|
原帖由 queenielty 於 2011-10-11 11:58 發表
咁初學者應該點呀?
初學者最好搵人教, 搵一個有資格教你的人. 當然, 有教練牌未必代表教得好, 業餘者未必教得唔好; 跑得快架唔代表適合教新手, 因為佢地基本上未必經歷過一般未學跑步人士會遇到的問題, 當你問一個全馬跑開2個半鐘的人點樣練SUB3, 佢可能答你唔到, 因為佢未試過跑咁慢!
初學者點樣練, 又要視乎閣下的目標而定. 如果只係想KEEP FIT, 一星期慢跑3日, 強度及長度可以跟據恢復時間而定, 大概跑完抖兩日可完全恢復為佳, 若持之以恆, 終生受用!
若以競賽為目標, 循序漸進, 有系統的訓練是有需要的. 因為見得太多跑傷跑殘的例子, 所以都希望大家有鬥心的同時, 都要有耐心, 慢慢練, 多點留意自己的身體, 記住就算你肯付出, 都唔一定有收獲的! |
|