感覺被挑機

Pawda

今日'下午easy run,可能因為剛剛過咗渣打關係，好少人跑。

途中見前面有位ching速度唔高,由於係easy run關係，所以一直都係跟住佢後面冇幾遠。但一到上斜，佢好似有d吃力慢咗落嚟，但我就keep住個均速，所以過咗佢。

過一陣到平路，位ching刻意加速過番我，本來我都冇為意，但佢一過我後就不停回頭望我個位置，好似想睇下我會唔會過番佢咁，但我冇理佢，繼續自己有自己跑。

過咗一陣有又第二條斜路，因為佢又慢咗落嚟，所以我再次過番佢。到咗平路，佢又特登加速過番我，又係不停咁回頭望我，嗰刻我感覺好似被挑釁，但我都冇理佢，仲特登再放慢d腳步，之後佢見拋遠咗同我嘅距離就冇再望番轉頭。

其實我跑得咁慢，你過到我又如何？

大家有冇類似經驗？

臭男人

觀點與角度, 唔使諗咁多

Ziramas

he is a gay and you are handsome

muse2705

有時如果做緊tempo run 比人跟下都好GA, 有D推動力可以令自己跑快D

Run2012

今日係運動練習慢跑，不斷俾人超越

sm_man

其實都唔使太大反應, 我都係慢腳一名....
我都試過係九龍仔見到有跑友走過PACING幾快, 所以試下跟左4,5個大圈, 只要係認真跑步一心一意
而且我一直係後面跟跑, 亦無不敬之意...放鬆D香港人

長跑傑

見個post 上上落落咁耐, 我都想講兩句....
其實無話邊個啱同錯,如果佢公然玩野, 跑過左又笑下你,咁就要鬧啦.
但可能係樓主錯覺, 覺得佢係想跑過你, 其實佢又快又慢自己都唔想, 想做快d既成績, 但上到坡又覺得辛苦慢下來....
最緊要係平常心姐, 如果對自己太唔舒服, 咪好似樓主咁讓人地跑先, 咁就大家舒服啦 ~

taekwondofu

人人訓練目的唔同各自修行

StephenKo

tango 發表於 2013-3-4 15:53
之後我每次過佢 都望一望佢 ....  ???

我好多時都鼻塞鼻水鼻屎多，所以唞氣聲都會大啲，抱歉

meia

run at my own pace

little-fish

還有3個星期，我便跑步兩週年了，在非賽道上唯一一次被挑，反而在仍是210lbs 時
那時跑步半年，第一次測試自己10km 能力，晚上在mos 長廊被挑臨尾那兩km 果時是6min/km pace, 現在就很輕鬆就算講電話都做到。
不過越跑得多，越唔敢挑人•••••••約跑我都永遠是最後那堆人。

cmanho

我都成日望靚女同望下其他師兄著咩鞋~~
希望唔好比其他師兄/姐覺得我挑佢地機啦~~

Pepe

好平常吧！打個招呼啦！

JoJoYip

斧山會唔會係我
望錶多過望人
望人都係望靚女
其次望人著咩鞋

alanika

kokyan_lam 發表於 2013-3-4 23:09

                               
登錄/註冊後可看大圖

路上會唔會有野狗?

連續有四公里路都係見到石頭同雜草，無生命跡象, 所以有時來回10K都冇見過一個人。

龜兔競跑

小弟都好驚被誤會挑機, 雖然吳會扭轉頭望人幾次! 最近一次練跑,臨到終點1k左右,俾個ching 過左頭, 我見就到終點想跑快番少少(其實仍然係慢), 追近咗個位ching, 點知佢以為我挑機, 加速谷咗一段, 攪到我幾吳好意思 ,大家經常跑同一區, 成曰碰面架碼!

kokyan_lam

alanika 發表於 2013-3-4 22:37

                               
登錄/註冊後可看大圖

你地就好啦，有人挑機，我平日跑東涌小蠔灣，莫講話跑手，連人影都冇隻，一個人自己跑晒成條路係好悶架，我 ...

路上會唔會有野狗?

mtkdc

我自己是跑圈的，個人覺得挑機行為很平常，反而斜Cut擋路才是大過。

alanika

你地就好啦，有人挑機，我平日跑東涌小蠔灣，莫講話跑手，連人影都冇隻，一個人自己跑晒成條路係好悶架，我真係寧願有人挑機...

JonesCheung

我跑開街, 有時都會找一個步速差不多的跑友跟著他作假想敵, 一般人感到被壓迫也會提高步速, 但不會用眼神挑釁對方, 我會用這方法訓練自己。 同時我也有被壓迫的經驗, 大家良性競爭不存敵意。