|
原帖由 hoshanbei 於 2009-3-2 21:26 發表
又或者咁講,我只係在我能力範圍做可以做的事而己。
由細到大,運動不出色,最多也只是在操場撲蝶(打羽毛球)
中四至中七又顧住讀書...直到上大學畢業前一個學期,才開始做占...
第一、二份工,工作時間長(閒閒 ...
見你同 ee 都分享左咁多, 我要加把勁跑好d! 從小我最憎跑長跑, 因為我唔捱得, 總是跑到肚痛心口痛 (依家知道係因為運動不足), 讀書時代跑城門河(只得2K)我就行番終點, 跑800米都要行, 1500米跑兩個圈就停. 之前都係因為份工我無機會去玩. 係轉左依家份工先開始可以去做 gym, 去玩水上活動仲有好似依家咁跑步.
第一次2008渣打10k係因為朋友拉我去, 一齊俾左錢唔去好浪費, 好痛苦咁完成.
第二次nike 10k又係朋友叫, 點知我報到名佢報唔到, 自己一條友, 好在都有其他勁朋友跑, 因為我慢, 第一次一個人去跑, 跑得完果刻好感動!
之後因為報左2009渣打10k, polyu alumni可以上training, 因為有中學同學都係初學長跑, 有人陪之下去左上training, 於是對跑長跑愈黎愈有興趣.
我果個中學同學成功由跑10k, 佢今年第一次完成渣打半馬, 之後搵我一齊去參加西貢長跑, 第一次參加少人的比賽, 感覺到個個都好pro (因為無渣打nike果d咁多人行同影相), 就更加想出年可以完成半馬 (雖然我依家個progress好慢)
我一向3分鐘熱度, 樣樣運動都3分鐘. 其實我好想堅持下去, 但總是因為沒有一個有恆心的伴陪我去玩. 以前學跆拳道放棄了, 因為我怕死. 玩球類又需要一個伴, 游水又因為落水易病, 玩水上活動又係因為天氣冷而要暫停, 跑步應該是所有運動中最沒有藉口去停的運動
睇左村上春樹本書, 我好想養成這個習慣.
幸運地遇見你地, 我要堅持下去! |
|