|
有競爭, 就有進步, 這個係必然的. 不過我地要尊重知識產權, 既然這個比賽是由田總創辦, 政府無理不讓田總舉辦, 而攪公開競投; 正如英超, 若公開競投主辦權, 可能香港馬會投贏都唔出奇呀!
競爭應該來由其他人或機構, 攪一個賽事出來搶客! 好似東京馬拉松, 不是搶了渣馬不少客仔嗎? 當然由於費用及時間問題, 就算東馬攪得更好, 都無法威脅都渣馬的!
除了渣馬, 其他比較大型的賽事應該是unicef廸士尼, ascis 10k及沙田皇者之戰, 以主辦質素來看, unicef及沙田節都不及田總, 當然有其他賽事主辦單位可能好過田總, 不過佢地都無機會舉辦幾千人的大型賽事, 原因同能力無關, 而是他們得唔到官方機構的祝福!
就以馬拉松推廣社為例, 論經驗, 論賽事的質素, 大家都有目共睹, 不過由於佢地唔係慈善團體, 又唔係官方機構, 只是一間民間的商業機構, 除左以推動長跑運動為使命外, 就是要賺錢, 如果政府封路比佢地攪比賽, 難免有人會話官商勾結!
另一個例子就是sportsoho, 佢地攪的比賽很有創意, 為跑壇帶來朝氣, 不過同樣地佢地係賺錢的機構, 要舉辦比賽就困難重重了, 好像1月份在港島區的城市之王就因為唔可以及時攞到批文而告吹!
所以只要市場開放, 官方及非官方的賽事主辦機構能獲得一視同仁的對待, 那麼香港的長跑賽一定會越辦越好! |
|