睇返自己開過既post,上年四月時已經話減肥,一年之後既今日....結果係仲重左.
事實話俾我知我係失敗!
呢一年裡面,有跑步,有節食過,但係跑下又唔跑,節下食又暴食返,反反覆覆,有輕又有重過.
歸根究底,都係自己唔夠恆心同決心!
今次,真係好希望係最後一次,我已經好討厭失敗,好討厭自己一次又一次咁減肥失敗.
兩星期前過磅,發現自己已經去到歷史新高 - 178磅(小弟身高166cm), 因此再次立下決心減肥, 目標係減到130-140磅.
所以上星期開始keep住跑步加改變飲食習慣,大概如下:
運動方面:
一星期跑步六次,每次一小時(當中有三至四次係早上空腹跑)
一星期做兩次負重運動,每次一小時
飲食方面:
大原則係少食多餐,避免煎炸肥膩野,睡前三小時不進食,每次食野盡量食慢d,確保唔俾自己食過龍.
依家習慣早餐一杯脫脂奶+一份腿旦治走油,lunch食米粉(2個),加少許菜及瘦肉(全部都滾水煮熟黎食),全部都走油.晚餐食一豌飯,d餸大部份都係唔落油煮熟或蒸熟黎食.
餐與餐之間盡量唔過四小時,如感肚餓食生果.
兩星期會俾自己食一餐M記等等肥膩,保持自己既心理平衡
如是者....一星期後竟然輕左三磅,今個星期未上磅未知,不過似乎減得快左d(我本身expect一星期最多減兩磅)
希望今次俾d恆心,努力達到目標啦~!!
[ 本帖最後由 Alvin 於 2011-4-21 12:51 編輯 ] |