反而我覺得大會係如此酷熱天氣下,應該預計到實有人中暑。
應該安排每個水站都有負責人可以負責協調,起碼有人有電話幫手確認位置吧?
今日係第三水站有人中暑,水站義工?無電話?跑者又無電話,好彩我有,幫手 call 白車。
但係我又唔熟路,完全唔知點指示救護車可以停邊度再行去救人!
成個水站得 D 叔叔嬸嬸義工,又無個後生幫手,好在中暑那位有幾個朋友幫手抬佢埋陰涼處等待救援。
若果事前一早 plan 定,成立一個醫療執行小組,最重要諗定救援路線,指示救護車同人員如何去跑步路線救人,人地醫護人員先搵到中暑既跑者。
中暑係死得人㗎!
咁熱跑 10k 比賽實大把人中暑,大會好難控制 D 人跑過龍,跑到中暑其實 D 人自己都要負 D 責任。
可以做既只有做好計劃如何去幫救護人員儘快找到去救援
更進一步係搵多 D back up,預左要好多 St John paramedics 幫手,甚至通知定將軍澳醫院急症室做定準備。
我係途經將軍澳醫院既時候,我見到有個應該係醫生,同埋護士推著輪椅衝過馬路黎幫手,火都黎話今日做乜事咁多人中暑,我話佢聽今日有比賽。
我地唔可能話太熱就 cancel race,只能做足準備工夫。