我一直無做開運動,日日坐寫字樓,明白運動的重要性,同埋想減肥(173,68kg手手腳腳唔肥,只係有個肚腩,好核突),所以買了對跑鞋開始了隔日跑步了
第一次跑,因為成日跑下停下,所以無咩事,只係第2日成隻腳好酸軟
第二次跑,知道要連續的運動先可以消脂,所以盡量跑唔想停,但問題來了,我發展小腿前方的骨果d位好痛,另外只要頂唔順停下來或慢下來,雙腳好似火燒一樣,好辛苦.
昨日第三次跑,跑了一公里後其中一隻腳的"拗柴位"好痛好痛,完全跑唔到了,今日番工果個位都好痛,行路"怪"下"怪"下....
呢幾次跑我都係跑一公里便開始頂唔順了,跑得好辛苦,腳似火燒,腳痛,無氣等等,只係第二次跑時共用了40分鐘跑了4公里,其實都唔算跑得快...究竟咩問題,相反我老婆一起跑,佢完全無事,又跑到..仲好過我...我體能真係好差?另外我的痛位係咩問題?仲有點解停下來會似火燒?謝謝
另外我依家係唔係要去睇鐵打? |