香港長跑網 - 長跑長友

標題: 同唔係跑友講比賽...無癮... [打印本頁]

作者: 花子阿DEE 時間: 2009-2-20 12:18
標題: 同唔係跑友講比賽...無癮...
唔知大家有無試過類似既事~~

上星期一位唔係好熟既同事問:"馬拉蟲跑成點呀?"
D:"幾好丫."
同:"跑左幾耐呀?"
D:"3個鐘頭五十幾..."
同:"哈!爭D 俾人執走果隻牙?"

我笑一笑無答佢~~

其實類似既情況都試過唔少,好多時各類比賽都有同事朋友問時間,有D 明明唔識都好誇張咁話:"咁勁??"有D 就第一時間問:"第一名咩時間呀?" 當發覺你同第一名時間差好遠時好似面色一沉,估計個心晌度想:"成日練都咁ja 架..." 唔係跑友永遠唔會知道,要完成一個比賽背後用左幾多努力~~

自己都唔係好介意,不過真係唔係好想同d 非跑友傾跑囉,所以唔會主動同佢地講,但好似SCM 呢D 大型比賽係人都知,比賽前後每日都會有十個八個問候,同自己加油同埋關心當然開心啦,不過最好唔好問成績...

[ 本帖最後由花子阿DEE 於 2009-2-20 12:38 編輯 ]

作者: ee_tpk 時間: 2009-2-20 12:23
scm 咁大型既比賽.... 第二日個個同事都問我跑第幾

問跑第幾都唔緊要... 人家傷0左俾你地睇到連行都有問題仲問我跑第幾

作者: 花子阿DEE 時間: 2009-2-20 12:29

原帖由 ee_tpk 於 2009-2-20 12:23 發表

 登錄/註冊後可看大圖

scm 咁大型既比賽.... 第二日個個同事都問我跑第幾
問跑第幾都唔緊要... 人家傷0左俾你地睇到連行都有問題仲問我跑第幾

係呀,最搞笑有人問跑第幾,都唔知答1044 定 975 定 385 好~~

同事以為師姐拐下拐下係馬拉蟲後為症~~

作者: 上水馬王 時間: 2009-2-20 12:29
我又未遇過好似Dee兄的無奈情況，不過有好幾次被非跑步朋友問我渣打跑乜野路程，我話全馬.....個個都用崇拜既表情望著我

作者: ~~菲菲~~ 時間: 2009-2-20 12:33

原帖由 ee_tpk 於 2009-2-20 12:23 發表

 登錄/註冊後可看大圖

scm 咁大型既比賽.... 第二日個個同事都問我跑第幾
問跑第幾都唔緊要... 人家傷0左俾你地睇到連行都有問題仲問我跑第幾

我都有同事&朋友仔問我跑第几啊~~~仲問攞唔攞到第一

深表同情, 比我都hing~~~

作者: 肥哥哥KC 時間: 2009-2-20 12:33

原帖由 花子阿DEE 於 2009-2-20 12:18 發表

 登錄/註冊後可看大圖

唔知大家有無試過類似既事~~

上星期一位唔係好熟既同事問:"馬拉蟲跑成點呀?"
D:"幾好丫."
同:"跑左幾耐呀?"
D:"3個鐘頭五十幾..."
同:"哈!爭D 俾人執走果隻牙?"

我笑一笑係答佢~~

其實類似既情況都試過 ...

我都有同ching 類似既經歷

個日跑完一返到屋企就比人問: 係咪跑第一呀?

, 當時我就無出聲換衫沖涼算.. 佢地真係覺得跑步同讀書一樣.. 勤力個兩三個月就會有好成績, 人地真係長年累月咁練返黎, 你估一時三刻就練到繞飛!!?

又返到公司, 同事問, 你跑幾多呀? 答完佢, 佢跟住講, 嘩, 你行架? 慢人地冠軍成倍...!

我心裏面就只有一句: 你咁醒自己去跑完先返黎同我講!

不過永遠心中只有一句: 要比較只會和昨天的自己比較, 別人咩成績與我何干!!?

作者: cu83 時間: 2009-2-20 12:36
有d 人見到你跑完第二日行路一拐一拐咁個個都以為你係今年受傷嗰 5000+人其中之一呀!!

[ 本帖最後由 cu83 於 2009-2-20 12:39 編輯 ]

作者: cu83 時間: 2009-2-20 12:39

原帖由 花子阿DEE 於 20-2-2009 12:29 發表

 登錄/註冊後可看大圖

係呀,最搞笑有人問跑第幾,都唔知答1044 定 975 定 385 好~~
同事以為師姐拐下拐下係馬拉蟲後為症~~" />" />hiuijhkj

Dee兄係咪講緊股票代號??

作者: ee_tpk 時間: 2009-2-20 12:39

原帖由 cu83 於 2009-2-20 12:36 發表

 登錄/註冊後可看大圖

有d 人見到你跑完第二日行路一捌一捌咁個個都以為你係今年受傷嗰 5000+人其中之一呀!!

我係未跑 SCM 都係行路一拐一拐

已經俾佢地話我做咩由年尾跛到年頭...

作者: 花子阿DEE 時間: 2009-2-20 12:43

原帖由 cu83 於 2009-2-20 12:39 發表

 登錄/註冊後可看大圖

Dee兄係咪講緊股票代號??

好在未去到5個位...

作者: billy_yau 時間: 2009-2-20 12:53
我都有類似情況發生, 但係我d同事多數都係問, 你係咪受傷或者坐巴士返終點, 或者話响電視機見唔到你既?

問你地服未!!

作者: schnix 時間: 2009-2-20 13:01

原帖由 cu83 於 2009-2-20 12:36 發表

 登錄/註冊後可看大圖

有d 人見到你跑完第二日行路一拐一拐咁個個都以為你係今年受傷嗰 5000+人其中之一呀!!

有個朋友知我未傷好都去跑渣打, 當日新聞話有跑手被送院, 佢好驚係我喎… 我係腳有問題者, 唔使比人打橫抬入去掛…….

每次比賽完, 阿媽都會問我跑成點, 又問我第一名跑咩時間, 之後就話, “咁你咪第尾囉? 都叫你唔好跑架啦, 晒氣啦” 真係好無奈……..

作者: 火仔11 時間: 2009-2-20 13:49
我通常俾人睇死,跑唔完全程~

作者: ivanbaby 時間: 2009-2-20 14:10
試過, 渣打馬拉松後...
老豆問我跑唔跑到十名之內,
我話: 傻架, 梗係唔得啦...
老豆再問: 咁一百名內呢?
我:...............無喎..
老豆: 咁你參加黎做咩...

作者: lazyrunner 時間: 2009-2-20 14:13
跑完全馬, 好多同事好驚訝o甘講, ""你仲返到工既...???

心諗就早知真係請日病假啦..........

作者: wilson 時間: 2009-2-20 17:04
我都有類似情況,
d同學一聽到報名費咁貴,
就問我參加來做乜......

作者: xo523 時間: 2009-2-20 20:41
跑完全馬後我個仔問我跑第幾我話第尾呀哈哈哈

作者: peter6565652003 時間: 2009-2-20 22:08
啲同事問我跑唔跑得晒?我話跑了32Ｋ上了巴士,即時回應係セ你咁渣架!心諗:你哋咁勁,又唔報名跑.....

作者: 比因 時間: 2009-2-20 23:54
你地講既野, 我樣樣都遇過, 分別係唔同年齡既人!

一笑置之啦, 我地要體諒佢地唔明白!

作者: 邪神 時間: 2009-2-21 00:03
呢種情況，有如同螞蟻講雪境有幾靚一樣.............

講佢都唔明，不如學習下，我地政府高官的回答........

< 我地已經積極去做架啦！ >

作者: 比因 時間: 2009-2-21 00:07
領跑ching, 經你一講我記起呢句啦!

《莊子·秋水》：“夏蟲不可語於冰者，篤於時也。”

[ 本帖最後由比因於 2009-2-21 09:43 編輯 ]

作者: 邪神 時間: 2009-2-21 00:13

原帖由比因於 2009-2-21 00:07 發表

 登錄/註冊後可看大圖

領跑ching, 經你一講我記起呢句啦!

《莊子·秋水》：“夏蟲不可以語於冰者，篤于時也。”

嘻.........

被你發現左我抄古文添......

我的意思都係一樣，反正同唔岩頻率的人，講黎都哂氣！

上黎同我地傾多d仲好！

作者: bmc 時間: 2009-2-21 00:21
我都有同ching 類似既經歷，
跑過嘅，通常D說話會鼓勵性多D,例如：幾快wor、都唔錯呀

末跑過嘅通常都問你跑第幾、有無攞獎、第一跑幾多時間、半馬即係跑幾長

末跑過又無知嘅，你答完佢個時間或名次，佢就會話咁渣架、好彩電視見唔到你上白車、無獎攞跑黎做乜。

我估呢類人兄，唔好話參加，連睇都未睇過馬拉松比賽，在佢地心目中，跑步就是中小學的陸運會，渣極都跑第八呀。

[ 本帖最後由 bmc 於 2009-2-21 00:22 編輯 ]

作者: 晴朗 時間: 2009-2-21 01:01
我有一次帶埋兩個中一的學生去跑北京馬拉松，佢地就跑３Ｋ，我就跑全馬，

因為之前顧住四圍貢冇準備好比賽，雖然唔洗上車，但都過左法定時間先返，

返到黎個死靚仔仲要潤我，話全馬咁易跑，早知我都報啦！聽到我火都黎！！

作者: sleung2002hk 時間: 2009-2-21 01:04
我以前都會叫下d fd一齊跑
不過見佢地都冇心跑~~成日好似做社工咁~要理埋佢地心理
都係上長跑網搵人跑好過

作者: 晴朗 時間: 2009-2-21 02:07

原帖由 sleung2002hk 於 2009-2-21 01:04 發表

 登錄/註冊後可看大圖

我以前都會叫下d fd一齊跑
不過見佢地都冇心跑~~成日好似做社工咁~要理埋佢地心理
都係上長跑網搵人跑好過

要理埋佢乜野心理?

作者: awyh 時間: 2009-2-21 06:49
呢D情況我就真係無乜遇過，因為我唔會同我身邊的人分享我的長跑故事，就係明知佢地實係會咁，無謂激氣，上黎同其他跑友討論，重開心啦！

作者: cu83 時間: 2009-2-21 08:41

原帖由 awyh 於 21-2-2009 06:49 發表

 登錄/註冊後可看大圖

呢D情況我就真係無乜遇過，因為我唔會同我身邊的人分享我的長跑故事，就係明知佢地實係會咁，無謂激氣，上黎同其他跑友討論，重開心啦！

呢度有一大班志同道合嘅真正朋友

合哂何車

作者: 邪神 時間: 2009-2-21 13:34

原帖由晴朗於 2009-2-21 01:01 發表

 登錄/註冊後可看大圖

我有一次帶埋兩個中一的學生去跑北京馬拉松，佢地就跑３Ｋ，我就跑全馬，" />" />
因為之前顧住四圍貢冇準備好比賽，雖然唔洗上車，但都過左法定時間先返，" />" />
返到黎個死靚仔仲要潤我，話全馬咁易跑， ...

師兄......北馬我都走過一次，19/10/08果槍

條路真係好直，氣氛又好，有機會都想跑多次，做個好時間

作者: ChARsoN 時間: 2009-2-21 15:31
我上年都有唔少同學問我跑成點....(去年跑10k)
詳細係點我就冇乜點去記
最記得第二日返學第一條問題就係一位女同學問ge "跑得辛唔辛苦?"呢d 就比較正常d 了
可能因為佢都有跑開步~
不過主要都係問成績我話46分幾
跟住問我屬於咩水平我就話普普通通啦.....
再問我名次我就答總排名313
然後當我話青年組52名時一d 睇數字做人ge 心態就顯露無遺
有些人就問我點解唔跑全馬.....我就直接答佢"唔夠薑跑囉"

總體來講我都冇乜點理人地點講
讚ge 就當鼓勵彈得啱ge 就當檢討唔多啱ge 就試下更正佢
"on99"的(諗唔到用咩詞語講好似樓主遇到果類)就一笑置之~

作者: Mr.Bus 時間: 2009-2-21 16:49

原帖由 bmc 於 21/2/2009 00:21 發表

 登錄/註冊後可看大圖

我都有同ching 類似既經歷，
跑過嘅，通常D說話會鼓勵性多D,例如：幾快wor、都唔錯呀
末跑過嘅通常都問你跑第幾、有無攞獎、第一跑幾多時間、半馬即係跑幾長
末跑過又無知 ...

小弟完全同意c hing所講
因為我年年都會聽到呢d說話

作者: Anthony 時間: 2009-2-21 17:01
我們不是為別人而跑！

長跑是要挑戰自己，讓自己達成一個又個目標：10k、半馬、全馬、超馬、鐵人.....

作者: awyh 時間: 2009-2-21 17:14

原帖由 Anthony 於 2009-2-21 17:01 發表

 登錄/註冊後可看大圖

我們不是為別人而跑！

長跑是要挑戰自己，讓自己達成一個又個目標：10k、半馬、全馬、超馬、鐵人.....

無錯，呢個都係原因唔駛通街話俾人聽我鐘意跑步。

作者: 艾莉絲•韋 時間: 2009-2-21 17:45
我唔跑, 唔行山既朋友, 同事通常都會覺得我好勁...投以欣賞眼光

! 其實...只係小妹貪玩jeh , 同埋好似Antony ching 甘講..挑戰自己, 訓練自己克服難關。

作者: evechan5354 時間: 2009-2-21 18:13
每個人心中都有一個對手，就係自己。。。
其實只要羸了上一年既自己或達到自己既目標，已經心滿意足。。。。。
同人比較仲乜，所謂：天外有天，人上有人。。。。。

作者: Anthony 時間: 2009-2-21 20:33

原帖由 evechan5354 於 2009-2-21 18:13 發表

 登錄/註冊後可看大圖

每個人心中都有一個對手，就係自己。。。
其實只要羸了上一年既自己或達到自己既目標，已經心滿意足。。。。。
同人比較仲乜，所謂：天外有天，人上有人。。。。。

說得很對。

當你感到迷失的時候，回想一下，最初是甚麼原因促使你去跑步。

作者: bolo 時間: 2009-2-21 20:35
當完成咗一個目標,覺得很快樂,想其他人也有一樣的美妙感覺.
.......
像有了孩子的父母,都會叫人生翻一個玩吓,分享一下育兒之樂.
......
未跑過和未有細路嘅人
不明當中的苦,當中的樂,正常得可以.
原諒下啦

作者: Anthony 時間: 2009-2-21 20:36

原帖由 sleung2002hk 於 2009-2-21 01:04 發表

 登錄/註冊後可看大圖

我以前都會叫下d fd一齊跑
不過見佢地都冇心跑~~成日好似做社工咁~要理埋佢地心理
都係上長跑網搵人跑好過

梁兄，社工的比喻很貼切。不過我又覺得似傳教士多啲。

作者: lewischan 時間: 2009-2-22 14:02

原帖由 花子阿DEE 於 2009-2-20 12:18 發表

 登錄/註冊後可看大圖

唔知大家有無試過類似既事~~

上星期一位唔係好熟既同事問:"馬拉蟲跑成點呀?"
D:"幾好丫."
同:"跑左幾耐呀?"
D:"3個鐘頭五十幾..."
同:"哈!爭D 俾人執走果隻牙?"

我笑一笑無答佢~~

其實類似既情況都試過 ...

無知是無罪的的.... ...最怕無知又扮知....我這種一把年紀的中坑這些人見多了都沒有感覺了!

作者: 亞平 時間: 2009-2-22 14:17

原帖由 Anthony 於 2009-2-21 20:36 發表

 登錄/註冊後可看大圖

梁兄，社工的比喻很貼切。不過我又覺得似傳教士多啲。

小弟做左社工或傳教士大約6年時間,以身作則,默默去感染唯一的一個對象,終於在呢1~2年間有些少進展!

我亞媽就成日問我點解要去跑步,仲要次次跑咁耐,我就真係唔識解釋比她聽,最無奈是,佢見親我都話我瘦左,但事實我就半磅都冇瘦到.
她以前都會問我跑第幾,有冇獎,近年見我碗都冇拎個隻返來,可能知道自己個仔能力去到邊,驚我唔高興,開始冇問我有冇獎攞啦.

作者: Alfred 時間: 2009-2-22 17:11

原帖由亞平於 22/2/2009 14:17 發表

 登錄/註冊後可看大圖

小弟做左社工或傳教士大約6年時間,以身作則,默默去感染唯一的一個對象,終於在呢1~2年間有些少進展!

我亞媽就成日問我點解要去跑步,仲要次次跑咁耐,我就真係唔識解釋比她聽,最無奈是,佢見親我都話我瘦左,但事 ...

碗都冇拎個隻

平師兄，不如我哋整番隻俾你吖！牌頭任開！

作者: peter6565652003 時間: 2009-2-22 17:44

原帖由 Alfred 於 2009-2-22 17:11 發表

 登錄/註冊後可看大圖

平師兄，不如我哋整番隻俾你吖！牌頭任開！hgj091" />" />hj

牌頭不如叫 "神奇跑手半磅不减杯"啦

作者: 亞平 時間: 2009-2-22 17:51

原帖由 Alfred 於 2009-2-22 17:11 發表

 登錄/註冊後可看大圖

平師兄，不如我哋整番隻俾你吖！牌頭任開！hgj091" />" />hj

alfred師兄,都好呀,我想要隻金飯碗!

[ 本帖最後由亞平於 2009-2-22 17:52 編輯 ]

作者: 亞平 時間: 2009-2-22 17:54

原帖由 peter6565652003 於 2009-2-22 17:44 發表

 登錄/註冊後可看大圖

牌頭不如叫 "神奇跑手半磅不减杯"啦

peter兄,個名改得好好呀..好貼切!

3.21 去唔去南生圍約跑

作者: ChARsoN 時間: 2009-2-22 17:56

原帖由 peter6565652003 於 2009-2-22 17:44 發表

 登錄/註冊後可看大圖
牌頭不如叫 "神奇跑手半磅不减杯"啦

我本身就已經瘦瘦地
好似冇得再以跑步來減咁~
係去年暑假開始游游下水先再輕多2~3 kg....

作者: running-sue 時間: 2009-2-22 18:01
好, 等小妹去買塊勁大既朱古力金幣先,......(新年果時見到有得買), 加番條絲帶, 攪掂

作者: Alfred 時間: 2009-2-22 18:10

原帖由 running-sue 於 22/2/2009 18:01 發表

 登錄/註冊後可看大圖

好, 等小妹去買塊勁大既朱古力金幣先,......(新年果時見到有得買), 加番條絲帶, 攪掂

sue ctse，中間漏咗個襪字，我估平師兄更加鍾意

，不過要避開佢大大嗰關

作者: peter6565652003 時間: 2009-2-22 18:27

原帖由亞平於 2009-2-22 17:54 發表

 登錄/註冊後可看大圖

peter兄,個名改得好好呀..好貼切!

3.21 去唔去南生圍約跑

平兄,3月21日,要睇我老婆要不要返工至得,因佢係放閒日的,佢要二月底公司先编更比佢,到時先知有冇假放,佢冇假放就要我睇住屋企兩個債主,亦因為呢個原因,我錯過了許多星期日舉辦的赛事,不過都多謝平師兄你邀請小弟,個人當然好想參加啦,不過真係未知數,抱歉!另外平兄24/2會唔會跟我們"夜探梅子林"呢?

作者: 亞平 時間: 2009-2-22 21:32

原帖由 running-sue 於 2009-2-22 18:01 發表

 登錄/註冊後可看大圖

好, 等小妹去買塊勁大既朱古力金幣先,......(新年果時見到有得買), 加番條絲帶, 攪掂

Sue 姐,我唔要自古力,我要你手上果個杯...

登錄/註冊後可看大圖

作者: 亞平 時間: 2009-2-22 21:34

原帖由 Alfred 於 2009-2-22 18:10 發表

 登錄/註冊後可看大圖

sue ctse，中間漏咗個襪字，我估平師兄更加鍾意，不過要避開佢大大嗰關

係都唔錯架..我鐘意架...嘻嘻...不過唔知SUE姐肯唔肯呢?

作者: leehyalbert 時間: 2009-2-23 15:52
睇完各位c-hing的回覆, 我自已都好有感受, 我D同事問我跑成點, 又問我平日點練, 當佢地知道我每星期平均練70-80k, 比賽前三個月加到100k, 佢地反應係:咁

作者: 駿3 時間: 2009-2-25 01:42
可能我肥, d人見我都唔會跑duck 快，問我跑唔跑晒only, ha ha,
不過開始見d同事都想開始跑步，

作者: 最強幻像 時間: 2009-2-26 00:13
小弟認為外間的人將長跑這種運動看得太簡單，以為雙腳不停地跑就攪掂，
但係佢地唔會明白一個跑手準備一個比賽，
要花費的時間和練習並不是一朝一夕的事，
所以小弟覺得無需要介意別人的說話，佢地所講的，只係佢地唔明白呢。

作者: oscar 時間: 2009-2-26 00:24
提示: 作者被禁止或刪除內容自動屏蔽

作者: MILKLOK 時間: 2009-2-28 15:36
次次都一定有人問跑第幾....跟住都係個句咁多人跑跑咩第幾丫同自己比賽姐....
下一句:總有個名次GE....
我就係唔係都答中間個批LAW!!

都有人同我講過
五分幾鍾1K 急步行GA JA WOR?

吹脹晒!!!

作者: 力 時間: 2009-2-28 16:00

原帖由 leehyalbert 於 2009-2-23 15:52 發表

 登錄/註冊後可看大圖

睇完各位c-hing的回覆, 我自已都好有感受, 我D同事問我跑成點, 又問我平日點練, 當佢地知道我每星期平均練70-80k, 比賽前三個月加到100k, 佢地反應係:咁

每星期平均70~80K, 師兄你好勤力呀! 佩服佩服!

作者: onionufo 時間: 2009-2-28 21:41

原帖由 MILKLOK 於 2009-2-28 15:36 發表

 登錄/註冊後可看大圖

次次都一定有人問跑第幾....跟住都係個句咁多人跑跑咩第幾丫同自己比賽姐....
下一句:總有個名次GE....
我就係唔係都答中間個批LAW!!

都有人同我講過
五分幾鍾1K 急步行GA JA WOR?

吹脹晒!!!

你個朋友犀利，我測過自己盡全力急步行都要9分鐘1k

作者: 肥哥哥KC 時間: 2009-2-28 21:45

原帖由 MILKLOK 於 2009-2-28 15:36 發表

 登錄/註冊後可看大圖

次次都一定有人問跑第幾....跟住都係個句咁多人跑跑咩第幾丫同自己比賽姐....
下一句:總有個名次GE....
我就係唔係都答中間個批LAW!!

都有人同我講過
五分幾鍾1K 急步行GA JA WOR?

吹脹晒!!!

你叫你朋友以五分幾鐘1k 急步行比你睇

作者: MILKLOK 時間: 2009-3-1 02:18
haha~~我都有諗過急步行1k計番時要幾耐~~~不過未實行~原來有師兄做過~
唔跑開ge人會覺得跑步好易!!!
佢地會覺得自己打開波，體能ok ge 可以唔練一落場就跑到全馬!!
起火車聽過有人講"我報左全馬ar, 平時做開運動。實跑得晒ge 最多咪慢慢跑law"

作者: leehyalbert 時間: 2009-3-3 12:42

原帖由 Alex 於 2009-2-28 16:00 發表

 登錄/註冊後可看大圖

每星期平均70~80K, 師兄你好勤力呀! 佩服佩服!

不敢當

作者: ginnywong 時間: 2009-3-3 15:19
我諗要d 唔運動的人明白我地為乜,三言兩語係無可能
但我覺得唔應該唔出聲, 因為咁佢地只會更加唔明,我地要好似練習咁,好有恒心地,一有機會就係佢地面前表現我地跑得幾開心, 食飯o果陣又展示下我地食得的褔氣, 得閒又講下自己進步左的野, 去外國比賽完又show 下比佢地睇

來一個慢情感染, 運動終有一日會係香港抬頭!

作者: Keroro_stephen 時間: 2009-3-5 00:03
我同事同我講話佢有留意住新聞報導同埋報紙頭條, 睇吓見唔見到我...

作者: 叮叮噹 時間: 2009-3-5 00:28

原帖由 ginnywong 於 2009-3-3 15:19 發表

 登錄/註冊後可看大圖

我諗要d 唔運動的人明白我地為乜,三言兩語係無可能
但我覺得唔應該唔出聲, 因為咁佢地只會更加唔明,我地要好似練習咁,好有恒心地,一有機會就係佢地面前表現我地跑得幾開心, 食飯o果陣又展示下我地食得的褔氣, 得閒又 ...

Good!

繼續推廣運動.

歡迎光臨香港長跑網 - 長跑長友 (https://www.longrun.hk/)