|
多謝哂咁多位C兄/C姐鼓勵, 都恭喜吓sue C姐, 玩完尼次比賽, 為2月1 日馬鞍山8K賽各組隊長擔心, 各位真係要加油, 否則2月1日小心sue C姐既步速, 琴日只得一位勁人, 同倫皇熱身jog左1K, 返到起步點見胡教練已經企頭位等開跑, 好彩人唔多, 可以排係後面慢慢追, 見到公牛兄已經佔據有利位置, 而維他兄遲左到所以企後面, 一起步大家既步速唔快, 咁就左穿右插追上前, 見胡教練從容不迫彈彈吓係前面跟住幾位高速前領跑手, 未到1K前面既人開始冇, 胡教練就邊飲水邊彈上前, 而我有咁好機會拿拿聲跟吓胡教練學野, 跑左1K可能胡教練知道我跟佢, 好似收慢左少少, 咁我連隨上前打個招呼, 胡教練話:[好...慢慢跑], 去到霸尾2K位, 睇吓錶時間係6:50左右, 嘩...胡教練指既慢慢跑都成3:25/K, 一入山路段已經唔敢再跟, 因為自己唔係跑開尼個時間, 怕回程果2K長命直路會爆, 之後一直都一個人跑, 直至轉拆點先見到好多跑手衝落黎, 再加油上番條斜路, 途中與其中一位長跑網 C兄互Give five都過癮, 返到霸尾開始回程, 已被胡教練飛左500米, 仲步步有力, 睇怕都追唔到, 唯有跑番自己pacing返黎, 自己計既時間26:00正, 都係近排既一般水準時間, 全場keep住第2返黎. |
|