香港長跑網 - 長跑長友

標題: 葵盛圍跑一圈 [打印本頁]

作者: tsw01 時間: 2014-8-3 15:55
標題: 葵盛圍跑一圈
曾經住過葵涌區，知道好多跑友會跑葵盛圍，為左認識一下葵盛圍，於是搵日放工就去葵盛圍逛一逛。
放工後先行到葵涌運動場，呢到有locker同埋浴室，可存放行李及跑後沖身。非常適合作為跑葵盛圍的起點及終點，路線簡介如下：由運動場後門出發，到興路盛左轉，沿行人路跑，到葵福路轉右，往李賢堯中學方向跑，過馬路到李賢堯中學側邊(盛福街)右轉向葵盛圍方向跑，到達盛福街與葵盛圍交界左轉，由呢到開始只要沿住葵盛圍的路牌跑，就可以跑返葵涌運動。
初段路是微微上斜，過左李賢堯中學後路越黎越斜，呢段都金金地，慢慢過埋高盛臺，差唔多到達全段路的最高點，之後路段都係落斜及平路，不經不覺就返到運動場。
全段路約5km,頭段路好快就要上斜，不要太快，要留力，大部份行人路都比較窄，要小心。車輛都不少，空氣質素一般，全段路景觀一般，大部份是樓景，不過住葵涌，以葵盛圍為練跑場地，是常識吧。據知很多在葵盛圍附近的中學都會在體育堂時要求學生跑葵盛圍。