小弟大約167cm高..但係上年到依家過住頽廢既生活,眼見體重不斷上升,已經去到198磅,為左唔到200磅,真係要剎一剎車..
其實我在開始跑步前1個禮拜左右已經開始控制食量
依家:早餐 - 1個橙+飲水
午餐 - 1碗米粉+飲水
晚餐 - 煮咩食咩,但係已經食少左好多肉,多左食菜,亦都係淨飲水
過左幾日,體重keep住左係196磅...
然後到左今日,終於真係走落去跑步..
跑之前亦都上網睇過下關於跑步既資料,知道跑前後兩個鐘唔好食野,所以依家set左8點食完飯,10點就跑步
咁我就住天水圍,近天恆果度,所以都係選擇左去臭河跑...
上網睇資料真係感覺好輕鬆,但係跑落真係完全另一回事...
我真係跑行跑行咁,
老實講,開始真係盡晒力只係可以連跑5~6分鐘唔停,然後又行左幾分鐘,跑左2~3分鐘又頂唔住又行咁...
前後加埋我諗只係跑左得12~13分鐘左右..真係自己諗起都覺得丢架..
但係都起碼堅持無停低,不斷行行行行...當然唔會行太慢,都追過到其他行既人..
咁我總共係去左47分鐘,跑得13分鐘..姐係行左成34分鐘 ...
但係講到跑唔郁原因,其實並唔係因為跑痛,反而係喘氣,喘得真係太緊要...真係喘到想死咁濟..頂唔住跑唔到
其實有咩方法係可以令自己無咁快唔夠氣..我一開始已經盡量控制呼吸,但始終真係喘得太厲害控制唔到..
我出身到依家都未認真去跑過1次步,今次真係第一次...再咁落去我形住自己真係會好快放棄..
因為見到其他人跑得咁厲害,自己信心反而大減...唉 |