|
原帖由 swimbikerunner 於 2010-7-5 14:27 發表
想問問大家既意見,其實對我呢D初哥0黎講,單車暫時係咪唔係咁重要呢?
一部2-3K既單車可能已經好足夠,到好似Rockie c hing,用到架車既頂點,先再考upgrade架車都未遲!
原來又有 ching 對踩車有興趣! 小心中毒!!
睇個名就知道 ching 對三鐵好有興趣啦!
不如都嚟踩下車, 交流下心得!
其實我仲係初哥, 因為唔識單車, 所以唔敢第一次踩就某某然就買架靚車!
但如果你識人/自己對單車有認識, 就不妨買部靚車, 以後慢慢升級!
好似 jc 團長, 第一次嚟踩, 已經整部幾皮野 ge 戰車!!
因自己對跑步始終興趣大啲, 而且花費無幾! 所以唔敢咁大投資住!
初初淨係租車去比賽, 大大話話都租咗6、7次, 連埋頭盔, 每次都要百幾蚊!
計計埋埋都買到依家用緊部鐵車!
而且每次租車, 都要特登入去細記揀車、試車, 次次架車都唔同,
有時個波响把手度、有時响龍頭度、有時响上管, 有時响下管...
都幾難適應!! 又試過一早訂咗, 到時比賽居然無咗架車,
臨時又要換過另外一架, 又無時間去試...
都幾激氣, 所以先至平平地買架鐵車!
我諗夠唔夠真係好睇個人喜好, 不過我諗同玩 hi-fi、相機、車一樣...
玩玩下就會升級、甚至換車! 正所謂一分錢、一分貨,
時間/速度真係要用 $$ 買番嚟!!
最近上咗癮, 又誤信讒言, 打算升級, 所以訂咗啲補品,
發覺計落係貴過部車, 點算呢? 唔通跟手又要換埋車!!
依家戒毒遲唔遲呢?? 定係的起心肝, 換部 TT 番嚟!! |
|