|
原帖由 WAY_LEUNG 於 2009-6-4 16:02 發表
TNT呀! 有錯字pm我啦!
wayway, 我知妳唔介意, 我先至糾正下啫.
講開又講, 關於正字問題,
我有d野想講,
其實我幾鼓勵人地寫正字,
我記得上次邪神話, 只要溝通到咪得囉,
但係我嘅睇法係:
好似跑步咁, 唔正確嘅跑姿一樣可以跑步,
但學習正確跑姿就可以跑得更快或減少受傷;
同樣, 寫錯字可能都可以溝通到,
但既然要溝通, 用正字就最能夠減少誤會.
唔通, 我地想d小朋友响學校都係求其咁學d錯字就算咩?
當然, 吹水時間唔中玩下同音字, 又無傷大雅ge.
再講, 我都只係有時咁啱見到,
同埋只會對比較熟落嘅跑友先至會出下聲糾正下.
如果有人會介意嘅, 記得話我知.
我希望長跑網日後千祈唔好變成一個火星文嘅討論區!
(以上係我個人諗法, 希望唔會有跑友覺得有任何針對成份.) |
|