香港長跑網 - 長跑長友

標題: 2013年渣打馬拉松跑後感想 [打印本頁]

作者: kenwong 時間: 2013-12-5 21:33
標題: 2013年渣打馬拉松跑後感想
本帖最後由 kenwong 於 2013-12-5 21:36 編輯

今年報2014年全馬唔成功,好失望

仲有2個月左右就係比賽既日子,希望呢篇文章能夠再次勾起各位對比賽日既回憶未參加過而即將跑第一次既跑友都可以有個心理準備

2013年2月24日
已經係第三年參加,比賽前依然都會有個種緊張同興奮
今年跑全馬挑戰組,起跑時間為0640,我四點已經起身食早餐,再準備一下裝備
出門口時稍稍遲了一點,到尖沙咀時已經0615,交埋行李去埋洗手間已經到左起跑時間
熱身都來不及做,只能較後起跑,下年一定要預早少少.
起步不久見到有位師兄旁邊草叢嘔吐大作,我估佢都不能繼續,心裡面都替佢可惜
今日天氣唔算凍,比較潮濕,未上3號幹線已經出汗,而且因為遲左起步
心理上就想追返前面個批跑手,不自覺加快左步伐,未到5K已經有少少腳痛,
提醒我要收慢,幸好雙腳已經慢慢適應.
上到昂船洲大橋,見到兩條鯊魚跑手,估唔到著住鯊魚裝都跑得比我快,真係佩服,最後我都有幸同佢地一齊過終點@@
10K開始進入狀態,平均6:30/K,17K食第一條powerbar,係度想講下
上年食powerjel,覺得難入口,今年試下powerbar,點知一樣咁難食@@
出左南灣隧道,見到已經跑完青馬同汀九橋比較快既跑手,自己亦都要再加快步伐
20K既步速依然維持到,但係膝蓋開始痛,心理上有少少擔心,不過擔心都多餘
通常我會諗下其他事或者望下四周盡量分散自己注意力,今年水站比去年多左
基本上根本唔需要擔心補給既問題,比起我平時自己操長課,心理上少左壓力
來到30K依然有力,不過痛既感覺越來越強,但係知道仲有10K左右完成到比賽
係度真係要感謝st john既義工,全靠佢地D松節油我雙腳先可以支持到全程@@
到達30K既時間係3:10,比我預算中快左,而且跑緊回程,感覺上會比去程好
沿途既里數指示牌就係我既原動力,好快就入到西隧,氣氛十分好
叫聲打氣聲不斷有,其實參加馬拉松,除左係挑戰自己,惑受個種比賽氣氛都係一件賞心樂事.
出左西隧倒數5K,本來打算一口氣加速,,可惜幾段上鈄後已經消耗我剩餘既體力,雙腳由痛變左麻木
加速不成惟有保持住均速,睇住里數牌38,39,40,41...真係覺得呢幾k好難過,去到銅鑼灣係氣氛最好既一段
如果馬拉松比賽全程跑市區都唔錯,都有市民打氣.
終於來到終點維園,最後同兩條鯊魚跑手一齊到達,之後佢地仲互相擁抱,我都好希望將來既馬拉松都會有朋友同我一齊跑
到終點時間大約為4'20,比去年快20分鐘,下年我要以4小時為目標!
2014再來!

作者: felixcat 時間: 2013-12-14 19:16
本帖最後由 felixcat 於 2013-12-14 19:18 編輯

與樓主可能有些緣份，今年我跑全馬明年也跑半馬，亦有篇unpublished可以分享，不過不一樣的故事：

「⋯12年12月，當我確知意外後兩個月後已恢復能跑二十公里的能力，自然更雄心、更積極去恢復我過往的跑步練習，其中包括參加不同較短程的比賽。但很遺憾因為這次意外，我錯過了參加香港揸打馬拉松的機會，當10月開始接受報名時，即意外後第二天，我正臥在台灣的病床上，對於要花多久才可以康復過來，我想當時真的連醫生說不清，更莫說有心情和把握去考慮這場我過往十年都有參加的比賽，亦因此只好妥協和放棄參加。其實即使有機會參加揸打馬拉松，我都只會選擇半馬拉松項目，以作為每年一次海外馬拉松前的練習。但是意外後兩個月，即使當我知道有能力去完成半馬拉松時，揸打馬拉松亦已一如以往在開始接受報名後數天便迅速爆滿。

不過慶幸得很，上天可能再憐憫我渴望參加揸打馬拉松的心，機緣巧合下我被給予參加的機會，雖然這只是全程馬拉松的選擇。對於是否接受這次機會，我曾經也有過短暫的猶疑，因為接受這難得的機會，便意味著我需要在未來兩個月內，迅速恢復體能去應付一場全程馬拉松，而這將會是意外後第四個月內的事情。我知道有人會認為大難不死，已經是一個啟示，亦應該更安分守己以免再受傷，然而我卻固執地認為，既然我沒有在意外中死去，在第二次的生命中便應更豁出去，反正我清楚體驗過沒有人能預知自己生命何時結束的事實，我想我更不必害怕去接受其他的挑戰，所以我很快便決定接受這個機會。我在心底裡想，屆時能跑多少便跑多少，盡了力也等於尊重過這場比賽和其在背後付出的支援者。在這兩個月，我更小心但積極地備戰和練習，雖然替我做手術的醫生告訴我，大致上可恢復適量的運動，不過我卻沒有跟他透露過我再參加馬拉松的決定，反正我已沒有太多顧慮，只要謹慎地聆聽著我身體在告訴我的狀況，我想問題應該不會太大。

2013年2月24日揸打馬拉松當日，天氣很好而且清涼，我參加的是第一場挑戰組別，要求跑手能少於四小時完成馬拉松。可能由於這次意外，我更謹慎告訴自己能完成這場賽事的重要性，除了要避開與其他跑手碰撞到我手上剛愈合的傷口外，也要兼顧正在恢復中的體能，所以我打算更著重配速，以保存體力去完成整場賽事。比賽開始後，我很留意手錶顯示的步速，並於每五公里作出一次小檢討。雖然揸打馬拉松擁有以「三隧三橋」而持名的百米落差，我仍能保持每五公里介乎25至30分鐘的目標速度。我發現跑得異常輕鬆，感覺是游刃有餘地前進。而在最後的十公里，我完全常沒有遇到「撞牆」的感覺，因此我仍能維持既定的步速。以往我在最後的上斜路段，可能已太過筋疲力盡，所以只能慢步前進的情況，對比今年流暢的表現，是十分明顯進步，最後我以個人最佳成績完成，較前兩年同一賽道的完成時間有七分鐘的進步，連我自己也為此而驚喜。⋯」

明年1月我將再做手術，很難說2月能否能如期參與，即使是半馬，不過現在每一次能跑都已經感恩。無論如何，期望在賽道上與每一位跑友擦肩相遇。

作者: kenwong 時間: 2013-12-30 10:16
首先祝福師兄身體健康,長跑長有!
能夠於意外後短時間內恢復可以參加到全馬,令人佩服!

作者: hifilo 時間: 2013-12-30 16:06

Good Model

作者: felixcat 時間: 2013-12-30 22:47
Pepe師兄，先多感謝你的祝福，我身體上的傷，可以好的已經醫好，不能復元的就沒有希望了。港馬我有報，不過只係半馬，而且一月中會再動手術要全身麻醉，我想假如可以比賽日前拆線就參加，就算係慢慢跑都好，不過未拆線就唯有乖乖放棄罷了，即使係咁我都感恩，既來之則安之。

作者: kenwong 時間: 2014-2-12 21:04

felixcat 發表於 2013-12-30 22:47
Pepe師兄，先多感謝你的祝福，我身體上的傷，可以好的已經醫好，不能復元的就沒有希望了。港馬我有報，不過 ...

未知師兄能否參加?
我都係半馬呢

作者: felixcat 時間: 2014-2-12 22:52

kenwong 發表於 2014-2-12 21:04
未知師兄能否參加?
我都係半馬呢

Ken師兄，好感謝你仲記得。一月嘅手術非常成功，我體能亦迅速回復中。今晚亦響冷風凍雨中跑咗十公里。所以星期日好有信心可以岀賽。我跑半馬挑戰組。

作者: little-fish 時間: 2014-2-13 09:21
唔好用松節油.....只需收慢些，肌肉幾分鐘就順返。原因？諗一下其作用便知，用咗就最好唔再繼續跑

作者: kenwong 時間: 2014-2-16 14:52

felixcat 發表於 2014-2-12 22:52
Ken師兄，好感謝你仲記得。一月嘅手術非常成功，我體能亦迅速回復中。今晚亦響冷風凍雨中跑咗十公里。所 ...

師兄跑到好時間嗎? 小弟PB1:58都滿意咁凍天氣跑完都成身濕哂好彩有條毛巾送發表於 1 分鐘前

作者: felixcat 時間: 2014-2-16 15:28

kenwong 發表於 2014-2-16 14:52
師兄跑到好時間嗎? 小弟PB1:58都滿意咁凍天氣跑完都成身濕哂好彩有條毛巾送發表於 1 分鐘前 ...

師兄，我PB唔到呀，已經諗著準備充足，點知比前兩年慢兩分鐘，1:43埋單，不過有得跑都已經滿足。

作者: kenwong 時間: 2014-2-16 19:18

felixcat 發表於 2014-2-16 15:28
師兄，我PB唔到呀，已經諗著準備充足，點知比前兩年慢兩分鐘，1:43埋單，不過有得跑都已經滿足。 ...

1:43好快啦
我盡哂力都要1:58

歡迎光臨香港長跑網 - 長跑長友 (https://www.longrun.hk/)