|
等我都報告一下昨日兩粒jelly仔的行程先:
昨日jelly連同vivi一齊起步, 在西貢巴士站偶遇3PS一齊坐車, 第3段起步前留影, 因為之後都見唔到佢地了.
天氣好, 有點陽光但不太熱, 第3,4段都比預計時間快完成....自己平時最弱的上山都快左, 可能因為第一次不用揹後備衣物同拖鞋行, 真係輕鬆好多...
獅子亭時大休食面, vivi就在此離隊, 在此遇上港島快腳人隊, 我同比因先行一步, 在第5段時就俾他們過了.
第5段在落石級時為左避個伯伯pk左一野, 佢仲要哈哈大笑好一段時間添
之後就向大埔道進發, 我地十卜隊長vv己經等左半小時, 周圍的monkey都好兇悍, 佳得樂在背囊側袋俾搶劫左
我同比因就靠著vv 十卜的4個大水晶梨同兩舊番薯頂埋下半程.
幸好去到城門水機有貨, 可以補水, 上針山時太陽平西, 比平時輕鬆了.....
到大帽山時天己黑齊, 又大霧, 改叫比因行頭, 總算全程平安無迷路.
在大帽山頂風勢好勁, 能見度得几米, 我地靠著地下白線慢jog落山, 心裡面有几次好攰想停低行, 但知終點在望, 唯有叫自己放鬆心情捱埋佢, 最後以12:32連休完成麥3-8
[ 本帖最後由 ~~菲菲~~ 於 2010-10-17 19:18 編輯 ] |
|