香港長跑網 - 長跑長友

標題: 半年腳痛的日子 (已經有2年1個月) [打印本頁]

作者: manpao 時間: 2016-7-2 16:27
標題: 半年腳痛的日子 (已經有2年1個月)
本帖最後由 manpao 於 2018-2-3 15:01 編輯

今年一月尾跑完全馬後，膝蓋上方開始痛

無論什麼時候都會痛，行又痛，坐又痛，訓覺又痛

連游水都會痛

照過x光，醫生話骨無事

物理治療師話係股四頭肌發炎，叫我做leg extension 強化肌肉

幾時先會好？

=============================================

2017年七月更新:
我既痛仲未完全好返, 我仲未跑得返
膝頭外側仲係痛, 但膝頭對上已經好返晒.......
=============================================

2018年二月更新:
我仲未好返..... 兩年無跑, 膝外側仲係痛, 訓覺又痛, 坐低又痛....

作者: hkyyyyy 時間: 2016-7-3 18:58
熱敷拉跟肌肉伸展
痛少D 就坐無影櫈

祝早康復

作者: albutlau 時間: 2016-7-4 14:40
提示: 作者被禁止或刪除內容自動屏蔽

作者: manpao 時間: 2016-7-29 20:10
應該係這一個

http://painless.idv.tw/sportinjury/34.html

登錄/註冊後可看大圖

作者: manpao 時間: 2016-7-29 22:13
股四頭肌肌腱炎

作者: manpao 時間: 2016-11-7 15:35
十一月了。。。依家仲痛緊。。。

作者: manpao 時間: 2016-12-21 16:08
十二月了.... 仲痛緊........

做左八次衝擊波....... 無之前咁痛.........

作者: manpao 時間: 2017-1-3 10:03
1月了...

已經做左11次衝擊波, 無之前咁痛, 但仲有20% - 30%痛

打算唔做衝擊波了, 想試下針灸

真係無想過會痛一年

作者: tango 時間: 2017-1-3 17:41
X-RAY睇唔到野, 要做MRI, 返深圳港大醫院做, 8百人仔, 我剛做完, 話半月板有事, 都係強化四頭肌, 無野可做(醫)

作者: manpao 時間: 2017-1-9 16:33
本帖最後由 manpao 於 2017-1-9 17:25 編輯

tango 發表於 2017-1-3 17:41
X-RAY睇唔到野, 要做MRI, 返深圳港大醫院做, 8百人仔, 我剛做完, 話半月板有事, 都係強化四頭肌, 無野可做( ...

半月板什麼事? 咩都唔做等佢好? 幾時先好?
咁仲慘過骨折........ 骨折兩三個月咩都好啦

作者: manpao 時間: 2017-1-9 17:24
最近好似回復返之前未做衝擊波時咁痛,

作者: manpao 時間: 2017-1-14 18:21
醫生話做磁力共振睇下咩事..............

作者: manpao 時間: 2017-1-17 19:36
今日係痛楚一週年紀念日。。。。

無諗過會痛咁耐。。。

作者: manpao 時間: 2017-1-18 15:00
應該唔係肌腱炎咁簡單, 按到某個位會有痛感.......

星期六有MRI報告, 祝我好運..........

作者: manpao 時間: 2017-1-21 22:48
MRI report 顯示一切正常

咁最衰。。。正常但又痛。。。醫生都幫唔到我

差點係醫生面前喊出來。。。。

依家都唔知點算。。。。。

作者: albutlau 時間: 2017-1-26 17:17
提示: 作者被禁止或刪除內容自動屏蔽

作者: manpao 時間: 2017-1-26 22:40

albutlau 發表於 2017-1-26 17:17
師兄, 真心問的, 有無諗過系痛風?
有個case 系有朋友腳眼位成日有痛, 帶小腫, 成日話自己踢波出事, 最後發 ...

果個位無腫的症狀

作者: GO! 時間: 2017-2-14 17:52

manpao 發表於 2017-1-26 22:40
果個位無腫的症狀

半年,咁大鑊,我最近隻左腳膝蓋後痛了個多月, 忍痛跑了3個比賽,跑完渣打,今天看醫生

作者: manpao 時間: 2017-2-23 09:16

GO! 發表於 2017-2-14 17:52
半年,咁大鑊,我最近隻左腳膝蓋後痛了個多月, 忍痛跑了3個比賽,跑完渣打,今天看醫生 ...

忍痛跑咁勁.........

舊年跑全馬都係忍痛跑, 跟著痛到現在, 成年無得跑........

作者: GO! 時間: 2017-2-24 12:27

manpao 發表於 2017-2-23 09:16
忍痛跑咁勁.........

舊年跑全馬都係忍痛跑, 跟著痛到現在, 成年無得跑........ ...

絕對吾勁, 跑渣馬全馬時去到11k,痛得死去活來,一吓吓柺回終點

作者: GO! 時間: 2017-2-24 12:37
我睇左專科, 都話正常,講跑馬拉松易膝蓋容易退化,鬼吾知咩!
冇藥食.

作者: albutlau 時間: 2017-2-24 14:26
提示: 作者被禁止或刪除內容自動屏蔽

作者: GO! 時間: 2017-2-25 10:37

albutlau 發表於 2017-2-24 14:26
C hing, 有無諗過做下超聲波或衝擊波? 可能有些幫助。起馬可以加速覆完。

咩叫衝擊波,成日聽人講, 但我吾懂.
個醫生只話如果嚴重可以幫我打gel,我想冇咁厲害吓!?

作者: albutlau 時間: 2017-2-27 12:27
提示: 作者被禁止或刪除內容自動屏蔽

作者: GO! 時間: 2017-3-2 13:00

albutlau 發表於 2017-2-27 12:27
有些傷患太深層或較少血液到的地方, 按摩根本無乜用, 衝擎波原理系透過射頻去擊傷患處/周邊, 增加血液偱 ...

多謝意見,但心情十分矛盾,我曾經試過勒帶發炎, 食止痛藥跑馬拉松, 但現在是極可能是軟骨磨蝕,我好灰!

作者: albutlau 時間: 2017-3-3 10:36
提示: 作者被禁止或刪除內容自動屏蔽

作者: GO! 時間: 2017-3-3 13:09

albutlau 發表於 2017-3-3 10:36
師兄, 吾好灰, 我雙腳做過十字+半月手術, 肯定蝕得多過你, 如真系擔心, 去照MRI, 睇多個医生, 佢地可以看 ...

醫生轉介我做物理治療,但我吾敢做,因為識得一些人愈做愈差, 而且吾跑吾痛,好難同人解釋

作者: manpao 時間: 2017-3-8 09:45

GO! 發表於 2017-3-3 13:09
醫生轉介我做物理治療,但我吾敢做,因為識得一些人愈做愈差, 而且吾跑吾痛,好難同人解釋 ...

師兄你好返D未, 有無去照 MRI 同x ray?

最近我終於知道咩事了, 個膝頭無事, 係條股四頭肌有事, 條肌肉好硬, 拉到個膝頭

用foam roller碌, 依家有D進展.......

如果照左都係正常, 你可能都係好似我咁........ 上網揾下 trigger point, 可能幫到你!

作者: GO! 時間: 2017-3-8 17:35

manpao 發表於 2017-3-8 09:45
師兄你好返D未, 有無去照 MRI 同x ray?

最近我終於知道咩事了, 個膝頭無事, 係條股四頭肌有事, 條肌肉好 ...

師兄,今朝我見物理治療師,答案一樣, 骨骼完全正常,但係肌肉太緊以至膝蓋受壓,拉到膝蓋四處肌肉痛.
佢比多一句金句我: 跑長跑, 不只跑步,無時無刻要拉根

作者: GO! 時間: 2017-3-8 17:37

manpao 發表於 2017-3-8 09:45
師兄你好返D未, 有無去照 MRI 同x ray?

最近我終於知道咩事了, 個膝頭無事, 係條股四頭肌有事, 條肌肉好 ...

多謝師兄關心! 感激

作者: manpao 時間: 2017-3-9 15:58
本帖最後由 manpao 於 2017-3-9 16:00 編輯

GO! 發表於 2017-3-8 17:35
師兄,今朝我見物理治療師,答案一樣, 骨骼完全正常,但係肌肉太緊以至膝蓋受壓,拉到膝蓋四處肌肉痛.
佢比多 ...

Yes!!!

不過我係上forum問人先知, 我找咁多個物理治療師都只係見我果到痛就醫果到

咁依家有無用foam roller 去碌trigger point?

登錄/註冊後可看大圖

我一碌大腿 X 個位, 有種寃痛感, 果種寃痛感覺會延申至膝頭上面, 即係我平時覺得痛的地方

我碌有事果隻腳, 可能太硬太緊, 肌肉會咯咯下, 無事果隻腳係完全無呢個情況!

作者: GO! 時間: 2017-3-9 18:22

manpao 發表於 2017-3-9 15:58
Yes!!!

不過我係上forum問人先知, 我找咁多個物理治療師都只係見我果到痛就醫果到

我吾係日日上物理治療師,自己又未買枝狼牙棒,所以只係碌過兩次,其餘就自己拉
不過真係好中,我今日已經可以好正常地跑完7k, 拉跟真係好重要

作者: manpao 時間: 2017-3-9 18:41

GO! 發表於 2017-3-9 18:22
我吾係日日上物理治療師,自己又未買枝狼牙棒,所以只係碌過兩次,其餘就自己拉
不過真係好中,我今日已經可 ...

你就好, 咁快好返............

碌過兩次就得.......

我碌左一個月多啲, 都仲未完全好晒........

成年無跑......

作者: GO! 時間: 2017-3-9 19:02
師兄,吾好灰心,只要發現源頭,就有希望, 可能你的痛症閣了太久,只要有恆心, 放鬆返喲肌肉,大家一齊去跑馬

作者: GO! 時間: 2017-3-15 14:16

manpao 發表於 2017-3-9 18:41
你就好, 咁快好返............

碌過兩次就得.......

師兄,吾好灰心,只要發現源頭,就有希望, 可能你的痛症閣了太久,只要有恆心, 放鬆返喲肌肉,大家一齊去跑馬
,碌係其次,最重要拉

作者: brompton 時間: 2017-3-21 18:43
本帖最後由 brompton 於 2017-3-21 19:10 編輯

膝頭哥位痛，睇醫生可以講係浪費時間和金錢無。醫生祇是幫輕痛楚和消炎。食消炎藥止痛藥會好傷腸胃，就算夾埋胃藥食，都有可能仍然引起胃痛。

跑步引致膝關節痛，主因係，1. 跑姿不良，2. 肌肉過度緊張和 3.背盤腿骨不平衡，所致。醫生祇會治標，根本吳識醫扮識醫。消炎止痛過後，因基本原因無解決，不久又再痛過。
膝關節位，係上身和足部的連接位，係整個跑步動作的weakness link。例如，當mid stance的時候，腳弓不夠強或穿左不足夠支撐的跑鞋，上身就會向內傾斜。腦袋會自動去控制平衡，就會叫上身向外傾斜，去抵消向內的沖力。上身就向外，小腿就向內傾斜，咁膝關節就會夾硬被扭動。每步個膝關節都扭一扭，吳痛就有鬼？

以上，祇是其中一個情況。還有多種情況引致膝關節痛。醫生，邊識醫？

如果有八字足，入字足，O型腳，X型腳，長短腳，骨盤傾斜，寒背，C和S型背骨，低腳弓，等，都會因跑步造成膝關節痛，腰痛，腳弓痛，等等。香港人，以上所講的骨格缺陷，100%中曬。所以，有些長跑人，跑得幾年就因傷退出跑步，改玩其它。

吳了解自己的骨格缺陷，以為跑步吳難，就追逐時間和長距離，祇會弄來不可逆轉的終身痛楚。正確方法係，學好跑姿，盡量去改善骨架不理想的問題，小心自己吳好俾時間和速度的英雄感，沖昏頭腦，咁就可享受跑步的樂趣。

註，以上所提到的骨架問題是可以更正，不是生出。骨，係活的，吳會生死左無得改善。

作者: manpao 時間: 2017-3-22 09:26
完全同意, 睇醫生真係無用, 只會開消炎藥, 照xray, MRI, 根源完全無提到

我中左肌肉過度緊張, 真係好緊, 用foam roller碌會咯咯下........

那裡可以學好跑姿呢?

作者: brompton 時間: 2017-3-22 15:12
本帖最後由 brompton 於 2017-3-22 15:58 編輯

背盤腿足不平衡骨架，係造成肌肉左右前後，過度緊張的主因。背盤腿足不平衡，多是後天的壞習慣造成，企坐行姿勢長期不正確。例如，O型腳，會造成腿內肌過度緊張，腿外肌被過度拉長。X型腳，就相反。

O型腳，係跑步的mid stance，因身體重心撞落地面，膝關節會向外扭，足外側落地之後，不能有效地進行內翻。腳弓的避震功能，不能完全被利用。上身係mid stance時，打橫向內傾斜。上身向內側移動，膝關節就向外移動。久而久之，膝關節內側就會磨損，產生痛楚。加上腿側外肌過度緊張，會磨到膝關節的骨，每一下屈曲，磨到會痛。

X型腳，就相反，膝關節外側就會磨損，產生痛楚。加上腿側
內肌過度緊張，會磨到膝關節的骨，每一下鶌曲，磨到又會痛。X型腳，腳弓係mid stance時，過度受壓，把腳弓壓平還不特止，足部過度內翻，引致大腳趾出現bunion，母趾內翻的變形情況。嚴重會引起母趾痛。
醫生吳了解bio mechanics，祇可以做舒緩性的治療，但不能根治。痛，就止痛，發炎，就消炎，腫，就消腫，磨損，就打Gel。當醫生供緊間樓，需要錢時，就建議做手術。醫生？算把喇。
以上祇是兩個例子，去說明骨格不平衡會引致膝關節痛，和ITB痛。八字足，入字足，盤骨不平衡，過高／低腳弓亦會引起其它，包括膝關節，的痛楚。

正確處理方法係，1。減哩數，吳好追時間，2。勤換新鞋，3。改掉行坐企壞習慣，4。深層按摩平衡緊張的肌肉，5。減少跑步時上身，上下左右的搖動，6。強化穩定的肌肉，7。把跑步練習的目標，全放在穩定上身的基本功，慢就慢。
跑步係要求頗高技巧的運動，跑得健康所要求的就更高。吳係有兩隻腳就懂得跑。Running Bio Mechanics係專門學問。

作者: cabane 時間: 2017-3-28 13:23
本帖最後由 cabane 於 2017-3-28 13:27 編輯

有無試過針灸?
我傷左腳眼+小腿位, 針左, 轉好左,
但因為我怕痛, 轉好後就轉用足浴, 疼血清得好快
膝蓋舊傷針炙, 改善中, 會繼續另外, 食魚油丸奧米加三, 對傷有幫助

作者: manpao 時間: 2017-3-31 12:14

brompton 發表於 2017-3-21 18:43
膝頭哥位痛，睇醫生可以講係浪費時間和金錢無。醫生祇是幫輕痛楚和消炎。食消炎藥止痛藥會好傷腸胃，就算夾 ...

所以，有些長跑人，跑得幾年就因傷退出跑步，改玩其它。

..........
真係.......我跑左五年.............

作者: manpao 時間: 2017-4-2 12:00
今日已經係四月, 我既痛仲未好返.......

作者: brompton 時間: 2017-4-5 22:37
本帖最後由 brompton 於 2017-4-5 22:56 編輯

關節勞損，祇要改善坐企行跑的不正確姿勢，平衡和強化穩定肌肉群，加上如利用按摩球做深層肌肉按摩，身體的自療能力就會自然發揮。好少情況要動手術或打針，除非醫生或物理治療師，好等錢洗。又或者本身公司包醫療。

長跑長有，絕不是夢。跑齡十年，二十年，甚至三十年，都大有人在。我自己，己跑全馬，十多年。每年都跑三幾個全馬賽事。咁多年，都無斷過跑全馬。傷患有，但都不會太影響。不過咁講，我完成時間吳快，比賽和練習都係慢慢黎，而且以健康跑步為首要目標，不會過度追逐時間。見身邊的跑步人，一個個傷，一個個跑得幾年，就收工。而我仍然可繼續追逐我的長跑夢。十多年，無睇過西醫和物理治療。傷患，都係用以上方法自己醫。有一次扭傷過小腿，睇過一次正骨師傅。這些年，就睇過個次。
有傷患，不要灰心。人體有強大的自療功能，不要輕信好等錢洗的醫生和物理治療師。當然，如果吳介意幫佢地供樓，可以俾錢睇下有乜講。

還有，不要食止痛藥，去練習和比賽。因為止痛藥，把痛的感覺麻木了，但咁做，不能改善錯誤的跑步姿勢，根本的問題得不到解決，而繼續強迫自己去跑。會造成更大傷害。

作者: manpao 時間: 2017-4-7 11:55

brompton 發表於 2017-4-5 22:37
關節勞損，祇要改善坐企行跑的不正確姿勢，平衡和強化穩定肌肉群，加上如利用按摩球做深層肌肉按摩，身體的 ...

我跑左五年就收工, 一年無跑, 不斷睇醫生, MRI, x ray, 物理治療, 超聲波, 衝擊波全都沒用, 最後用foam roller 好似有進展......

作者: brompton 時間: 2017-4-7 16:02
本帖最後由 brompton 於 2017-4-7 16:34 編輯

manpao 發表於 2017-4-7 11:55
我跑左五年就收工, 一年無跑, 不斷睇醫生, MRI, x ray, 物理治療, 超聲波, 衝擊波全都沒用, 最後用foam r ...

可能你有公司醫療咭或可以claim一部份醫療費用，醫生和物理治療師，最喜歡就係這類病人。如果，個個長跑人好像我咁，就要等執。

用foam roller作深層按摩，係一個非常好和正確解決方法，持之以恒，痛患都會好番曬。引致傷患的原因係我之前所講到的幾個問題，而最普遍的主因，係骨架不平衡。如果不正視和改正，骨架不平衡的問題，今次傷好了，下次又會再痛過，永不止息。
改正骨架，跑姿就會自然變得標準，咁長跑長有不是夢。我花了不少年月去改善骨架，把O型腳，單邊外八字足，長短腳，單側彎脊骨，高低膊，寒背，前傾盤骨，等等，執正／或改善。我練習用五指鞋跑硬地多年，都不會引致傷患，反而關節越黎越堅實。所以，一旦執正骨架，跑步傷患就不會找上門。當然，都係個句，我跑得吳快，才可以咁講。

跑步，就好似談戀愛。一些人要貶眼光輝，明知會受傷，都會為了跑得一次好時間，談一次轟轟烈烈的愛情。但另一些就細水長流，put attention to details，仔細研究／改正，要求天長地久，玩跑馬人生。我係屬於後者。

我教初心向者跑步，不要誤會係開班教，祇是免費指導朋友。我第一堂，祇會教＂Running is a Science of Motion"，讓學員了解跑步的移動科學。並不會，一上堂就叫他她／們沖圈，計時分班。因跑者，不了解為什麼人可以跑，點解可以用骨頭和相關肌肉的互相拉扯的作用，產生向前的動力。跑錯，跑傷，祇是時間的問題

業餘長跑人，時間係全不重要，跑對和跑得健康才是重要。跑步不是講笑，不是去唱K也不是去釣魚。跑步不對，會死人，使人殘廢。跑步不對，會引致心律不正，嚴重會引致中風。新聞不時報道，初心向者和資深跑手，中風猝死。關節勞損，己經係小事。跑到心律不正，身邊時有所聞。

作者: manpao 時間: 2017-4-9 17:57

brompton 發表於 2017-4-7 16:02
可能你有公司醫療咭或可以claim一部份醫療費用，醫生和物理治療師，最喜歡就係這類病人。如果，個個長跑人 ...

我花了不少年月去改善骨架，把O型腳，單邊外八字足，長短腳，單側彎脊骨，高低膊，寒背，前傾盤骨，等等，執正／或改善

你怎樣知道自己有這些問題?

作者: manpao 時間: 2017-4-9 17:58

brompton 發表於 2017-4-7 16:02
可能你有公司醫療咭或可以claim一部份醫療費用，醫生和物理治療師，最喜歡就係這類病人。如果，個個長跑人 ...

業餘長跑人，時間係全不重要，跑對和跑得健康才是重要。

真係....有時D人追時間, 又話要3 小時完成全馬, 跑咁快唔知為咩

作者: brompton 時間: 2017-4-9 18:35

manpao 發表於 2017-4-9 17:57
我花了不少年月去改善骨架，把O型腳，單邊外八字足，長短腳，單側彎脊骨，高低膊，寒背，前傾盤骨，等等 ...

我十多年前，開始玩跑步，知道骨架平衡的重要性，怕跑步受傷，便找中醫正骨師傅去更正和檢查全身骨架。

作者: Kenny39 時間: 2017-4-10 21:16
最近發覺前腳掌落地有點痛，究竟係咩原因呢？

作者: manpao 時間: 2017-4-11 15:04
用foam roller碌左6星期, 由一月尾開始碌, 三月中好似有好轉

依家膝頭上面好似真係無再痛, 轉左膝頭外側痛.......

作者: brompton 時間: 2017-4-11 19:12
本帖最後由 brompton 於 2017-4-11 19:46 編輯

跑步是不應造成傷患，有不少跑步人把跑步／受傷，常連結在一起，是一種認知上的錯誤。有傷患必然有嘢做錯左，要立刻檢視乜嘢出現問題，而加以改正。跑步做對了，關節肌肉祇會越跑越強。跑步做錯了，就會越跑越弱，直至肌肉／關節出現問題，要被迫停止跑步。係未搞清楚，什麼是正確跑步之前，吳好追時間，吳好追哩數，慢就慢。作為業餘跑友，跑步應該係＂改善健康＂為唯一最大目標。＂健康＂凌駕於一切之上。
不正確跑步會跑出病來，甚至去見天父。關節問題都係小事，最鑼命係跑到心律不正。有些人為了追逐成功咁，吳好好處理心跳率，久而久之，心跳常係極高的Zone 5或過曬，個心就會受損。心律不正，可能會引致血塊，阻塞腦血管。跑跑下中風，就係跑步的快樂中見天父。所以不時會睇到新聞，什麼資深跑友，猝死，吳好覺得奇怪，點解跑開步咁多年，都會突然瓜左。亦有初心向者，一沖線就雲低，就可能係不懂得好好管理心跳。不了解跑步和盲目追逐時間和速度的自專心，往往會付出沉重的代價。

業餘跑友跑全馬，全程心跳不應超過90％。平時沖圈，都不應越過95％。

作者: manpao 時間: 2017-5-2 10:36
本帖最後由 manpao 於 2017-5-2 12:24 編輯

今日係五月了.....

我既痛康復了60-70%左右, 1月尾用foam roller碌股四頭肌, 3月中開始膝頭對上已經無咁痛, 到4月我肯定已經無再痛, 膝頭連啪啪聲都無左

依家剩返膝頭外側痛, 但用foam roller碌好似揾唔到trigger point, 無咩進展.....

其實唔洗痛咁耐, 用左成年時間去做一啲無用的治療, 超聲波, 衝擊波.......
揾岩治療方法就可以好快好返.........

祝大家身體健康, 長跑長有!

作者: brompton 時間: 2017-5-9 17:59
本帖最後由 brompton 於 2017-5-9 23:22 編輯

係行／跑的時候，mid stance過程中，腳弓吳夠力支撐身體下撞地下的重量，導致上身過度向內傾斜，會造成膝內／外則痛。又或者，鞋底己出現不平均磨蝕。又或者，O型，X型腳，都會係原因。要自己，由腳底到腰盤骨，逐一檢查，才會發現問題的原因。

如果吳知原因，所有的舒緩治療，都係白做。
一般跑者，以為自己有腳弓或有正常腳弓，就忽略左腳弓吳夠力的情況。有腳弓，不等於夠力去支撐幾倍身體的撞擊力。如果用慢鏡睇腳弓係整個mid stance時，出現的情況。就會發現，體重把整個腳弓被壓扁並不止，多餘的下撞力還會出現過度足內翻，引致膝關節出現內轉，盤骨向內傾斜。係咁情況下，個膝蓋必瓜，祇是時間的問題。瓜完個膝蓋，就瓜埋個腰椎。

所以我一直說，所有治療都係幫醫療師炒樓，炒股票，同倒錢落咸水海無分別。最慘就係被醫療麻痺左個心理，以為有醫療就會好番，自己就吳積極去找尋原因。這個被麻痺的心理，才是最傷害。

跑步，係高危的運動，吳好俾跑步的簡單性呃左。越簡單的嘢，就越難。不過吳係叫人吳好跑，祇要用＂不爭＂的心態去做跑步運動，都是有益的。＂不爭＂即係慢慢黎，慢就會減少身體重量對地的撞擊力，從而減輕因為自身的結構不平衡和不足，所可能引起的傷害。＂慢＂對於保健，興趣和消閒性質的跑手，係無問題嫁。業餘跑手，因為＂健康＂才跑。吳通業餘跑手，想做elite？

作者: brompton 時間: 2017-5-10 08:55
本帖最後由 brompton 於 2017-5-10 09:49 編輯

例如，一個重60Kg資深跑手,每次以三倍體重撞落地面，就可以回收40％作為向前的推進力,即係60Kg x 3 x 40% = 72Kg 回彈推力。這個跑手有個＂跑步初心向者＂的朋友，常聽說資深跑友講跑步的好處，為左減肥，就開始接觸跑步。這個初心向者，亦是重60Kg。因為他有一般少做運動的香港人骨架和筋骨上的不平衡／穩定性，他每次跑步以三倍體重撞落地面，祇能回收20％作為向前的推進力，即係60Kg x 3 x 20% = 36Kg 回彈推力。
但＂初心向者＂好想跑出好時間，去追資深跑手。一齊去跑會練習，常俾其它跑手番Lap還不特止，重俾扭下扭下的阿公阿婆過佢頭。＂初心向者＂心內己有團火，吳想俾跑友看扁。加上同他入跑會的男男女女，己經有個別能跑進Sub 4，甚至3:30。

去執身體不平衡的問題，並不是一朝兩日的事，加上跑會又吳多教這方面的知識。＂初心向者＂為了去滿足自己在跑步速度上的慾望，唯一就係增加步頻和增大向後推力，去達至包括20％回彈力在內，總輸出要上到72Kg。唯有咁做，才可以追到資深跑友，免自專心受損。

要知道，增加步頻和向後推拉力，會同時增加心跳。增大撞擊力和推拉力亦會對己不平衡筋骨造成更大傷害。＂初心向者＂邊理咁多，每星期落跑會練兩晚，每次沖圈，什麼800m x 6, 200m x 4, 跑十圈沖兩圈，等等。每次心跳都爆晒燈，跑完晚上難入睡，筋骨又累。週末又跟plan，跑30公里LSD。＂初心向者＂以為咁才是跑步。＂初心向者＂的速度也快了很多，自專心亦番晒黎。

跟跑會四處跑馬，好不威氣。Sub 4己是for sure。＂初心向者＂以馬拉松跑手自豪。一年又過一年，心跳每次落場練和比賽，常過Zone 4 and Zone 5，人心肉造，心臟就吳難出現時不時＂罷下工＂，停下跳下。關節亦出現大大少少的問題，但＂初心向者＂又因為自專心，吳會讀自己出左乜嘢健康問題，收埋收埋。進出診所，物理冶療，跌打，神醫，等，係每月動作。

＂初心向者＂望下他的資深跑手朋友，仍然還在享受人生馬拉松。＂初心向者＂就越黎越少返跑會，由全馬轉到十公里，再由十公里轉行山。

這個故事，全是虛構，但又似乎真實。以上情節，相信對於不少跑友，並不陌生，好像映射緊自己或相識的跑友。

作者: manpao 時間: 2017-6-1 09:23
本帖最後由 manpao 於 2017-6-5 12:13 編輯

6月了, 仲未完全好返......

但已經有很好的進展, 只係用foam roller碌了大腿六星期, 膝頭對上已經不痛了

依家膝頭外側痛, 揾到個痛點係patpat外側, 依家用網球碌

好神奇, 一坐落去個網球到, 個痛會由patpat延伸到膝頭外側果個痛位

作者: brompton 時間: 2017-6-4 18:57
本帖最後由 brompton 於 2017-6-4 19:00 編輯

http://www.runnersworld.com/runn ... knee-pain-treatment

踢爆類固醇注射無用兼有害。各跑友,吳好中招俾醫生呃。絕大部份因跑步引起的關節和筋骨問題,都不需要介入性的治療。祇要找對原因,加以改正便可。

作者: manpao 時間: 2017-6-5 12:11

brompton 發表於 2017-6-4 18:57
http://www.runnersworld.com/runn ... knee-pain-treatment

踢爆類固醇注射無用兼有害。各跑友,吳好中招 ...

有種叫激痛點注射 trigger point injection, 其實都係打類固醇

作者: brompton 時間: 2017-6-7 09:16
http://hk.apple.nextmedia.com/news/art/20170607/20047345

呃錢無良醫生。狂打類固純，醫吳好還苦害病人。各跑友，小心。

作者: manpao 時間: 2017-6-9 14:29
如果照過x ray, MRI 沒有問題, foam roller同網球可能幫到你!

作者: manpao 時間: 2017-6-14 14:20
大家有無試過針灸, 推拿?

覺得效果如何?

作者: shaka 時間: 2017-6-19 12:20
師兄, 我行山多, 都係因為開合大或者屈一屈腳冇理, 停了兩個月多行山外出
最近終於去睇物理治療, 針灸我覺得幫到我

作者: manpao 時間: 2017-6-26 10:04
七月差唔多來了, 今個月好似無咩進展, patpat 個trigger point 始終未鬆到, 膝頭外側仍然痛..........

作者: shaka 時間: 2017-6-26 13:56

manpao 發表於 2017-6-26 10:04
七月差唔多來了, 今個月好似無咩進展, patpat 個trigger point 始終未鬆到, 膝頭外側仍然痛.......... ...

都係冷熱敷同轆網球我覺得最幫到手
昨天算開到第一次長課, 冇痛完成15k

所以師兄加油勤啲在屋企鬆, 應該好快可復出

作者: manpao 時間: 2017-6-27 09:48
本帖最後由 manpao 於 2017-6-28 20:50 編輯

shaka 發表於 2017-6-26 13:56
都係冷熱敷同轆網球我覺得最幫到手
昨天算開到第一次長課, 冇痛完成15k

碌左成個月啦.......... 無咩進展, 唔知係咪碌錯.........

作者: hk00006695 時間: 2017-7-2 22:09
冇可能咁耐都未好返... 係未傷緊都有跑?

唔好花錢去睇醫生或做仼何冷熱敷,轆網球,拉肋...等等毫無幫助的方法

一定有D野出左問題,好返之後一頭半個月又痛返,有用嗎?

作者: manpao 時間: 2017-7-3 11:55

hk00006695 發表於 2017-7-2 22:09
冇可能咁耐都未好返... 係未傷緊都有跑?

唔好花錢去睇醫生或做仼何冷熱敷,轆網球,拉肋...等等毫無幫助的方 ...

無跑啦

我都覺得怪, 我仲年青但痛咁耐

膝頭對上好返晒, 無痛返
當膝頭對上唔痛時, 就覺得膝頭側邊未好返, 呢樣係四月中時感覺到的

歡迎光臨香港長跑網 - 長跑長友 (https://www.longrun.hk/)