買0左一段時間, 終於都有得試試喇!
生平第一對racing鞋.
買之前其實比較過幾對, 分別係Nike Speed Spider LT, Mizuno Spacer RS 4同埋呢對.
著上去感覺竟然係Nike最舒服但出名易打柴時又無我size, 而Mizuno就鞋頭過闊, 我比較鍾意窄身鞋, 最後New Balance就最各方面都好似好ok, 所以就買0左佢. 本來想要白紅色, 不過又係無晒我著到0既size, 白藍色照殺!
另一個吸引我0既係相信呢款鞋會比較耐用. Nike, 心照啦各位. Mizuno, 應該都ok, 唔係都唔會有咁多人揀. 不過New Balance, 個鞋底係比較特別, 一陣大家睇落去就知.
睇相啦:::
個樣真係幾型仔. 唔似一般racing鞋款咁悶(今似買鞋係睇款先再睇function, Asics同Adidas唔計{太貴}).
點解要揀呢款, 大概60%係因為個鞋底設計, 真係好似輪胎紋, 硬膠造. 相對於石墨粒鞋底或Nike做0既鞋底, 應該會比較耐用. 但更重要係因為:
"只要換上新開發的節能輪胎,
同樣多的油量, 卻能比以前跑得更遠----省姐撚,撚太撚! "
YEAH~
入正題.
今日試過兩段路, 分別係石屎行人路同運動場.
呢款鞋出奇地石屎路面比運動場有更好表現, 莫非真係"省姐撚, 撚太撚"?
輕身(大概210g), 咬地.
運動場一段大概10k, 應該50分鐘內. 病完狀態未回復到十成, 不過都快過之前.
對鞋比Rider 12更推. 不過吸震效果真係幾大分別. Racing鞋同Training鞋最大分別都係呢一點
.
腳踭吸震都已經夠, 但前掌較薄, 就算同腳踭一樣都係有ABZORB都好, 真係唔似得Rider 12咁好吸震. 相對而言反應快0左, 另一方面吸震效弱, 亦都較快出現疲勞.
跑到8k左右, 唔知點解先feel到中掌位置mid sole頂住頂住咁唔多舒服.
Shit~試鞋時又feel唔到.
總而言之, 要著耐0的跑多0的先可以發揮到更好表現. |