各位ching/ctse,
相信對我們來說, 人生最大的痛苦, 不是比賽中失敗, 也不是練習或比賽時受傷, 跌到半死, 而是永遠永遠不可以再參加鐡人比賽!!
昨天是我換了lock踩後第二次練習, 上次練上車, 今之練在滑行中著鞋和除鞋, 練了十幾次, 都冇乜問題, 見時間尚早, 可以踩多轉來回; 記得上次第一次lock踩, 好容易已經過40k/hr, 今次也想用e過速度練, 果然, 好輕易就上倒e過速度, 仲維持了一段時間, 尤其是較高d張椅, 放相手喺aero bar上, 清風送爽, 有種曉飛嘅感覺 . . . . . . . . 就在這個時候, 發現自己突然從地上夢醒過來, 跟住有位好心嘅ching同我講, 話我躺在地上, 不醒了人事, 所以call了白車, 我至知, 我應該係舒服過頭睡著了, 所以炒左車暈埋都唔知.
見倒地上有灘血, 自己個helmet又裂左, 先知出左事!!
好在只係皮外傷, 住了一晚醫院, 觀察過都冇大礙, 但屋企人就喊哂咁叫我米再玩單車, 叫我齋玩水陸, 佢地先唔洗擔心, 唉, 大家都應該知道, 水陸係前菜, 三項先至係主菜, 冇左單車, 真係生不如死, 相信唔洗講大家都好明白.
現在plan緊賣車, 唉, 唔通我e一世都冇機會再參加三鐡???!!!
[ 本帖最後由 key 於 2010-4-27 14:40 編輯 ] |