|
原帖由 洛虎添 於 2009-4-4 14:11 發表
實際來回得8K幾
師兄, 你講得啱, 來回8.6k左右.
後來係Google Map左篤右篤, 結果夾硬砌夠10.5k(單程5.25k):
上紅磡繞道天橋前, 先去國際郵件中心走一轉, 多420m;
去紅磡碼頭時唔過馬路, 由海灣軒正門出車處兜過去, 多310m;
去到紅磡碼頭時先轉右, 去舊碼頭走一轉(到鐵絲網為止), 踩多220m;
跟住先跑去海逸豪園.
睇落有D傻仔, 不過總算每次有10k進賬......
今個星期一開始已經連跑三日, 都維持到59分半倒, 擒日好熱好曬, 跑得好辛苦, 好在1小時既底線幸保不失 (其實頭半程用左29'09", 算係現時為止最快, 不過回程時天氣愈嚟愈熱, 又未食飯又冇水飲, 終於後勁不繼......)
原本想開blog同師兄師姐分享, 無奈到依家都只能食晏跑, 仲係獨沽一味一條線, 真係驚悶死大家......
目前未能參加跑會, 又練唔倒沖圈, 惟有繼續摸索, 希望可以持之以恆, 慢慢進步(好在有邪神分享會)......
由4月1日到擒日, 跑左53k, 今日晨早魔鬼已經叫我"東主好攰, 休息一天", 而家個心仲十五十六......
睇下點...... |
|