香港長跑網 - 長跑長友

標題: 2016波士頓馬拉松 [打印本頁]

作者: 波波池 時間: 2015-9-14 12:25
標題: 2016波士頓馬拉松
http://www.baa.org/races/boston- ... e-registration.aspx

作者: craig 時間: 2015-9-14 14:28
多謝分享。

作者: qaz.201309 時間: 2015-9-14 23:21
Thanks for sharing!!!

作者: brompton 時間: 2015-9-19 06:55
本帖最後由 brompton 於 2015-9-19 06:58 編輯

昨晚已報，有無師兄/師姐去，可約埋起步點見。照計劃，應會係美國玩一個月，都會係租車+踩單車。

作者: 波波池 時間: 2015-9-21 18:29
已報，但未回復是否確實，如果中到時再聯絡約埋起步點見。

作者: brompton 時間: 2015-9-22 09:20

波波池發表於 2015-9-21 18:29
已報，但未回復是否確實，如果中到時再聯絡約埋起步點見。

已收到Boston Marathon的confirmation。好，到時，互聯，係起步點見

作者: 小叻 時間: 2015-9-25 11:40
揮手~

作者: brompton 時間: 2015-9-25 13:50
2016波士頓，我睇個Accepted Entrant List，香港都有成50幾人，入左圍，都幾多下禍。

作者: makiofai 時間: 2015-9-25 14:20
咁多師兄師姐都咁勁!好野!

作者: 波波池 時間: 2015-9-26 17:32
已收到Boston Marathon的confirmation。
定出發時間再聯絡.

作者: waterboy 時間: 2015-10-4 22:36
本帖最後由 waterboy 於 2015-10-4 22:39 編輯

Well Done

作者: hksis8888 時間: 2015-10-10 17:45
小弟家窮 , 想問下師兄 , 如果參加呢個比賽 , 大約要預幾多錢左右 , 例如機票 , 酒店之類 , 同請問通常係咪會跟旅行團 ?

作者: TerrySze 時間: 2015-10-10 22:30
抽中

本來想跑完去黄石公園玩一星期，可惜4月份仲好冷，公園好多地方未開，放棄了。只好玩美國東岸和多倫多，十日到。

作者: TerrySze 時間: 2015-10-10 22:39

hksis8888 發表於 2015-10-10 17:45
小弟家窮 , 想問下師兄 , 如果參加呢個比賽 , 大約要預幾多錢左右 , 例如機票 , 酒店之類 , 同請問通常係咪 ...

跑完即閃，3日两夜的话，我諗最平萬四蚊可以搞掂:國泰直航hkd7500，報名費240usd,最平酒店/BnB hkd1000/晚。。。。。食/玩:豐儉由人

作者: brompton 時間: 2015-10-11 23:53
本帖最後由 brompton 於 2015-10-11 23:59 編輯

hksis888, 預算有限？

機票可以留意國泰, 每星期二的fanfare，波士頓有出過減價票。不過日子，我睇過，唔係波馬的日子。等下，可能遲d會出，掛？。至於，住宿，可以上網找下d 背包客網，或可找到一些平、靚、正的住宿。

我還未book任何野，等我跑完紐西蘭才慢慢搞，暫無資料可以提供給你參考。我跑完，預玩一個月才回港。

作者: hksis8888 時間: 2015-10-18 22:29

brompton 發表於 2015-10-11 23:53
hksis888, 預算有限？

機票可以留意國泰, 每星期二的fanfare ，波士頓有出過減價票。不過日子，我睇過，唔 ...

多謝

作者: hksis8888 時間: 2015-10-31 09:07

waterboy 發表於 2015-10-4 22:36
Well Done

即係唔達最低要求都有機會被抽中參加 ?

作者: brompton 時間: 2016-1-15 22:57
本帖最後由 brompton 於 2016-1-15 23:28 編輯

已經訂左機票，$6050(已包稅)。民宿近Boston Common集合點，坐幾個站Green T Line，$440一間雙人房每晚(即每人$220)，book左四晚。初時想book青年旅社，好貴，要$640一個人每晚，而且係大房，即四、六或八個人一間，好唔抵。所以，轉而訂民宿。平、靚、正，希望係。
睇過租車，唔貴，Compact Car約$3600~$4000，十四日，保險全包。係比賽後一日，踩單車/坐地鐵，去番波士頓機場鑼車。跑完，玩美國東岸，波士頓入，波士頓走。可能會渣車入加拿大，詳細行程未定。會帶兩部單車去，落左機場，坐巴士/地鐵，去到市中心，就沿著Charles River踩到民宿。民宿屋主，會留條key係一個地方，唔洗等我地踩到黎，我們到就自已鑼條key去開門。煮食，廳房，Wifi全齊。係波士頓市，踩單車去觀光，方便和平宜過坐地鐵和巴士。而且，波士頓，係單車friendly的城市，單車市內遊，應該好正。除左頭四曰，book在係波士頓的民宿，其餘十四日，無訂任何住宿。到時，睇下去到邊，就訓到邊，是我慣常自由行的玩法。預計，玩十多日，應$16,000咁上下，當然唔計食特別貴的好野、玩好野、或是買記念品。
以這個Budget可以係美國玩十幾天，貴過去歐澳紐跑馬。無法，港美元高企。但肯定平過跟美國東岸的旅行團，我睇過香港去美國東岸的旅行團，剩報名費，已經要兩萬幾！還未計加遊加餐、導遊錢、稅項。咁樣自由行去跑一次波士頓，絕對平過跟跑團去跑日本馬。自由行跑馬，我的經驗係，歐馬最平，其次係澳馬，和紐馬，最貴係美馬。今次跑完美馬，都係轉番去跑歐馬，比較化算。歐馬，真係，平靚夾正，無得頂。
(註，以上的價錢，全是港幣。)

作者: brompton 時間: 2016-1-25 10:08
本帖最後由 brompton 於 2016-1-25 10:53 編輯

近這幾年，機票價錢(因為廉航和競爭、油價、新機慳油/載客量加大)，等多重因素下，而大幅下滑。去國外跑馬已經唔係什麼富豪級的玩意，加上多左住宿的種類可以選擇，如酒店、賓館、民宿、旅社，平貴都有好多選擇。網上關於國外自由行的資訊，多過天上的星星，都係造就國外馬拉松自由行的潮流。
我記得我初出黎做野時，知道某同事去歐美澳加英，玩(跟旅行團)，真係好羨慕。同事亦會打鑼打鼓，話自已跟鐵行、美麗華去歐洲玩。亦無乜聽到"自由行"三個字。跑馬，亦不會係耳邊聽到的名詞。帶單車去國外旅行，更加不可思異。就算係而家，我每次去國外跑馬自由行，都帶單車上飛機，都有不少人問我很多有趣的問題。帶單車上飛機，去國外自由行，相信不是一般人的茶。通常，身邊的朋友都會問我關於道路上安全的問題，可能他們認為去到國外，人生路不熟，踩單車會有人身上的危險，加上唔識路。其實，擔心是多餘，(我認為)。相對歐美澳加英(大陸)，香港踩單車係極度危險。我係香港，踩單車唔多，因為我踩過咁多國家，香港係最危險的踩單車地方。踩單車，最安全係大陸(可能和一般人的認知，有相當大的差距)。我踩過由武漢去西安，青海湖；又試過由惠州踩去江西南昌；又踩過全貴州，落埋湖南。等等，我覺得大陸係一個好單車friendly同安全的國家。反而踩環台，就唔係咁安全，相對大陸。
係單車上，帶部Garmin單車導航，國外的單車徑就會一目了然，Garmin可以發揮單車徑上的導航。所以，唔洗識路，睇住部Garmin就可以係國外四處趴趴走。更可以，係網上，下載該國的單車地圖/路線，叫Garmin帶住行。
手機和網絡，亦造就跑馬自由行的潮流。手機，可以預載離線/在線的地圖，可以作為汽車導航，人行導航，方便又準確。有了這些科技的支援，去國外自由行，已經比起從前，要睇hard copy地圖，準確和方便了好多。同埋，可以預先出發之前，預見裝上該國家的Apps，如交通、旅遊、住宿，更會如虎添翼。
我玩左跑馬單車自由行，咁多年，都覺得好好玩。所花不多，又可以慢活旅遊。跑馬前後，又可以踩單車鬆鬆腳，去到旅遊點，又可以踩住架單車慢踩睇風景。好像台灣Giant自行車老細講："(觀賞風景)步行太慢，坐車又太快，踩自行車剛剛好。"去到國外，我必會租車，左肽右肽，手波自動波，Van仔私家車，都牛問題。朋友常問，我係香港渣右肽，渣左肽會唔會有問題？其實，又係多餘的擔心。係機場鑼左架車，渣得一陣，就會乜都慣，唔會有特別的問題。相信，一般有係香港渣開車的，都會熟習一會就會慣，唔難。我唔會坐火車、大巴等，係國外租車係最方便和最慳的交通方法。同埋有架車和單車吏手，什麼特別想去的地方，都會去到。如果，祇靠火車、大巴，就祇可去一些大路的地方。

(註：各航空公司，對單車上飛機，有不同的限制。由可能完全唔上得，至加錢加費，網友要清楚航空公司的規定，才帶單車上飛機。)

作者: waterboy 時間: 2016-2-12 22:06
信者得...

作者: brompton 時間: 2016-3-29 12:37
本帖最後由 brompton 於 2016-3-29 13:32 編輯

今日上網book埋架車，跑完第二日就係波士頓機場鑼車。吳貴，加一個additional driver, 總共4千幾蚊。鑼左車之後，就美國沿東北，上加拿大，然後繞一個圈，回紐約，番去波士頓機場交車，走頭。剩番兩星期多d就飛波士頓，完成咁多年長跑的終極目標。會早到三天，玩/踩波士頓，適應下天氣和環境。租左間民宿，近Boston Common。同韓國女大學生的民宿，地點吳錯，又近地步點。係波士頓共四天，會以踩單車代步，一來鬆下腳，二來慳番交通費。波士頓係歷史大學名城，係其中踩單車慢游，應該好正。上星期，同單車鋪鑼單車紙箱，方便pack單車。單車東主，話，真羨慕常去國外跑馬，踩單車和旅遊。係，的確，去外國跑馬+踩單車, 係香港這類人，吳多。總之，知足常樂。我一向玩自助跑馬/單車游，住民宿/hostel, 消費吳貴。如果我下下跟跑團可能會破產。我鐘意踩住架單車陌生的城市，四圍睇下風景，如果要我坐旅遊巴，祇會上車訓覺，落車尿尿。
去到外國，好多時見到當地單車友。當佢地得知，我係黎跑馬，通常都會好驚訝的表情。問前問後，單車點上機，等交通安排的情況。
今次，像以往旅遊的安排，安排會有行山，影下國家森林公園的靚境，湖/河邊踩單車和當然吳少得的outlet shopping。沿途的住宿，無book亦吳洗book。去到邊，就住到邊。民宿/hostel/motel, 無處不在。渣住架車，無理由找吳到地方訓覺。(玩左咁多年跑馬單車游，真係未試過無地方訓)。最險個次，跑完Amsterdam Marathon, 經瑞士入法國。去到法國南部的鎮，因太晚(約晚上九時多)，鎮上唯一的賓館，因淡季店主可能見無客，就提早關門走頭。我渣到架車去，吳想再渣係晚上行車。睇Garmin，見到還有一間Hostel係鎮內，就急急渣車上山。條路又黑又窄又好似荒廢左咁。好不容易才找到這間Hostel。但人影都無個，又舊。膽粗粗，就摸黑渣住單車燈入去。發現有一間房無上鎖，便吳唸咁多，訓左先算。隨行的怕黑又怕有鬼，沖涼和上洗手間，就沖入去沖出黎，三十秒就完事(誇張左)。訓到早上，荒山野嶺，都吳見有人黎。一早便走頭，對頭就見到Hostel的管理員渣車返工。
自助游，住民宿，住過吳少類型的住宿。有十字軍東征時建設的老宅，有死過無數戰士的西班牙城堡，有要走一條長長走廊才有洗手間古老豪宅，亦有俾盟軍炸到烯爛重建的hostel，住過幾百年歷史的古修道院。這些民宿，真係膽少d，都可能吳敢合埋眼訓。當然亦住過億豪宅(民宿個富婆話，係負資產。高峰買左，賣吳去就當民宿租，收番d錢)。民宿主人，有些機會係會煮埋嘢俾我食，如就近無野買/食。
玩左咁多年跑馬/單車游，發現在安排上難度真係吳高。本著，人到橋頭自然直，相信自己有應付困難的能力，就己足夠。吳需要，事前過度去思想負面情況去嚇自己。互聯網時代，有個隨身的全世界大資料庫係手機上，有乜困難應付吳到？

作者: tsaugary 時間: 2016-3-29 13:07
充實的人生！讚！

作者: waterboy 時間: 2016-4-6 21:31
請問今年波馬參加者收到個參賽passport領物信件未呀？

作者: 小叻 時間: 2016-4-8 22:04

waterboy 發表於 2016-4-6 21:31
請問今年波馬參加者收到個參賽passport領物信件未呀？

2日前已收~

作者: waterboy 時間: 2016-4-9 17:03

就飛都仲未有，好以可以去到補领

作者: brompton 時間: 2016-4-10 09:36
本帖最後由 brompton 於 2016-4-10 10:23 編輯

一星期前已收到。

剛睇到慶州馬拉松，有港跑手RIP，有感。關於去外地跑馬，我咁多年黎都有留意安全的問題，亦刻意作出安全，以減低風險。初去外地跑馬，我都會跟跑步會或跑步團，但發現跑步團多會安排前一日才到，第二日就要跑，隨後的二、三天就安排觀光。對於，飛左幾個鐘或十幾個鐘，外國溫差同香港相差大的，一到步，就跑步的安排，就會增加跑猝死的風險。例如，香港上機係二十六度，飛到去斧山再轉巴士去慶州，祇得十度八度。對於年紀有番咁上下的跑友，血壓會突然標升而不自知。加上，預備比賽的興奮，當晚(比賽前一晚)的大吃大飲的Carbo Load，對心臟的負荷又會增加不少。
我試過跟跑會或跑團幾次之後，就以後唔濟，改左自由行。我自已安排自由行跑馬，必定會早一些去到國外(尤其係溫差大的外國)，至少三、四日(我跑荷蘭和今次的波士頓)，最理想係一個星期或過外(我跑紐西蘭)，甚或者玩完一段時間，最後個日才跑(我跑西班牙和悉尼)。我覺得，年紀越大，就越需要安排更早就到。因，坐完十多小時飛機，血液濃度/血壓，都會漸漸偏高，加上機上睡眠唔得，落機就面對干燥、低溫、強風，就算唔洗跑馬，就咁行行企企，都可能會雲低。(同我去紐西蘭，一個50歲+的朋友，就係落機第三日，行行下山雲低左。)
飛到外國，就hea踩下單車，跑下幾公里(其實都唔會，因踩單車可以cross train d筋肉和放鬆血管)，慢慢讓身體去適應氣溫。如果今次慶州跑友，作出相應自由行安排，盡量提早到，唔跟團，可能悲劇可以避免。不過，生命無take 2，亦無假設和如果。

去到比賽日，必定帶心跳錶。預頭十公里warm up，蟻速，心跳keep 75%-80% (以220-年紀 x 75/80%)，過左十公里，就keep心跳 85%。到左mid point，就keep 90%一路到終點，偶爾會去到95%，例如上坡。絕對唔會搏，自已平時跑得幾多、幾快，係比賽前已經差唔多知道，唔會無謂咁係比賽(靠感覺去搏)。唸深一陳，搏黎做乜？

今星期五，就會飛波士頓，星期六去鑼選手包。波士頓仍然頗冷，我預六小時內完成，各Bro/Sis，我掃街包尾。我由一月尾渣打到現在，都無練過跑，祇是有keep住踩單車和勤做GYM，好讓肌肉休息。波士頓賽道，祇是Fun Run，成績不會得到國際認可

，又多一個理由，唔搏。沿途影下手機相，享受BQed的樂趣。好似，去到法國波爾多紅酒馬拉松，會唔會一口氣沖到去終點？

作者: odinmusashi 時間: 2016-4-11 08:55
本帖最後由 odinmusashi 於 2016-4-11 08:57 編輯

波馬Expo超大超正，我跑果年NB仲出左對波馬限定版跑鞋。

記得早D去血併，同埋買大會「獨角獸」風褸。

作者: brompton 時間: 2016-4-11 11:44
New Balance會係波士頓會場，推出全球第一對3D Printing技術的跑步鞋。跑友即場進行跑步分析，分析跑姿和落地的重力鞋底分佈，然後印隻跑鞋出黎。我會去睇睇乜料，如價合或者會買對3D Printing的跑鞋番黎玩下。

作者: brompton 時間: 2016-4-18 04:57
本帖最後由 brompton 於 2016-4-18 05:22 編輯

前日己到，坐左十六小時飛機，坐到屁股都扁。民宿係Boston Univrrsity個邊。去到民宿，己經是晚上八點。好在，民宿就近乜都有，方便，吳洗累著還要去食野。
波士頓天氣，非常適合跑馬，六至十二度，干燥，藍天白雲，正到無投訴。訓過一晚，仍然有時差影響睡眠，一早就飛身去Hayes Convention Centre。來一早，都有人更早。會場Expo己人頭湧湧Adidas的獨角獸衣服，己俾人好似搶咁，係咁掃。有些熱門的貨品，己開始出現斷碼。有無搞錯，星期六一早，己經搶到咁，到下午或星期日，咪斷曬碼鑼？真誇張。

搶左半日貨，就行左去Quincy Market, 食馳名周打魚湯麵包，$9.25一個裝滿湯的大包。好味，但咸了一點。買左張七天任用的車票，$17，吳洗每次$2.65一程。方便。

今日，就踩單車遊大學區，見識到哈佛大學和MIT的頂尖學府。沿著Charles River岸邊，慢慢踩當鬆腳。游波士頓市，無番架單車，如靠對腳，真係吳知點行得曬。踩單車遊，都踩左四個鐘。影相，食嘢。今晚，就去大會安排的Carbo Dinner, 係Government Centre個站。我坐Green Line 25分鐘就到。其實吳遠，不過Subway似蟻行，踩單車絕對係快過坐Subway。

這兩天，波士頓市多是穿著獨角獸的跑友，四處扒扒走。波士頓這幾天，多左兩萬多個游客，好不熱鬧。到處，都見到獨角獸衣人。波士頓市，一房難求。如有跑友，穩得2017報名權，應盡早book住宿。吳係講笑？我住民宿，都吳係有好多有得擇。

作者: tsaugary 時間: 2016-4-18 11:40

brompton 發表於 2016-4-18 04:57
前日己到，坐左十六小時飛機，坐到屁股都扁。民宿係Boston Univrrsity個邊。去到民宿，己經是晚上八點。好 ...

有冇相show下件獨角獸？

作者: brompton 時間: 2016-4-20 09:11
本帖最後由 brompton 於 2016-4-20 09:59 編輯

我係藍色號碼布屬Wave 3的第三批，每個Wave有八批次起步，總共有四個Wave。藍色Wave 3起步時間係10:50am。但我要晨咁早係Boston University坐Green Line去Park Street的Boston Commo上大會安排的巴士，去Hopkinson的起步點。去到Boston Common, 排下洗手間，換好衫，己到上車時間。Wave 3巴士，開9:45-10:05am。坐左五十分鐘巴士，就到達Hopkinson起步點。係起點，大會安排早餐食(免費)。有Bagel(美國donut), 蕉，咖啡/茶，能量食物，等。
天氣，又曬又熱。好不容易等到Wave 3的起跑槍聲。條路睇圖係首十五公里係不斷落坡，但跑落又吳覺，祇覺不斷上上落落。沿途居民，兩旁打氣。佢地當睇馬拉松係節目。由第一公里開始，就一路到終點，都係不斷的打氣聲。居民熱情打氣，同東京有得fight。不過，我覺得有點嘈。所以，我都係跑係路中央，免得耳仔受罪。
最精彩都係去到15公里處的Wesley College。女同學排曬出黎，我估都有二，三百米的長度。我眼見無走埋去kiss kiss。我都吳理得咁多，kiss左四個女同學仔。第一次咀埋去時，以為係咁二咀咀個臉頰。原來吳係嫁，個女同學係咁咀我咀咀，四個女同學都係咁。有女同學任咀，係獨角獸馬拉松的一個特色，想必無其它的馬拉松會係咁掛？
講番條賽道，真係無乜睇頭，無境，有點悶。沿途的小鎮一個接一個。香港個條，靚過佢多多聲。我跑左五個多小時，才沖線。盡情享受獨角獸馬拉松。總結，其實覺得真係好一般，對賽道吳好有太多幻想，吳黎都無損失。除左Wesley College個段，有特色之外，其餘都係悶到嘔。居民熱情得濟，有時係耳邊大叫，有點難頂。
獨角獸馬拉松，吳黎無損失。跑完，玩完，覺得吳值。獨角獸馬拉松，打響招牌，係全國最古老馬拉松，而且又吹到好難才BQed, 祇是marketing技倆。Marketing係美國佬強項。經過包裝，地獄都可變天堂。沖左線，大會都開始預備收工。波士頓天氣，真係估佢吳到。大氣又凍，地鐵口又全關，要行去Park Street/Arlington才上到鐵。回到Boston University的民宿，己七時多。就咁係日本餐廳食個日本麵就返歸。

二仟多的報名費，加飛機票，住宿，還要飛十六小時，獨角獸馬拉松，真係吳值。用相同價錢和時間，可以去多幾次其他的馬拉松。但，不過如以了心願的情意結，咁就俾幾多都值。

今早就係Logan Airport鑼左架Nissan, 渣左百幾公里，黎左Portland, 食波士頓龍蝦。

作者: tsaugary 時間: 2016-4-20 09:33

brompton 發表於 2016-4-20 09:11
我係藍色號碼布屬Wave 3的第三批，每個Wave有八批次起步，總共有四個Wave。藍色Wave 3起步時間係10:50am。 ...

咀咀！好爽喎！

作者: brompton 時間: 2016-5-6 15:07
本帖最後由 brompton 於 2016-5-6 15:16 編輯

睇美國跑步網，話波士頓大會，正發起捉2015年和2016年，互換bib，假bib，假qualify的跑手。唔知個調查結果，會唔會影響2017 qualify的報名？話會cross reference近期跑手完成其他賽事的時間, 同埋會對鑼bib時和沖線時的容貌。
我建議，以保持香港地區跑手的良好聲譽，請各跑手不要做假。

歡迎光臨香港長跑網 - 長跑長友 (https://www.longrun.hk/)