|
幾經艱苦, 終於跑完第一個全馬~ 時間麻麻地, 5hr29min, 證書都差 d 拎唔到~
係全靠大家0係駱克道幫我打氣, 我先可以加少少速, 0係 5hr30min 前翻到終點咋!!
其實我跑到廿幾 k 度隻右腳小腿 (因為要就住隻左腳黎跑) 已經有少少抽抽地筋, 於是每一個醫療站我都拎松節油黎卒~ (我估我係用得最多松節油0既跑手黎0架~ )
不過 d 松節油都幫唔到乜0野手, 我跑跑0下連大腿, 腳板, 甚至左腳都抽, 涯到 30k 終於要坐低0係醫療站慢慢卒腳 (特別係腳板底, 因為跑緊時係卒唔到腳板0架嘛~ )
休息0左陣重上征途, 開頭都好0左 d 0架~ 不過入到西隧越來越唔惦, 終於去到西隧尾右腳小腿直情抽到無晒力, 成個人軟晒~ 好彩近路邊石膊咋, 可以用手符住石膊坐, 否則一定跌落地下~ . 更加好彩0既係, 有位工作人員見到我0既情況, 亦到走過黎幫我手, 仲行去醫療站搵醫護人員黎~ 否則我都唔知跑唔跑到落去~
不過話分兩頭, 呢位工作人員亦都係魔鬼黎0架, 佢一去到我面前就問我跑唔跑落去... 當時我真係有一念想放棄, 因為實在太辛苦太痛了!!! 但當我再定一定神後, 即刻大大聲咁答 : "我死都跑埋落去, 唔上車0架!!"
終於卒0左陣松節油加抖0左一抖之後, 我行0左約 50米 (全程係得呢段我係行, 雖然好多位我係跑得仲慢過行0既跑手... ) 又慢慢跑翻, 不過對腳已經越來越唔聽使... 跑到超過 10min 1k... 照計時間係趕唔切 5hr30min 前跑翻終點... 於是死頂之下再跑翻快 d~ 但都要 9min 1k... 不過都唔知趕唔趕得切 (因為個錶按錯掣, 無0左時間...)
好彩去到駱克道時, 黎遠已經聽到長跑網友0既打氣聲, 我先可以死頂落去~ 再跑快少少~ 可以 5hr30 前翻到終點~
真係好好好好好多謝大家呀!!
不過當其時我對腳真係痛到死, 又好驚趕唔切翻終點, 所以比唔到乜0野回應比各啦啦隊成員, 真係唔好意思呀!!
跑過終點之後, 我即刻軟晒咁坐0係地下度, 抖0左好耐先起到身, 去拎行李交晶片~ 跟住仲去0左醫療站按摩0左好耐先行得好翻 d...
總結黎講, 跑得真係勁辛苦勁痛, 時間又麻麻地.
不過我都好開心我可以完成到, 與及在我辛苦及無助時, 聽到各位最動聽0既打氣聲, 真係一個字~ 正!! |
|