因為剛過去的SCM是小弟第一次撞牆, 所以我想圍繞在這話題上舒發下自己既體會. 請大家多多指點一下. 希望對其他新跑手也有點幫助
先講一些小弟background. 我這次是第二個全馬. 08 SCM 有個朋友約埋跑第一次全馬. 而我呢個朋友真係一個慢跑者 (佢跑速=我快行的速度, 不過佢真係有恆常跑步, 但我只係間中"SCM"), 而目標只是完成, 於是兩人柴娃娃分別準備人生第一個全馬. 自知里數不足(兩三個月內每週里數只有30k or less, 加打波行山cross train, 全冇LSD) 所以我亦只以完成為目標, 比賽當日帶住部DC一邊慢跑一邊影相. 而最後10k因右足踝作痛, 加體力不繼, 只可以極慢速半行帶跑過埋佢. 最終4:15完成, 諗番轉頭唔洗上巴士已經係奇跡! 右足踝痛
到今年SCM, 話說起步後剛上左三號幹線冇幾耐已被wayne兄輕輕界左一野. 交談之間我對佢話我今次目標係3:45 ching就已經好有經驗的說:「唔似喎, 呢個pace起碼3:30啦?!」 (因為當時我地個pace大約係4'40"/km) 我今季跑的幾次HM成績約1:40, 石崗30k為2:43, 之後仍有加強練習, 所以我心裏確係想挑戰3:30. 於是一路就跟住ching跑, 半程時間約1:43(不是大會時間) 感覺仍可應付. 過左長青隧道回程大暗斜到荔景約27k後速度有所回落至5分鐘過外. 此時我仍覺得可以呢個速度(我的LSD pace)跑回終點. 回到奧海城開始覺得有點過熱, 要用海綿減溫. 好啦到西隧口, 食埋第四包gel 準備一陣上斜用. 落緊西隧時, 好突然奇來的一下, 真係好似楂車冇油一樣, 全身都感覺到冇左動力, 隧道內的迴音也好似忽然細聲左. 心諗呢種感覺就係撞牆? 我仲可以跑喎, 好彩未到上斜位先撞, 轉個低波, 到34k用左約2:50, 開始上西隧睇下頂唔頂到. 可能包gel 剛好被吸收, 部揭chock下chock下都叫跑左上林士街水站. 我知道我一停低我就跑唔返, 所以繼續跑住拎水同電解飲品邊走邊飲, 落到中環有更多的打氣聲, 但係冇左平時的嘈雜聲? 皮膚感覺到一絲陽光的溫暖, 但好似感覺不到平時跑步的風? 冇力感並冇加重, 但亦冇意識跑快, 因好眼昏, 不妙了! 自己提酲自己夏愨道天橋之後半馬好似會分開跑, 唔好走錯路呀! (其實當時已經冇半馬跑手啦傻仔!) 過了中信一條大直路, 有幾次好似張開眼的時候唔記之前跑過乜路. 簡單d講, 訓著左?! 還是我有乜隱疾要發作呢? 望下心跳率165, 比平時比賽時還低, 又唔似有事喎, 跑埋先箅啦! 這時聽到傳說中的屈教綀在灣仔碼頭天橋上為小弟打氣, 立即醒一醒神. 如是者以半夢半醒狀態, 有賴ching ctse 沿途打氣, 最終晶片時間3:37:59 到達.
經過呢次小小經驗又令有點迷思. 點解上年跑4小時以上, 冇乜做carbo loading冇撞牆? 今年做足loading, 一樣食4包gel會撞? 如此推段若我跑3:50會否冇事? 6包gel 又如何? 快過我開始撞牆時間(2:40)就完成全程的跑手又會唔會冇撞呢? 我應該改善跑姿做到高效率, 向提高速度著手? 還是根本避無可避, 只是高手們已經習以為常, 做到撞牆也冇乜影響? |