香港長跑網 - 長跑長友

標題: 渣馬應該在年初三舉行 [打印本頁]

作者: bunbun 時間: 2014-5-30 06:56
標題: 渣馬應該在年初三舉行
http://www.am730.com.hk/column-209505
am730 2014-05-30

渣馬應該在年初三舉行
園丁

經過跑友經年累月的批評，田總終於將渣馬舉辦的日期，由農曆新年後兩至三周，改至較清涼和乾燥的1月舉行。馬拉松不宜在潮濕回暖的2月、3月天舉行，應該是常識，只是一直以來習非成是，令馬拉松要凌晨出發，忽然變得很有道理，甚至得到不少跑友的支持。

當然，辦馬拉松的最好日子，一定是交通最疏落的農曆新年，特別是傳統不拜年的赤口年初三，初一花車巡遊、初二煙花、初三辦馬拉松，找財神在終點頒獎牌，肯定相當有噱頭。

1 月的天氣很少超過二十度，至少田總和政府再也沒有藉口，佯言天氣濕熱，所以「被迫」要凌晨起跑了。下一步，就是要爭取馬拉松在陽光下舉行，令跑馬成為真正的盛事，有市民的打氣和參與！

回到Vibram五指鞋的官司。若以為五指鞋只是騙人的產品，其實並不公道，因為Vibram鞋的出現(連帶Born to Run提出赤足跑的概念)，的確完全改變了跑鞋的設計。若果五指鞋真的會引起傷患，令大家怕怕不敢穿，各大品牌也不會爭相推出類似的Minimalist跑鞋產品。

我並沒有五指鞋，但其他品牌的Minimalist跑鞋倒有一、兩對，都是趁減價斷碼時以超低價購買，最輕盈的一對Skechers，柔軟的內膽不刮腳，不必穿襪子便可以舒服地跑，而且相當容易清洗，旅行也方便攜帶。

對我這些小腿筋腱從來冇事，但有一對玻璃膝的跑手來說，五指鞋這類Minimalist跑鞋，就有顯著作用了。因為跑姿隨著跑鞋的設計改變，由傳統跑鞋的腳跟落地，改為以前掌落地，受力點則由膝關節，轉移至小腿肌肉和筋腱，減輕了膝關節的負擔。

習慣了像羽毛一樣輕的跑鞋，再穿上硬如石膏的傳統跑鞋，感覺如綁了兩塊巨石在腳上。不過，Minimalist跑鞋並不適宜逛街，我試過旅行期間，穿一對Minimalist跑鞋逛了兩天博物館，小腿肌肉和筋腱痠了好幾天。遇到這個情況，就要改穿回傳統跑鞋跑步，讓小腿有機會好好休息了。

賽程密的跑友不妨試試，不時換一換兩種跑鞋，園丁也是這樣跑。不過事先聲明，若果因此受傷，千萬不要控告am730和園丁啦！

作者: PiTA 時間: 2014-5-30 09:37
本帖最後由 PiTA 於 2014-5-30 10:10 編輯

大力支持，揾園丁扮財神喺終點線上為跑友打氣，同時亦俾一個機會實現佢對馬拉松嘅願景

作者: CCCHoi 時間: 2014-5-30 11:20
本帖最後由 CCCHoi 於 2014-5-30 15:18 編輯

初三攪...人人都去旅行，園丁/莊先生，你七少次啦，唔出聲冇人話你啞

作者: believew 時間: 2014-5-30 11:54
本帖最後由 believew 於 2014-5-30 13:16 編輯

年初三天氣都未必隱定，可能又凍又落雨… 同樓上一樣，好多人舉家旅行，影晌唔止跑手，仲要 d 義工，警察，救護員…仲有年初二放完煙花直落？跑手就話自己衡量， d 警察， support, 交通…想做死人咩

作者: chrislam 時間: 2014-5-30 15:46
年初三肯定拍鳥繩啦

作者: kiwong1800 時間: 2014-5-30 16:33
2015大年初一在二月中...........

作者: clau 時間: 2014-5-30 20:53
本帖最後由 clau 於 2014-5-30 21:12 編輯

渣馬唔係一月廿五日啊？

作者: swan 時間: 2014-6-1 16:22
除了在年初三跑之外, 其他見解都不錯。不過初三跑渣馬這點可以話荒謬至極!

作者: wslam 時間: 2014-8-14 14:58
我都好同意網友話"初三跑渣馬這點可以話荒謬至極!"呢句! 我反對將比賽安排在長公眾假期內舉行嘅諗法
至於馬拉松應該係全民參與嘅嘉年華, 讓多啲人"志在參與"開心下; 定係應該邁向專業, 讓真正認真要跑得好嘅人專心比賽呢?呢兩個唔同嘅方向邊個好啲? 有排坳囉! 作者鐘意前者, 但我就只支持"go to professionals", 馬拉松其實係一種極限運動, 想"開心一下"嘅人可以玩第2樣啫, 何必迫埋入嚟, 唔多唔少點都會阻住啲想跑得好嘅人㗎!
(唔好誤會, 我唔係話跑得慢就唔好嚟, 我都係慢人, 跑得慢但只要有心想快, 想造好自己個時間, 就冇問題; 但抱住玩嘉年華嘅心態走嚟玩, 跑下又停下影下相, 又扮下嘢, 完全無心造成績, 咁就不如真係去啲嘉年華會啦!)

作者: 炒炒 時間: 2014-8-14 15:20

wslam 發表於 2014-8-14 14:58
我都好同意網友話"初三跑渣馬這點可以話荒謬至極!"呢句! 我反對將比賽安排在長公眾假期內舉行嘅諗法
至於馬 ...

但係我覺得, 多原化都係一件好事.
唔一定全部馬拉松比賽都要變晒做 "go to professionals"

你要 Professionals D, 可以 CCM 或者皇者

作者: tango 時間: 2014-8-14 15:37
邊日搞都無所謂，冬天夏天，天熱天冷，晴天下雨一樣照跑，但唔明點解咁反對初三跑，為要遷就大家外遊？

幾有趣

作者: wlau 時間: 2014-8-16 14:05
本帖最後由 wlau 於 2014-8-16 14:07 編輯

tango 發表於 2014-8-14 15:37
邊日搞都無所謂，冬天夏天，天熱天冷，晴天下雨一樣照跑，但唔明點解咁反對初三跑，為要遷就大家外遊？

...

初三最大問題, 係大部份人都放緊一年一度既大假.. 要準備一個大比賽, 唔會初三朝早話行就行,
ONLY 只係岩岩拆完個年宵位, 你都起唔切咁大個EVENT 要用既場地既野啦...
唔通要所有人年初一, 二加新年班咩...

好多野要配合.. 自己(作者)以為自己無問題, 就等於其他人唔會有其他佢唔會遇到既問題..
現在太多人只係由自己角度去諗野.. 以為自己就係皇道.....
唔埋佢個原文係唔係想乘機話其他人..... 但亦代表作者自己以己之意作世界之想既心態...

歡迎光臨香港長跑網 - 長跑長友 (https://www.longrun.hk/)