本人係長跑新手, 對長跑完全冇經驗. 最近, 想練長跑, 唔係為參加比賽, 只係想操體能同減肥, 因為屋企冇跑鞋, 所以想買一對, 又唔識選擇, 所以上網睇推介. 發現好多人推介初學者買美記 Wave Rider 12, 於是前日買左對黎練跑
跑既時候發現腳板底筋同小腿肌下半部份扯住扯痛, 以為係第一次跑唔適應
休息左一日, 今日再跑, 同樣發現腳板底筋同小腿肌下半部份扯住扯痛
我留意到自己跑既時候腳弓位比較塌陷, 比較貼地. 我唔算係扁平足, 但係唔著鞋時, 腳弓位都係比較貼地
請問, Wave Rider 12 係咪唔適合我既腳型?
如果係, 點算, 對鞋買返黎著左兩次, 買過第二對好似好浪費
定係我既跑姿唔正確?
[ 本帖最後由 長跑新手 於 2010-7-15 23:22 編輯 ] |