香港長跑網 - 長跑長友

標題: 感覺被挑機 [打印本頁]

作者: Pawda 時間: 2013-3-3 22:31
標題: 感覺被挑機
本帖最後由 Pawda 於 2013-3-3 22:36 編輯

今日'下午easy run,可能因為剛剛過咗渣打關係，好少人跑。

途中見前面有位ching速度唔高,由於係easy run關係，所以一直都係跟住佢後面冇幾遠。但一到上斜，佢好似有d吃力慢咗落嚟，但我就keep住個均速，所以過咗佢。

過一陣到平路，位ching刻意加速過番我，本來我都冇為意，但佢一過我後就不停回頭望我個位置，好似想睇下我會唔會過番佢咁，但我冇理佢，繼續自己有自己跑。

過咗一陣有又第二條斜路，因為佢又慢咗落嚟，所以我再次過番佢。到咗平路，佢又特登加速過番我，又係不停咁回頭望我，嗰刻我感覺好似被挑釁，但我都冇理佢，仲特登再放慢d腳步，之後佢見拋遠咗同我嘅距離就冇再望番轉頭。

其實我跑得咁慢，你過到我又如何？

大家有冇類似經驗？

作者: LMF 時間: 2013-3-3 22:42
平常心
自己練緊咩就做咩

作者: kokyan_lam 時間: 2013-3-3 22:51
按自己既訓練目的來做PACING同途程即可, 唔需要理會其他人.

作者: ChowChow 時間: 2013-3-3 23:12
爭強好勝, 我會去踼波打籃球, 長跑的對手自有自己嘛, 睇開啲啦. 下次一係放一k放甩佢唔好再見到佢, 費事煩

作者: lewischan 時間: 2013-3-4 00:41
經常都有這種經驗，不過我好少理其他人。

作者: annannie 時間: 2013-3-4 00:52
我都有類似經驗,但我已經跑得好慢=v=

作者: JIMTSE 時間: 2013-3-4 06:29
自己跑步晤駛理人，有禮貌咪打過招呼囉！

作者: PABBPA 時間: 2013-3-4 08:19

JIMTSE 發表於 2013-3-4 06:29

登錄/註冊後可看大圖

自己跑步晤駛理人，有禮貌咪打過招呼囉！

讚好

作者: momolone 時間: 2013-3-4 08:43
有時我會跟住d比其他跑手做pacing﹗

作者: raychan 時間: 2013-3-4 08:51
平常心. 人人訓練目的唔同.

作者: JoJoYip 時間: 2013-3-4 09:12
有時我會跟人
想試下跟人地個速度幾遠同耐
不過會跟後面

作者: cmanho 時間: 2013-3-4 09:17
各自修行, 無需比較~~

作者: dchsub 時間: 2013-3-4 10:27
有時恭敬不如從命咪衝吓
只要按住自己有幾多貨唔好谷壞

作者: awolswat 時間: 2013-3-4 10:48
經常有咁既情況, 所以我盡量唔跟太近,
過頭唔好望人! 費事人地以為我挑機!

作者: little-fish 時間: 2013-3-4 10:51
只會借人入慢pacing,而唔會斗快，分分鐘遇高＂腳＂就自取其辱，而今好像周街都係10km/40分鐘咁，與慢的斗快又冇意思••••••

作者: Pawda 時間: 2013-3-4 12:35

awolswat 發表於 2013-3-4 10:48

登錄/註冊後可看大圖

經常有咁既情況, 所以我盡量唔跟太近,
過頭唔好望人! 費事人地以為我挑機! ...

開始o既時候,我一直係o係佢身後大概二十米,冇貼近扯佢,只係因佢上斜實在太慢(近乎行)我至過佢,過佢時亦冇刻意加快或任何特別動作,自問冇任何挑釁行為.

作者: eokcyu 時間: 2013-3-4 12:40
He just another guy in the road. Do your own way and enjoy running or racing with him if you like. Everything is under your control.

作者: doracrap 時間: 2013-3-4 13:12
我有時跑得悶悶地﹐見到前面有人快少少少少都會試下跟，絶對唔係挑釁人地，係想挑戰自己，有個假想目標～

但好多時過完之後又無貨賣，咪只有慢返下來回氣~

同埋我係跑緩跑徑，雙線雙程，過完人要cut返入自己條線，自然要回頭望，撞到人就唔好啦，絕無挑機作份~

作者: raccon_mama 時間: 2013-3-4 13:22
師兄/姐, 不用太介懷, 有時係場入面悶悶地我都會追下人, 大家跟本操的野未必一樣, 我上清水灣道成日死下死下甘, 人人都過我, 不過好多時, 見到快過我的人好快就拆返了, 而我仍是向油塘果邊進發, 大家操的K數/目標不同, 不用計較.
反而, 我試過玩山賽, 一個大叔(佢玩30k, 我玩20k), , 在大上斜, 我扯晒蝦, 我讓俾佢pass, 佢竟回頭問 : 咩你依家先跑到呢度, 要檢討下lor (仲係教訓人的tone wor!!)

..... (我心想, 咩事要甘話我wor) 總之, 我出盡力, 時限內完成米得lor...

作者: Pawda 時間: 2013-3-4 14:02
本帖最後由 Pawda 於 2013-3-4 17:23 編輯

呢個經歷對我呢個初哥o黎講唔錯,起碼可以提醒自己有d舉動好容易令其他人誤會,引以為戒.

作者: armanxd 時間: 2013-3-4 15:01
我試過係運動場我做緊約4:30mins/km
有個中學生無喇喇吊住我尾吊左成5個圈呼吸聲又大明玩野
我咪再推快d 佢吊多2個圈就打左柴
之後我每次過佢都望一望佢最後dup低頭走人....
真係唔明佢諗咩

作者: dchsub 時間: 2013-3-4 15:39

armanxd 發表於 2013-3-4 15:01

登錄/註冊後可看大圖

我試過係運動場我做緊約4:30mins/km
有個中學生無喇喇吊住我尾吊左成5個圈呼吸聲又大明玩野
我咪再推 ...

佢只係眼界開咗
因佢之前未見過勁人

作者: tango 時間: 2013-3-4 15:53
之後我每次過佢都望一望佢 .... ???

運動場跑圈, 唔係你吊人尾就係人地吊你尾, 呼吸聲大d又話人玩野, 每次過人又要望下佢, 都好不友善啫

佢又無傷害或阻礙到你, 就因為呼吸聲大影響到你? 公眾地方黎喎, 點解唔可以正面一點, 有人推當係動力, 佢跑唔到不妨鼓勵佢繼繼續努力, 多交一個跑友, 長跑長友

作者: armanxd 時間: 2013-3-4 16:26
當時學校陸運岩岩哂水人唔多我跑外線而個學生明顯係追到你勁貼有種被推既感覺
不過咁又係既可以當係一個動力

作者: mathew97726 時間: 2013-3-4 17:20

armanxd 發表於 2013-3-4 15:01

登錄/註冊後可看大圖

我試過係運動場我做緊約4:30mins/km
有個中學生無喇喇吊住我尾吊左成5個圈呼吸聲又大明玩野
我咪再推 ...

係邊個場? 我都試過係球場外圍跑, 有個同我差唔多大既中學生追上黎, 我果日跑interval, 時快時休, 我休果陣佢追到就望住我, 我跑果陣(因為interval配速比較快)就實過到佢

仲要我跑interval, 所以時間同路程都短過佢, 我跑左無耐就走啦, 佢就望住我諗乜我耐力咁差

有時覺得我有我練, 你有你練, 你同我練果d野都唔同, 點比, 真係要比就唔該埋黎問我黎緊報左d咩, 到時比賽比過, 咁就有得鬥

作者: armanxd 時間: 2013-3-4 17:29

mathew97726 發表於 2013-3-4 17:20

登錄/註冊後可看大圖

係邊個場? 我都試過係球場外圍跑, 有個同我差唔多大既中學生追上黎, 我果日跑interval, 時快時休, 我休果 ...

小弟當時係斧山

作者: mathew97726 時間: 2013-3-4 17:35

armanxd 發表於 2013-3-4 17:29

登錄/註冊後可看大圖

小弟當時係斧山

有機會係同一個人

btw新黎新報到, 各位師兄師姐多多指教!

作者: little-fish 時間: 2013-3-4 18:01
斧山？千萬唔好挑機挑著根師兄等人，出事的

作者: coolmanlai 時間: 2013-3-4 22:09
本帖最後由 coolmanlai 於 2013-3-4 22:10 編輯

我自己跑街或運動場都會追趕上前面不認識的跑手,亦會偶然回頭看對方,但不會多次重覆避免誤會(靚女除外).我相信呢件純屬誤會,他只是好奇,並無惡意.可能是閣下諗多咗呢!

作者: onionufo 時間: 2013-3-4 22:14
小弟係好幾個城市N咁多條路線、運動場練跑過都有過呢種經驗，實在好普遍

作者: kokyan_lam 時間: 2013-3-4 22:21
如果係我的話, 就算係過人還是俾人過都好, 平排時都可能偶然, 但一定唔會經常望對方, 尤其係運動場, 因為我覺得咁會有D挑釁性; 另外, 步速, 任何時候我都係依自己target去做, 唔會去追人地, 好簡單, 一來因為要執行訓練目標, 二來更重要的, 如果平日俾人追過就要立即追上, 或見前面有人就想超越, 在比賽時就非常容易俾人拉爆, 所以, 集中精神於自己步速同跑姿亦係平日訓練時要注意的地方

作者: JonesCheung 時間: 2013-3-4 22:29
我跑開街, 有時都會找一個步速差不多的跑友跟著他作假想敵, 一般人感到被壓迫也會提高步速, 但不會用眼神挑釁對方, 我會用這方法訓練自己。同時我也有被壓迫的經驗, 大家良性競爭不存敵意。

作者: alanika 時間: 2013-3-4 22:37
你地就好啦，有人挑機，我平日跑東涌小蠔灣，莫講話跑手，連人影都冇隻，一個人自己跑晒成條路係好悶架，我真係寧願有人挑機...

作者: mtkdc 時間: 2013-3-4 22:47
我自己是跑圈的，個人覺得挑機行為很平常，反而斜Cut擋路才是大過。

作者: kokyan_lam 時間: 2013-3-4 23:09

alanika 發表於 2013-3-4 22:37

登錄/註冊後可看大圖

你地就好啦，有人挑機，我平日跑東涌小蠔灣，莫講話跑手，連人影都冇隻，一個人自己跑晒成條路係好悶架，我 ...

路上會唔會有野狗?

作者: 龜兔競跑 時間: 2013-3-4 23:52
小弟都好驚被誤會挑機, 雖然吳會扭轉頭望人幾次! 最近一次練跑,臨到終點1k左右,俾個ching 過左頭, 我見就到終點想跑快番少少(其實仍然係慢), 追近咗個位ching, 點知佢以為我挑機, 加速谷咗一段, 攪到我幾吳好意思

,大家經常跑同一區, 成曰碰面架碼!

作者: alanika 時間: 2013-3-5 07:55

kokyan_lam 發表於 2013-3-4 23:09

登錄/註冊後可看大圖

路上會唔會有野狗?

連續有四公里路都係見到石頭同雜草，無生命跡象, 所以有時來回10K都冇見過一個人。

作者: JoJoYip 時間: 2013-3-5 08:06
本帖最後由 JoJoYip 於 2013-3-5 08:07 編輯

斧山會唔會係我
望錶多過望人
望人都係望靚女
其次望人著咩鞋

作者: Pepe 時間: 2013-3-5 08:57
本帖最後由 Pepe 於 2013-3-5 09:00 編輯

好平常吧！打個招呼啦！

作者: cmanho 時間: 2013-3-5 09:28
我都成日望靚女同望下其他師兄著咩鞋~~
希望唔好比其他師兄/姐覺得我挑佢地機啦~~

作者: little-fish 時間: 2013-3-5 09:30
還有3個星期，我便跑步兩週年了，在非賽道上唯一一次被挑，反而在仍是210lbs 時

那時跑步半年，第一次測試自己10km 能力，晚上在mos 長廊被挑臨尾那兩km

果時是6min/km pace, 現在就很輕鬆就算講電話都做到。
不過越跑得多，越唔敢挑人•••••••約跑我都永遠是最後那堆人。

作者: meia 時間: 2013-3-5 11:58
run at my own pace

作者: StephenKo 時間: 2013-3-13 22:29

tango 發表於 2013-3-4 15:53
之後我每次過佢都望一望佢 .... ???

我好多時都鼻塞鼻水鼻屎多，所以唞氣聲都會大啲，抱歉

作者: taekwondofu 時間: 2013-3-15 19:25
人人訓練目的唔同各自修行

作者: 長跑傑 時間: 2013-3-16 09:18
見個post 上上落落咁耐, 我都想講兩句....
其實無話邊個啱同錯,如果佢公然玩野, 跑過左又笑下你,咁就要鬧啦.
但可能係樓主錯覺, 覺得佢係想跑過你, 其實佢又快又慢自己都唔想, 想做快d既成績, 但上到坡又覺得辛苦慢下來....
最緊要係平常心姐, 如果對自己太唔舒服, 咪好似樓主咁讓人地跑先, 咁就大家舒服啦 ~

作者: sm_man 時間: 2013-3-16 11:36
其實都唔使太大反應, 我都係慢腳一名....
我都試過係九龍仔見到有跑友走過PACING幾快, 所以試下跟左4,5個大圈, 只要係認真跑步一心一意
而且我一直係後面跟跑, 亦無不敬之意...放鬆D香港人

作者: Run2012 時間: 2013-3-16 21:24
今日係運動練習慢跑，不斷俾人超越

作者: muse2705 時間: 2013-3-16 21:27
有時如果做緊tempo run 比人跟下都好GA, 有D推動力可以令自己跑快D

作者: Ziramas 時間: 2013-3-22 15:20
he is a gay and you are handsome

作者: 臭男人 時間: 2013-3-23 16:10
觀點與角度, 唔使諗咁多

歡迎光臨香港長跑網 - 長跑長友 (https://www.longrun.hk/)