叮叮噹之跑步日誌－請多多指教

叮叮噹

25/2(三) 鄧記5k測試(29'39") + 2K
一個人在濕悶熱的晚上, 入鄧記跑12.5圈, 若非為了2/3(一)訓練班前作5K個人測試,我唔會入運動會跑圈. 未能出席星期六的測試, 我同Nancy差不多同步進行5k測試, 步速很接近, 否則一個人跑圈很容易想放棄. 跑完邊拉筋邊吹水, 快樂不知時日過. Nancy一席話, 為我增添勇氣同決心, 令我更感激Wong Sir同chings為我地預備的訓練, 珍惜一起學習的機會. 終於有伴一齊跑步, 熱切期待.

28/2(六) 澤豐<>慧豐園, 8K
九位師兄師姐係鄧記做5K個人測試, 我去幫大家數圈同打氣. Oscar帶同Twins女, Kenneth帶同大細囝, 睇住小朋友大踏步地跑得很輕鬆愉快. 等大家跑完一起圍圈拉筋吹水, 快樂不知時日過, 傾了一小時才各散東西. 我獨自出街跑一轉, 吹吹海風, 一個月沒有跑這條路, 跑得很舒暢. 新鞋仔都幾好跑, 好舒適.


[ 本帖最後由 叮叮噹 於 2009-3-1 18:06 編輯 ]

叮叮噹

09年2月小總結:
行山  2天
跑步8天, 共88km
2月8日完成人生第一個半馬.

叮叮噹

原帖由 ginnywong 於 2009-3-1 23:13 發表

                               
登錄/註冊後可看大圖

開始左二個星期到,真係唔可以心急,跑多少少,膝頭又有少少腫

早日康復, 多游水舒緩膝痛, 唔好跑咁多咁快住.
玩在有師兄學玩三項, 遲少少長跑網可能開"三項鐵人"討論區,
請多多分享妳的經驗, 女中豪傑的"女鐵人"們可以互相鼓勵支持交流.

叮叮噹

原帖由 ginnywong 於 2009-3-3 00:14 發表

                               
登錄/註冊後可看大圖

真o架?! 好呀,我想有個公眾的三項鐵人討論區好耐, 我可唔可以都有份做版主?

妳係少有的女鐵人, 人材難求, 我當然話好架!

等我同管理層傾傾, 加速開"三項鐵人區", 希望好快可以開, 夏天係操水好季節, 等我地學吓嘢!

叮叮噹

原帖由 花子阿DEE 於 2009-3-3 09:24 發表

                               
登錄/註冊後可看大圖

支持!!
今年未有時間學三項,不過都想搵個兩項過下癮,又懶得搵資,開個新版最好不過~~

放心, 應該好快開.

叮叮噹

原帖由 ginnywong 於 2009-3-3 09:10 發表

                               
登錄/註冊後可看大圖

叮叮噹 師姐你都有操開水咩?係邊頭操開呀? 3月29號有陸上兩項, 你會唔會玩呀?

小妹由細到大都知自己冇運動細胞, 三項都有興趣, 係三樣分開玩, 冇一樣精通架!
其實, 跑步後先知道游水同踩單車可以當cross-training練氣同練肌力, 我又鐘意行山, 真係冇體力同時間練三項囉!
專心跑步, 夏天多少少游水, 秋冬季多少少行山踩單車, 跑步一年四季都得.
期望跟你地班鐵人學嘢!

叮叮噹

2/3(一) 跑步訓練班  第一課: 練習法30/30
感謝主! 經過掙扎, 評估, 取捨, 被激勵到決定報名, 更了解自己不知不覺愛上跑步, 渴望同佢更進深一步發展. 感激Wong Sir同師兄們無私的付出, 珍惜同一班跑友一起學習的機會.

星期一放假, 可以早到運動場熱身, 見到Wong Sir, 白師兄同幾個師兄已經到場熱身, 打個招呼便馬上跑5大圈熱身, 拉筋吹水. 大部份跑友集合, Wong Sir簡單briefing展開第一課.

開枱: 熱身跑5大圈
前菜: 體力好重要!
頭盤: 7式-速度跑的輔助運動
主菜: 30/30
收枱: 收操跑5圈
餐飲: 體力好重要!

快樂不知時日過, 轉眼兩個半鐘, 第一課超時半小時.
WongSir話俾小朋友的訓練, 對我跑步初哥, 很有新鮮感, 好好玩!
上課時覺得自己年輕了, 好似回到中學PE堂, 雞手鴨腳學基本功, 大家充滿歡笑, 卻認真地重覆嘗試一個又一個動作, 場面真係好攪笑. 忍笑好辛苦啊!
30/30, 跟著雞聲30秒快跑, 30秒慢跑, 唔知跑了幾多組, 幾辛苦又刺激好玩.

叮叮噹

昨晚上完訓練班, 唔覺得攰, 可能大部份時間做速度跑的輔助運動, 跑30/30係喘氣但腳腰臀都沒有出現酸軟感覺.
今早起床, 身體竟然沒有出現酸痛. 今天工作行了一整天沒有腳痛, 到收工前坐低突然感到很疲累, 胸口忍忍作痛, 細心留意, 原本係手臂連至胸口肩頸的肌肉酸痛, 咁都冇咁驚, 唔知係昨晚快跑擺手定係掌上壓留下的疲累感.

叮叮噹

原帖由 亞平 於 2009-3-4 01:11 發表

                               
登錄/註冊後可看大圖

我有做gym,但都有手臂連至胸口肩頸的肌肉酸痛.

剛剛坐完 一輪起身去沖涼, 終於感到小腿後同大腿前酸軟, 遲來的反應.
唔好以為我偷雞呀!

[ 本帖最後由 叮叮噹 於 2009-3-4 12:29 編輯 ]

叮叮噹

原帖由 ginnywong 於 2009-3-4 09:50 發表

                               
登錄/註冊後可看大圖

好多時酸痛都係遲d先有,通常第日坐完一朝就會o來料

平日行山如何行得甘, 第二朝起身已經有反應.
今次酸痛係好遲鈍, 專注工作加上行來行唔覺唔覺, 一坐就嚟料.

叮叮噹

原帖由 貓仔欣 於 2009-3-5 02:12 發表

                               
登錄/註冊後可看大圖

叮噹ctse, 跑30/30是不是同跑100m怏100m慢一樣的?
我跑完長課後會走入運動場跑3-4圈100m怏100m, 對腳就會無咁累呢, 好見效的
你的掌上壓可以做幾多下? 我好差的, 做10下已撐不住了, 改做企牆派(唔知點叫), 跑完 ...

唔知道同唔同啊!
我第一次學速度跑, 阿Sir吹雞就快跑30秒, 再吹雞就慢跑/行30秒, 不停重覆15-20sets.
有衝圈經驗的師兄們話辛苦過衝400m Interval, 也有師兄話冇料到.
長課後唔係慢跑cooldown架? 100快/100慢都可以幫助恢復架咩?

掌上壓.....成世人都好少做, 記憶中係中學PE堂做過, 平日多數做sit-up, 拗腰,......
上堂指定體能訓練, 掌上壓(屈腳做)10x2, 見其他訓練班女仔打斜冇屈腳做,
有諗過不如做打斜企牆派, 效果應該差不多

[ 本帖最後由 叮叮噹 於 2009-3-5 08:35 編輯 ]

叮叮噹

本週里數: 不詳

2/3(一) 大西北訓練班, ?K

4/3(三) 四圍隨意輕鬆跑, ?K
遲來的酸痛, 肩頸胸,上臂, 大小腿酸痛, 落街四圍輕鬆跑.
再入鄧記同Nancy齊齊溫習下速度跑的七個輔助運動.

7/3(六) Lantau International Beer Dash, 5K

叮叮噹

7/3(六) Lantau International Beer Dash, 塘福麻布坪監獄>長沙海灘,5K
突破許多個第一次:
女子隊際長跑 Fun Fun Run 化妝扮鬼扮馬跑,
過程中又叫又笑, 又跑又跳, 又食又飲啤酒.....好盡慶而歸, 好難忘!

10am前到達塘福麻布坪監獄引水道, 變身化妝, 掛號碼膠片, 寄存行裝入行李車, 跟其他隊伍影相留念, 有毛毛動物隊, 英國金牛隊, 蘇格蘭裙隊, 醫生護士病人組, 警察, 日本妹, 爆炸頭組, 兔女郎組, 海盜農夫, 伯伯拖四隻狗仔........好似化妝跑會.

10:30am起跑, 每公里有啤酒站同小食, 未免跑到嘔, 都係淺嚐為妙, 影相為樂. 第三站有黑啤供應, 教練話補血, 女士唔怕飲, 大家都試呢隻紐西蘭黑啤, 初嚐陣陣咖啡香, 甘香冇苦澀味, 好好飲. 第四站有冰凍嘉x伯啤酒同Home made三文治, 大家都忍唔住飲飲食食, 不知不覺飲了一罐. 終點攞紀念T-shirt, 有冰凍澳洲啤酒, 好香麥味, 又有炸春卷, 係海灘邊玩邊飲, 氣氛一流, 拍照爬樹, 齊心掉大圍落海, 夾手夾腳將大嬴家小華拋上天空, 沙灘嘉年華 超正!
意外收穫11位(未計冇相認果幾位)長跑網友參加, 竟然攞走4個獎:
小華是也 - 全場男子個人冠軍, 特別獎(著拖鞋跑步)
Bunny女子隊(Runrun, ee, cc, 叮叮噹) - 最佳拍照造型
Batigoal - 最佳面罩造型
全場跑最慢, 渣溜灘冇飲啤酒(The best Cheater)......都有獎攞. 明年必玩項目, 超級好玩!

10個去大澳海韻素食館食飯, 行街街掃左唔少小食(炭燒雞蛋仔, 炭燒瀨尿蝦尤魚黃花魚春, 桂花糕, 蘿蔔茶果, 紅豆糯米滋), 又食又扐. 破例大開食誡 , 超額進賬, 魔鬼教練話一次半次唔緊要, 明晚要盡全力上Wong Sir訓練班, 跑多幾個圈交功課.  

歸家前再經東涌outlets(NB, Add., Nike)出血, 滿載而歸.

[ 本帖最後由 叮叮噹 於 2009-3-9 14:29 編輯 ]

叮叮噹

原帖由 快活人 於 2009-3-9 13:44 發表

                               
登錄/註冊後可看大圖

ctse . 故吾到你是勁玩得之人.......
最衰趕時間走喇. 吾是可以同你地一齊出血

小妹細時冇得玩, 大左勁貪玩 .
全情投入......食, 睡, 玩, 學嘢 ,做事都係咁認真投入.

叮叮噹

原帖由 亞平 於 2009-3-9 14:20 發表

                               
登錄/註冊後可看大圖

嘩嘩嘩,叮叮噹昨日行程好豐富啊!

明年好果再攪, 一齊去玩.

叮叮噹

原帖由 kandis 於 2009-3-9 14:44 發表

                               
登錄/註冊後可看大圖

哈哈~~佢次次都係咁同我講架~~~  

吓! 又中計.....須知道小妹幾聽教練話, 盡情地飲飲食食.
今晚要加操幾個圈, 平衡吓心理先得.

叮叮噹

原帖由 花子阿DEE 於 2009-3-9 15:25 發表

                               
登錄/註冊後可看大圖

睇你地真係好high 喎~~

睇到小華著拖鞋笑左
邊跑邊飲我訓低都似,出年拉大隊去啦,我做觀眾~~

唔洗飲足, 大會叫大家盡力而飲架!
唔飲都冇人理你, 志在Fun run, 籌款救救水牛.
小妹前cp1-3都係淺嚐, 都係cp4先正式飲, 飲完行番終點再飲過.

叮叮噹

9/3(一) 跑步訓練班  第二課 1200m
星期一放假, 可以早到運動場熱身, 見到Wong Sir, 白師兄, 屈教練, 梁兄, 蔡兄幾個師兄到場熱身, 打個招呼便馬上跑5大圈熱身, 拉筋吹水.

開枱: 熱身跑5大圈
頭盤: 8式 - 速度跑的輔助運動
主菜: 400mx3 Interval 3sets
收枱: 收操跑5細圈
餐飲: 體力好重要!
做輔助運動時, 身體比上次聽話, 手腳協調有改善, 感受到節奏感. 做完3sets已經氣喘, 汗流浹背. 休息一會, 開始主菜.

每圈按錶時才望時間, 第一圈感覺很輕鬆, 望時間真係嚇一跳, 比5K圈速還要快十秒. 提醒自己唔好俾人帶快, 唔好心急, 放鬆跑, 第二三圈依然快了許多. 第二組明顯少少氣喘, 腳步仍然輕鬆, 跑慢少少有空間留意跑姿. 第三組更加氣喘, 腳仍然有力, 提醒自己放鬆跑, 擺手提大腿. Wong Sir係場邊大叫我放鬆跑抬大腿, 努力嘗試提腿, 跑了百多米已經感到腿很疲累同氣喘, 堅持一會望見終點就大步大步衝.

02'09"/ 02'08"/ 02'05"
02'03"/ 02'15"/ 02'17"
02'07"/ 02'13"/ 02'15"


白師兄特邀白夫人監場, 早少少放學, 22人去食飯, 提早同Wong Sir慶祝生日, 好熱鬧!

[ 本帖最後由 叮叮噹 於 2009-3-10 00:52 編輯 ]

叮叮噹

原帖由 sleung2002hk 於 2009-3-10 00:31 發表

                               
登錄/註冊後可看大圖

仲快過5k圈速咁多~大把進步空間woo

但係練習指示唔係跑咁快架喎!
我都係按平日跑來回碼頭(10.5k)的感覺去跑, 唔知道點解會快咁多.

叮叮噹

原帖由 BHa 於 2009-3-10 00:39 發表

                               
登錄/註冊後可看大圖

即係你0係不知不覺間進步了很多~
咁開心, 應該請食飯了~

個5K時間係25/2做架喎, 點會兩個星期唔夠就進步呀
請食飯冇問題.......我進步就應該請Wong Sir, 白師兄, 屈教練 ,神童威威, 七兄, 細明哥, 魔鬼教練.......啦!
幾時輪到B哥哥呀? 你都未見識過我包艇公主的威力.

[ 本帖最後由 叮叮噹 於 2009-3-10 01:40 編輯 ]