|
話說當年(3-4年之前)既我....係一個幾乎無運動既人,每日都係返工,放工....回家就上網打機(宅男!?)
當時開始發覺每日訓極都唔係好夠咁(8-10個鐘)....再係咁就唔掂喇......
之後就試下去玩健身啦.....玩左2-3個月到開始好d.....每次去玩最後都跳上跑步機度跑一陣(2-3個字到或跑2km到)
玩左兩年到啦....開始係跑步機上試下跑耐d....試左幾次1個鐘內到跑到10km....
之後好天真咁諗住報下渣打全馬黎玩(當時真係乜都唔識+唔識死)
當時係08年12月,已經下定決心要完成一次既渣打全馬....上網搵下渣打既資料啦,諗住12月報左,有2-3個月練下就無問題啦
上網搵一搵...原來已經報唔到囉~~就咁只有等下年啦....但係已經應承左自己,要完成一次渣打全馬喎,咁就要練習啦
一路練習,一路上網睇下跑長跑既野...原來跑長跑唔係咁簡單......因為試過跑10km以上既長課,對當時既我黎講原來好辛苦
就咁練習左幾個月......搵到一個網有好本港多不同既賽事!!原來香港唔只得渣打馬拉松架!!!!(香港長跑網!!長跑長友!!)
練左幾個月,不如試下自己去到咩程度啦.....就報左第一個比賽...2009.08.16中興盃超級夏日挑戰賽
對當時既我黎講感覺好新鮮,好好玩....有成千幾人同你一齊玩,向住同一個目標出發.....
第一次10k比賽既成績49:19.....對一個第一次玩比賽既人黎講係一個好滿意既成績喇!!(就咁愛上左長跑)
返到屋企就即刻報多幾個黎玩下先~~(荃灣8k 38:44,歐化寶1/4馬 47:23 ,長跑會半馬 1:46:37,樂善行 4:18,中國沿岸半馬1:40:23)
之後再係d約跑度出現下一齊跑下咁囉(多數都係青公)
[ 本帖最後由 天鬼 於 2010-5-4 00:17 編輯 ] |
+1
0
上一篇︰二手物資出讓下一篇︰請教西貢<>沙田長課路線
|