後日係一年一度渣馬舉行既大日子,我相信好多有份參加既跑手都好期待果日既來臨,我尋日參與左三色台採訪今年渣打全馬最年長跑手---周生既拍攝工作,同場亦有我近呢兩年帶住我一齊共度每一場長跑比賽獲獎喜悅既長跑網一眾前輩同幹事,假如冇左佢地既鼓勵同支持,我今年未必有咁既勇氣以21歲之齡首戰香港全馬。
回顧今個賽季,我港運會既"入場卷"都拎到,10k,15k,甚至半馬冠軍都拎過,我相信我首個全馬sub3指日可待,做今年渣馬最年輕既"千金",我明白備戰一個全馬要花好多功夫,例如大家過去兩、三個月不停咁"儲里數",去到而家carbon loading,我而家只可以做既就係放鬆心情,去迎接我人生第一次全馬既來臨,我唔夠擔講我100%可以sub 3,但好多跑友都話我得,先至有咁既期望去試下。
最後祝大家係渣馬當日可以順利完成賽事,甚至可以PB,各位後日賽前/賽道上見!
夢璃(Sam Tam)
2013.2.22
PS 等我係度貼番曾經係上年渣馬官網出現既"跑手故事"既分享
寫於2012年1月
長跑界 “東兒”—夢璃 繼續向終極目標進發 自二零零九年開始,我每年都會參加渣打馬拉松,直到現時為止,我已經參加超過三十場長跑賽事,並於短短兩年多次登上各場比賽的頒獎台。 我在二零零九年參加 “渣馬” 10公里,這是我首次參加10公里賽事,當然與我現時個人10公里最佳相比是天淵之別,但自己察覺在短短的兩、三年進步神速,真是連我和自己身邊的朋友都想像不到。 現在完成10公里賽事對我而言是輕而易舉,但我的終極目標並不是如此,而是希望在我自己首個馬拉松中能夠sub-3,成為 “千金先生” 。 當然首個全馬要在香港跑,還要要求自己成功sub-3 ,這個任務實在有點兒艱巨,因為我平時假日參加10公里賽事所要求的練習量並不如馬拉松般艱苦,當然沒有可能一步登天,我只好循序漸進地增程,慢慢在操練過程增加里數。 雖然2012年渣打馬拉松我並不是參加全馬,只是繼續參與半馬賽事,但我的目標很清晰,2013年向全馬進發,並在我人生中首個全馬能夠以三小時內完成。 各位長跑愛好者,2月5日夢璃與你們在跑道上相遇,並互相支持、鼓勵,希望各位能夠在個人的目標時間跑畢全程吧!
|