香港長跑網 - 長跑長友

標題: 渣打馬拉松3主項全數額滿「香港人係咪真係咁鍾意跑步呀」 [打印本頁]

作者: bunbun 時間: 2013-10-31 07:52
標題: 渣打馬拉松3主項全數額滿「香港人係咪真係咁鍾意跑步呀」
明報 2013-10-31
報不了名

在香港，身為一個愛跑之人，要數每年最重要日子，渣打馬拉松只能認第二。說來諷刺，第一，是「渣馬」報名日。

昨天是渣馬10 公里的報名日，網上報名早上7 時開始，上夜班的筆者早早6 時半便爬起牀，當秒針踏進7 時，報名系統load不到是常識，於是F5 鍵（重新載入）不停撳撳撳撳撳，撳了10分鐘後終於有反應，「當前您是在隊伍中，預計到達網站時間是下午1 時XX 分」。當然等候的時間不用這麼久，約10 時左右畫面便載入了選擇組別的畫面，只是6 個組別全都額滿。玩完！

才3 小時，3.65 萬個10 公里名額便爆滿，「香港人係咪真係咁鍾意跑步呀」，朋友們在facebook 罵聲不絕。香港全馬名額為1.4 萬，連同半馬和10 公里合共7.3 萬，規模不算小，但報名卻令跑友疲於奔命。看看外國的做法，世界6 大馬拉松中的波士頓，限某個成績以上的人，才能報名，大幅減少新手和提升水準，不過卻與香港剛起步的跑步文化相悖；東京名額約3萬，報名人數30 多萬，超額10 倍，他們不靠先到先得，而是抽籤決定，將名額交付給運氣，似乎較依賴網絡連線速度更公平。

筆者到過京都跑全馬，也採訪過東京馬拉松，無論安排與氣氛，兩地天壤之別。「蝙蝠俠」跑全馬你見過未？東京有，而且他跑得很快，不是「玩玩吓」；幾十萬人沿途為你打氣試過未？柏林過百萬市民為你加油，香港人只得在天未光下對着隔音屏障跑。人比人，比死人，我不會妄想渣馬有朝一天能跟一眾長跑殿堂媲美，但只要能啓發香港人多運動，渣馬無論叫人多「氣頂」，依然是功德無量。

文．謝漢東

作者: hermanchung 時間: 2013-10-31 08:19

作者: esd517 時間: 2013-10-31 10:14
成也渣馬，敗也渣馬

作者: car666 時間: 2013-10-31 10:47
哎呀今年呢個system F5係大忌呀

作者: ChowChow 時間: 2013-10-31 10:55
跑開全馬就唔同人去逼渣10, 我覺得如果一啲本來唔係咁常跑的人因準備 / 參加渣打而多咗跑, 渣打可以作為一個新手的入門, 係好事

作者: armanchi 時間: 2013-10-31 11:20
渣馬遲早會1. 以過往比賽成積設門檻及2. 抽籤

作者: nicolechung 時間: 2013-10-31 11:55
同意渣馬對推動香港運動好大幫助, 對一D唔運動開既人, 藉此機會改變心態係非常好既事, 無第一次又點會繼續落去呢. 同時, 又覺得如果可以優先俾資深跑手提早報名較可行, 一來又保證大會整體時間, 又可避免太多新跑手上場.

作者: yannn3860 時間: 2013-11-1 17:32
我反而係度諗，如果將賽事前拎個個紀念牌，改為完成10km.半馬同全馬後先發，會唔會少左人報名呢

作者: little-fish 時間: 2013-11-2 08:07
季侯鳥多....年年渣打幫骨科醫揾唔少生意......經常跑的來來去去咪果一萬左近

作者: doracrap 時間: 2013-11-2 20:56
想當年都係公司關係，唔駛錢，柴娃娃去玩十公里，之後越來越迫，我就越跑越長，下年已是第三年全馬了

無渣馬我會唔會跑步，我唔知，但我是因為渣馬而認真開始跑

我都參加過其他比賽，但如果一年只可參加一個，一定係玩渣馬~

作者: leehyalbert 時間: 2013-11-7 18:08

little-fish 發表於 2013-11-2 08:07
季侯鳥多....年年渣打幫骨科醫揾唔少生意......經常跑的來來去去咪果一萬左近 ...

絕對同意! 我都識唔少厘類人!

作者: tango 時間: 2013-11-8 11:15
香港人真係咁鍾意跑步，我落街見最多人做既運動就係跑步

歡迎光臨香港長跑網 - 長跑長友 (https://www.longrun.hk/)