有任甚麼商業利益呢？這是我個人單純的想法，可能有不足為外人道的理由而我未知，請指正及賜教

作者: LMF 時間: 2012-12-2 23:03
之前有兩位ching都有post呢個比賽資料,唔見咗,家陣又出番嚟,令人費解

" />" />
往年都有嘅石崗30K都開始報名,今年點解冇post?
之前都見過下萬宜地質20K個post,又係唔見咗,會唔會俾人河蟹咗?

管理層,裝備討論區好多牌子名,算唔算商業宣傳?

[ 本帖最後由 LMF 於 2012-12-2 23:14 編輯 ]

作者: AlexCat 時間: 2012-12-3 11:12

原帖由 LMF 於 2012-12-2 23:03 發表

 登錄/註冊後可看大圖

之前有兩位ching都有post呢個比賽資料,唔見咗,家陣又出番嚟,令人費解" />" />" />" />
往年都有嘅石崗30K都開始報名,今年點解冇post?
之前都見過下萬宜地質20K個post,又係唔見咗,會唔會俾人河 ...

我曾經post石崗30K，遭遇都是一樣，不過我唔知我係唔唯一出這項的。

作者: LMF 時間: 2012-12-4 20:32
又係不了了之

作者: kitkitlai 時間: 2012-12-4 21:29
因為....標準都係「話事的人」訂出黎架嘛

作者: kenfungkk 時間: 2012-12-5 13:14
咁即係呢個再唔係報料區，係長跑網認證區？唉.......

作者: Anthony 時間: 2012-12-5 13:30
係咪以後HKMP的賽事都不可以宣傳？

作者: LMF 時間: 2012-12-5 18:59
咁又唔會冇嘅,睇下心情想出邊個就邊個囉,如果冇記錯,呢個比賽連國際都認可,有分計,
唔明有咩危險性,況且之前有份出POST都係"長跑網會員"同"版務管理",
唔知呢個會唔會牽涉大石"擲"死蟹嘅情況,
HKMP又唔係牟利團體,
點睇都唔明違返咗針對於商業運作活動宣傳條款邊項,
為挽回大家對長跑網嘅信心,管理層理應回應下,

已刪去有關梁特首言論(特此聲明)

[ 本帖最後由 LMF 於 2012-12-7 20:33 編輯 ]

作者: david-ho 時間: 2012-12-5 20:29
LMF師兄唔好意思想請問下,我跑了HKMP賽事都好多年的,不知道的事有好多,
我每次都是上HKMP個網上看賽事的,都好清楚呀,但是我見你這樣說,HKMP是
非牟利團體,但是我知道他是登記公司啊,這麼多年都唔見每場賽事的收支
情況,好理所當然是為了錢的吧,才會開賽事啦,HKMP自已都有個網啦,為何要到
別人個網賣免費廣告呀,我想在別人個網出POST出賽事先問下也是理所當然吧.
還有梁特首的事也不方便在這裡談吧.

作者: leefs 時間: 2012-12-5 21:08

原帖由 Anthony 於 2012-12-5 13:30 發表

 登錄/註冊後可看大圖

係咪以後HKMP的賽事都不可以宣傳？

有關條款沒有針對任何機構與組織，
任何機構與組織如符合條款內豁免要求，
張貼之收費活動宣傳本會不會進行內容審核，
如該活動由個人組織或有限公司舉辦，
本會將向有關的個人組織或有限公司查詢相關風險處理問題，
如有關個人組織或有限公司能回應該等問題，
本會網站定必批准其活動張貼，
由於部份比賽主辦者選擇不回覆本會查詢，
對於此類活動,本網會以行政方法，
只容許在報名期完結時張貼。

作者: Anthony 時間: 2012-12-5 22:30
算啦，不想再糾纒，亦不想知甚麼條款，只是好簡單地，好天真地以為可以透過長跑網能知道全香港甚至國內外的長跑賽事消息，但原來是我一廂情願的想法，是我誤會了！

作者: LMF 時間: 2012-12-5 23:08
多謝回覆

小弟知道行政管理上有其考慮,
是否透過比賽而賺錢,我可不敢說,
況且沒有足夠的資金,如何舉辦賽事,多作推廣?(不過這是題外話)
但站在跑手的立場,自然希望得各比賽的資料,
自行比較及篩選,從而報名參加,
而長跑網亦提供了一個非常好的平台,
既清晰又方便,一覽無遺,

相信不少跑手都是透過這平台而得悉賽事,
尤其是新跑手(有幾多新跑手懂得去哪個主辦機構網頁而得悉賽事資料?),
於小弟而言,報名費是否成為主辦機構的營利並不重要,
重要的是收費是否合理,賽程,日期......
若然不合,誰理會自己的錢去了那裏,
若長跑網是以推廣跑步運動為己任,
可否彈性處理?如在賽事資料列明該項賽事可能涉及商業成份,
讓跑手自行判斷選擇?

若說不應為商業機構作宣傳,那裝備討論區應如何處理?
討論區內有不少跑手純為分享使用心得,也為了方便,
不會掩飾品牌名稱,
如若有用心不良的人,
不斷吹噓或抑貶某品牌,令人偏向選購某品牌,
這又是否另類的宣傳?

外跑的賽事又如何?總不能雙重標準

另外,如有商業機構(如SPORTSOHO)舉辦比賽,長跑網又會否提示該比賽涉及商業成份?
讓跑手有知情權及選擇權?

可能是小弟想得太多,作為喜愛跑步的人,
只希望開開心心選擇參與心中喜愛的比賽,
和志同道合的朋友一起分享心得,
缺少了部份的資訊,錯過了比賽,未免感到可惜和遺憾

[ 本帖最後由 LMF 於 2012-12-5 23:11 編輯 ]

作者: LMF 時間: 2012-12-5 23:15

原帖由 david-ho 於 2012-12-5 20:29 發表

 登錄/註冊後可看大圖

LMF師兄唔好意思想請問下,我跑了HKMP賽事都好多年的,不知道的事有好多,
我每次都是上HKMP個網上看賽事的,都好清楚呀,但是我見你這樣說,HKMP是
非牟利團體,但是我知道他是登記公司啊,這麼多年都唔見每場賽事的收支
...

令我想起HK Ax3

作者: stunyap 時間: 2012-12-6 00:45
可惜!

打從一開始在YAHOO搜尋長跑二字就開始留意長跑網,而最吸引我的就是這本土賽事召集區,因為資料最齊最方便,清楚知道每個月有那些比賽,再按自己需要和喜好選擇

此景不再了!

長跑討論已經是一個小眾主題,好好的一個召集區竟作法自閹......難怪跑開的new balance 10k同mizuno 石門10k的帖古古怪怪
new balance 10k的帖有一段時間消失左,在比賽前又出現返,那時唔知有古怪,mizuno 石門 10k又同一情況
剛才一睇,原來都是HKMP主辦
再睇上面的回覆,HKMP另一比賽石岡又同一情況
我諗跑網應該要交代

還我們一個自由討論任何比賽的地方!

作者: stunyap 時間: 2012-12-6 00:52
本土賽事召集區有一個可愛的地方
就是不分甚麼跑會搞,只要是比賽就可以出帖,不同於其他網站,只報自己的比賽
如果跑網要走其他地方的路,可以,但同樣會變得冇存在的價值

這可愛的地方才是應有的價值

作者: LMF 時間: 2012-12-6 00:56
stunyap ching睇開D話哂呢度係人地主場
佢地都付出咗好多
值得欣賞

如果要我做,都未必做得咁好

話時話,如果有雙贏嘅方法更好

作者: stunyap 時間: 2012-12-6 10:55
所謂的商業運作活動宣傳條款其實有好多矛盾地方

第一,下面的條款實際是要求共同舉辦,那有比賽會容許? 我也肯定召集區出面可以做到下面條款的沒幾個,可能就只有跑網自己出LOGO協辦的幾個比賽,而不會只少了某跑會比賽

宣傳資訊如涉及利益，有關項目結束後申請張貼人需願意提交營運賬目予本會查核。
有關宣傳資訊/項目如需同時張貼於其他網絡平台或宣傳空間，需要求本會批准。
有關宣傳資訊/項目如需與其他機構合辦/合營/合作，需要求本會批准。

第二,跑網的承諾日後運作不涉商業交易,是自己運作不涉商業交易,而唔是比賽是不是一個商業運作,一般跑會的比賽那有不是商業運作? hkaaa年年的商業運作,涉及利益是不少人都知道,跑網又一於少理??

第三,如主題是商業運作,又點解要審查人地的比賽安排?

此活動有否進行保障參加者及沿途公眾人士的安全操施？
此活動有否聘請救傷隊駐守？
此活動有否為參加者或義務工作者投購第三者責任保險？

上面是跑網審查比賽的問題,但都不是商業運作問題,也不包括在商業運作活動宣傳條款之內
而更甚的是,商業運作活動宣傳條款是有寫以下字眼
所有參與有關項目者，需願意配合項目提供者的有關安排，對個人行為及不能預見的風險負責，及明白所有責任與(香港長跑網)無關。一方面劃清界線,又一方面審查人地的比賽安排,真是.....

而豁免的主辦者又唔需要審查人地的比賽安全問題,雙重標準

見到的是大量矛盾啊

作者: LMF 時間: 2012-12-6 22:54
stunyap ching你仲唔明?呢度係人地主場,規舉係人地定,
就算講得幾有道理,人地都可以唔使理,
人地只係諗:如果唔鍾意,唔好留喺度,
而家你同我都仲可以咁樣吹,都要謝主隆恩啦,
人地已經好包容喇,
之前我問咗咁多問題,都唔期望有回答,
話唔定我你D POST過幾日因機件故障,從此消失

作者: stunyap 時間: 2012-12-6 23:52
講極都是得幾個人回,都唔期望有咩用

再過幾日就是石門,我都是期望做到PB多D

作者: kitkitlai 時間: 2012-12-7 00:13
「人在做，天在看！」無乜人回應但click入黎睇到都會有所感...支持網絡二十三條！

作者: macuLam 時間: 2012-12-7 10:32
認同樓上C hing所講, "吸引我的就是這本土賽事召集區,因為資料最齊最方便", 因為我都係一樣, 一入"本土賽事召集區",
希望知道所有香港舉行之賽事,
其實過濾賽事呢個層面, 可以交番比跑友自己, 我相信"有麝自然香"
再者, 而家香港仲邊有分"非牟利", "牟利"團體, 根本無意義, "非牟利"團體可以好牟利, 相反亦然...
明白管理層既"好意", 但未必係"好事"

作者: sunrise 時間: 2012-12-7 10:50

原帖由 macuLam 於 2012-12-7 10:32 發表

 登錄/註冊後可看大圖

認同樓上C hing所講, "吸引我的就是這本土賽事召集區,因為資料最齊最方便", 因為我都係一樣, 一入"本土賽事召集區",
希望知道所有香港舉行之賽事,
其實過濾賽事呢個層面, 可以交番比跑友自己, 我相信"有麝自然香" ...

相信管理階層都係正直不阿, 無私地為跑友服務; 不過如果依家佢地突然間多了一個審查權, 而呢個審查權又可能涉及利益, 始終跑步比賽的報名費及贊助費數以十萬計, 而長跑網呢個宣傳渠道又唔知值幾多錢......; 有心人可能會懷疑當中有利益衝突, 那就不太好了!

如果管理層唔想推廣一些劣質賽事, 藉以提高賽事水平; 反正有賽投票的機制, 那就最好由跑友投票選出最差的賽事, 下年唔比佢地係度宣傳作為懲罰, 那不是更理想嗎?

作者: hammerhead 時間: 2012-12-7 19:33

原帖由 sunrise 於 2012-12-7 10:50 發表

 登錄/註冊後可看大圖
相信管理階層都係正直不阿, 無私地為跑友服務; 不過如果依家佢地突然間多了一個審查權, 而呢個審查權又可能涉及利益, 始終跑步比賽的報名費及贊助費數以十萬計, 而長跑網呢個宣傳渠道又唔知值幾多錢......; 有心 ...

我是玩開三鐵的人,在2年多前在同一個攪手0既10k賽中受重傷，果次出事時在9k位置，在沒有工作人員幫忙下，需要自已搵途人借電話call白車，心想好在自已重清醒識叫人幫手!吳0係就.......之後都怕怕!唔再玩呢個hkmp0既比賽了！

[ 本帖最後由 hammerhead 於 2012-12-7 19:55 編輯 ]

作者: LMF 時間: 2012-12-7 20:31
先此聲明,小弟與此主辦機構沒有任何瓜葛,已參加這比賽好幾年了,工作人員有增加,
有警察協助維持秩序,之前因路窄及與單車相爭路,
亦更改賽道,以保障跑手及單車手之安全,
中途更有工作人員不斷提醒跑手在行人跑上,
所選路段亦有助跑手PB

之前亦參與同一機構主辦的"中X"比賽,
有救護車standby,當日真有跑手在中途暈倒,
其他ching 自然守望相助,不久工作人員也跑至
將其送院

這都是我親眼所見的

當然,每個比賽中途(如每隔1K)有工作人員是最理想的,
但涉及人力及物力,大型如"聯X國慈善跑",當日我跑半馬,
有人受傷,都係ching 犧牲個人時間,跑了幾K才有醫療輔助隊,再跑番傷者處,

更有趣的,在這討論區帖文提及這比賽的,
不是主辦機構,而是長跑網會員及管理層,這算是賣廣告嗎?我看是ching們在分享而已,
相反來說,長跑網有沒有徵詢過主辦機構,
得到主辦機構的同意?

[ 本帖最後由 LMF 於 2012-12-7 20:37 編輯 ]

作者: stunyap 時間: 2012-12-7 21:17
商業運作活動宣傳條款當中是沒有任何一樣是有關於活動當日的細節安排

我真是唔明,條款是用來針對"不涉商業交易",何來又要審查比賽安排?
而豁免的比賽,又不需要審查比賽安排

咁商業運作活動宣傳條款是不是已經失效?

------------------------------------

張貼在本會網頁內的活動，本網務必負責任態度,就風險進行實質之關注----<-----不在條款之中

對於此類活動,本網會以行政方法，只容許在報名期完結時張貼

其實已經講得好明,只是借商業運作活動宣傳條款之名,以行政方法自閹

作者: david-ho 時間: 2012-12-7 22:08

原帖由 hammerhead 於 2012-12-7 19:33 發表

 登錄/註冊後可看大圖

我是玩開三鐵的人,在2年多前在同一個攪手0既10k賽中受重傷，果次出事時在9k位置，在沒有工作人員幫忙下，需要自已搵途人借電話call白車，心想好在自已重清醒識叫人幫手!吳0係就.......之後都怕怕!唔再玩呢個hkmp0既 ...

有這樣的事呀,HKMP我跑了幾年啦,比賽衫都有30幾件,聽師兄這樣說了也看見今年廣洲馬拉松跑10K及跑5K都跑死了兩位年輕跑手,HKMP無買保險的,我星期日報了名都唔跑了.

作者: david-ho 時間: 2012-12-7 22:19
這幾天見兩位師兄好像沖著長跑網來的,可能長跑網唔懂做人吧,我也在想是長跑網問題還是別人的問題吧,看多了開始明白小小了,我也看過長跑網的條款,期實是對跑步者有好處的,所以兩位師兄請你說出真實目的啦.
長跑網的會員都這樣對自已個會,這點我也想不明白?

作者: LMF 時間: 2012-12-7 22:23
ching如果細心留意,大部份比賽都沒有第三者保險,有些沒有提及有關保險問題,有些是免責聲明,
有些要跑手自行負責個人保險,
有些更是斷絕跑手追討賠償,
所以,ching 以後可要小心選擇了,
祝你平安,長跑長有

作者: LMF 時間: 2012-12-7 22:27

原帖由 david-ho 於 2012-12-7 22:19 發表

 登錄/註冊後可看大圖

這幾天見兩位師兄好像沖著長跑網來的,可能長跑網唔懂做人吧,我也在想是長跑網問題還是別人的問題吧,看多了開始明白小小了,我也看過長跑網的條款,期實是對跑步者有好處的,所以兩位師兄請你說出真實目的啦.
長跑網的會 ...

ching諗多咗lu,
有心玩嘢就唔會喺度咁多年,
我的目的之前已可說明(在 #46post)
謝謝

亦希望管理層明白小弟愚昧,不明白的地方(小弟所提及的問題),
還望賜教,謝謝

作者: stunyap 時間: 2012-12-7 22:42

原帖由 david-ho 於 2012-12-7 22:19 發表

 登錄/註冊後可看大圖

這幾天見兩位師兄好像沖著長跑網來的,可能長跑網唔懂做人吧,我也在想是長跑網問題還是別人的問題吧,看多了開始明白小小了,我也看過長跑網的條款,期實是對跑步者有好處的,所以兩位師兄請你說出真實目的啦.
長跑網的會 ...

..........我明顯就是一個路過發帖,先知內有古怪的平常會員,如果真是針對長跑網,就唔會咁多日先幾頁,只在石門這帖回覆吧
你就.....自己開分身自問自答,是要人爆出來,唔好做得咁明顯吧......至於你本身的身份是咩就不得而知了
還請你用真身回覆吧,用這會員也不是的account去講這題目,會顯得很怪

明眼人也知路見不平,我針對的就只有不平

在這帖點做文章都冇用,上面都已有人咁講,你太看得起我了
我就是身為長跑網的會員,先有心機在這裡回覆,難道見有不公不發聲? 只會讚同的會員便是好會員?

作者: stunyap 時間: 2012-12-7 22:43
又出發做石門前最後一課~ 參加了的朋友加油

好天氣很有可能做到pb

作者: LMF 時間: 2012-12-7 23:06
ching加油!今年同樂善撞期,我會去樂善
該報名細則如下:
根據前述事項，本人之繼承人、遺囑執行人及管理人謹此豁免樂善行、所有贊助商、支持是項運動之團體及任何有關之團體對於本人因參加是項行山籌款而由任何原因，包括疏忽，所引致之疾病、死亡、個人損失及經濟損失之任何法律責任，以及放棄任何有關之權利、索償及追究行動。本人同時亦在此聲明各隊員身體狀況良好及有足夠訓練完成賽事。此外，本人亦授權予主辦者及其代理商選用有關此項賽事之相片、錄影帶及賽事紀錄作任何合法用途。

希望當天天氣好,大家玩得開心

作者: LMF 時間: 2012-12-7 23:49

原帖由 stunyap 於 2012-12-7 22:43 發表

 登錄/註冊後可看大圖

又出發做石門前最後一課~ 參加了的朋友加油

好天氣很有可能做到pb

咁夜?上年我都係喺呢個賽事PB,
呢幾日天氣涼,應該幾好

作者: kanokanok 時間: 2012-12-8 09:52
上面各位ching, 為星期日的賽事加油吧!!

作者: stunyap 時間: 2012-12-9 10:03
順利pb了
可惜今日回暖，又有陽光，冇前幾日咁輕鬆

今次香港好多種子跑手都有跑，10k/半馬/全馬最快的都有來

--------------

我見是有救傷車stand by

作者: Anthony 時間: 2012-12-9 11:00

原帖由 stunyap 於 2012-12-9 10:03 發表

 登錄/註冊後可看大圖

順利pb了
可惜今日回暖，又有陽光，冇前幾日咁輕鬆

今次香港好多種子跑手都有跑，10k/半馬/全馬最快的都有來

--------------

我見是有救傷車stand by

恭喜師兄pb，繼續支持香港不同團體舉辦的長跑活動，這才是長跑長友！

作者: alexywk 時間: 2012-12-9 11:13

我都PB咗呀！沿途足夠工作人員維持秩序，每公里都有指示牌，水站充足，好多高手都有跑呢個比賽，已跑4屆，大會攪得非常專業！

作者: stwilson 時間: 2012-12-9 11:34
I just finished !! the weather is good , but it was a little hot when I ran back .
It is pity of there is no teenagers team .

作者: jack.tsang 時間: 2012-12-9 12:23
雖然好窄, 但跑落都唔覺迫

下年再黎

作者: kk661234 時間: 2012-12-9 12:31
我pb 唔倒, 比上年慢了
本來目標是 pace 5min內
不過開始時太多人(因我起步排在後面), 之後又出太陽

不過以整體表現還算不錯

作者: stunyap 時間: 2012-12-9 13:06
今年件T設計好過上幾次,靚~
跑後有水有蕉有GEL,算做足
第一次食跑後送的ANS GEL(跑網團購那隻),就覺得太大包,一口咬向下拉未可以食完,份量多了點,也比較甜同"傑",跑緊食就麻煩了

賽道窄但唔迫,只有2個十幾步的上斜,真是容易做到pb
加上830開跑,又在石門站旁,好方便,下次再報

作者: shogikin 時間: 2012-12-9 13:16
歡迎各位參賽者
到投票區賽後投票

Kin in Running

作者: Bonsir 時間: 2012-12-9 16:28
岩岩48分鐘完成. 真係一條好易做到成績既路 .
我最欣賞除左各方面都organise得好外, 就係連地鐵站閘內個廁所都開放埋 , 好方便
而且今年件Tee真係好靚, 起碼靚過早幾屆先

值得跑既一個賽事, 下年一定都會再報

(不過個人覺得可以8點起步會更好, 回程應該無咁熱

)

作者: stunyap 時間: 2012-12-9 17:53
http://thaiquain.com/result/ShekMun10K_2012.xls

有成績~

(不過在HKMP竟然未有,但泰基先有...?)

作者: stunyap 時間: 2012-12-9 17:55
紀嘉文差9秒就破香港10K紀錄,可惜!

作者: LMF 時間: 2012-12-9 18:44
恭喜各位ching

今日天氣真好,睇山景一樣咁正

作者: alexywk 時間: 2012-12-9 23:59

原帖由 stunyap 於 2012-12-9 17:53 發表

 登錄/註冊後可看大圖
http://thaiquain.com/result/ShekMun10K_2012.xls有成績~(不過在HKMP竟然未有,但泰基先有...?)

果然效率好快，咁快有成績！謝謝 Ching !

作者: LMF 時間: 2012-12-10 21:57

原帖由 Bonsir 於 2012-12-9 16:28 發表

 登錄/註冊後可看大圖

岩岩48分鐘完成. 真係一條好易做到成績既路 .
我最欣賞除左各方面都organise得好外, 就係連地鐵站閘內個廁所都開放埋 , 好方便
而且今年件Tee真係好靚, 起碼靚過早幾屆先
值得跑既一個賽事, 下年一定都 ...

有冇相睇?

作者: stunyap 時間: 2012-12-11 18:58
https://plus.google.com/photos/1 ... 91428241?banner=pwa

https://picasaweb.google.com/102 ... mp;feat=directlink#

相

作者: LMF 時間: 2012-12-12 23:17
多謝ching

作者: LMF 時間: 2012-12-12 23:20
不知道管理團隊對post46的問題及意見如何?A積極跟進中,稍後回覆
B積極跟進中,但不會回覆
C不會跟進,也不回覆
D其他

作者: stunyap 時間: 2012-12-13 18:56
佢地其實已經回左
不過用唔同ACCOUNT

作者: stunyap 時間: 2012-12-13 18:56
http://www.sportsoho.com/pg/photos/album/2898253/10

http://blog.yahoo.com/_RFTGATDKZ ... icles/1012409/index

又有相

作者: LMF 時間: 2012-12-13 19:58

原帖由 stunyap 於 2012-12-13 18:56 發表

 登錄/註冊後可看大圖

佢地其實已經回左
不過用唔同ACCOUNT

咁詭秘

作者: LMF 時間: 2013-2-10 00:57
唔知係咪發雞盲,個帖喺本週熱門出現,
但本土賽事唔見咗,
好詭秘

作者: LMF 時間: 2013-2-10 00:58
出現番,果然係我發雞盲

歡迎光臨香港長跑網 - 長跑長友 (https://www.longrun.hk/)