渣馬又到...希望各位可以留意下(尤其是初次參與者), 避免:
1)
爭頭位 - 如果你開始就諗住慢慢走, 起步時就唔需要爭在前方.
2)
跑步中不應急停或收慢避免隨後跑手收制不及而碰撞. 若因任何原因(如受傷)而要停亦要留意後方及靠邊停. 並盡可能停在慢線 (如轉左灣,
左邊是快線, 而右方是慢線)
3)
超越其他跑手後不應立即切線. 雖然視線上你巳超越,
其實被超越者亦以相當速度跑而跨步時極可能踩到你後跟.
4)
影相 - 你是正參加長跑比賽,
不是攝影比賽. 若你在賽事中途想拍照留念,
請在不影響其他跑手之情況下進行.
5)
情侶形跑 - 兩人平排慢跑或步行….你地會擋住後面來者.
當跑手以相當速度跑時是極難急停或轉灣.
6)
一字形跑 - 3人或以上平排傾偈封住大半路.
跑完飲杯茶食個包慢慢傾啦.
7)
走S路 - 除非你係蛇,
否則請直線跑. 因為可能後面正有人想超越你.
8)
水站 - 要埋水站都請先留意後方來者. 不應急切線.
9)
放飛劍
– 香港空氣差,
清清鼻喉可以理解. 不過請先望左右確保冇人.
希望各位今年跑得安全及健康! |