|
果日原本諗住踩100km, 到第三次圈回程, 發覺擺响路邊做補給的三樽水消失於無影無踪. 唔知邊條友咁大整古??? 自己當時只得半樽水. 唔知頂唔頂到餘下的第四圈. 不過都照頂, 之後踩多7-8km左右, 飲水時發覺原來只剩兩啖水. 肯定唔夠. 當時天氣實在太熱, 跌watt跌得好緊要. 於是停在一旁休息加諗諗繼續去踩東涌買水, 還是掉頭. 之後見到loud兄經過, 原來佢之後去幫我買水, 真係唔該晒. 不過我自己怕去埋東涌會太遲先返到, 於是掉頭慢踩返欣澳. 最後只踩了90km. 休息一陣之後開始跑6km. 由於當時正好中午12:00, 太陽剛剛响頭頂, 晒到應一應, 跑到2.5km左右, 發覺成身滾晒, 可能"mok"衫跑比太陽晒得太勁, 後來先記得上年練毅行d ching叫唔好除衫, 除左衫可能仲熱. 之後又想睇下3km線响邊, 於是邊行邊jog咁去, 最後呢幾百米真惡頂. 之後都係jog唔起, 腳底好似起左水泡的感覺 (後來檢查是沒有的). 之後見到ginny同佢朋友慢jog梗黎, 仲有氣有力, 自己就爆晒. 之後見到loud兄"呢"响樹蔭下, 原來佢有中暑跡象. 之後我地只蟻速步行返欣澳停車場, 之後又有ching請食哈密瓜+噴霧器. 超正!!!! 今朝就慢游左2km作recovery!! 而家個人鬆晒!!!
另外, 見到sze ctse和我的第一架戰車一齊. 佢踩得勁我好多. 佢卒之有好歸屬!!! |
|