升級
100%
TA的每日心情 | 慵懶 2013-10-6 15:26 |
---|
簽到天數: 1 天 [LV.1]初來乍到
|
本帖最後由 tank1438 於 2013-5-20 13:54 編輯
5月10晚衛徑全走,8,9日休腳做準備
http://www.trainingpeaks.com/av/NNPFA6KUWT6DM7NXCZCIBCRAU4
https://fbcdn-sphotos-h-a.akamaihd.net/hphotos-ak-prn2/v/975264_407185006055328_1207943729_n.jpg?oh=9924f48ac4609ef3d13d9ed5edda9a0a&oe=519BCB48&__gda__=1369166436_3ae6129c1edbb9999448888a7036158a
休漁期快一個月,係時候為來季長山賽開操,加上從未行過衞徑,有人吹雞就梗係屎跟喇,
沿途仲有十卜又有人加入應該好好玩架嘛!.....點知...............!
約好七點在灣仔某餐廳食飽先上路,點知一睇餐牌先知原來自己咁窮,一個二個都食常餐算!
遲到的ivan更買包食即走,力士,ivan,平平,不執,朱總,willy和我七人出發要近8:30先到赤柱出
發,急住出發,gps未攞到,近20分鐘先追到,所以應該計少左k幾,所以15:10裡面總共走了約66km
一起步係咁上,天雨路滑個個都好小心,而且中途仲有好多蜘蛛精的陷阱阻我地去路,所以要
揾人揮劍開路,言談間有人話今晚應該只見鬼唔會見到人,行到中段真係應左,見到對"鬼"男
女經過,哈哈!愈行天色愈好,過左陽明山庄,睇到難得一見之清新的維港海景,可惜無帶大機影低!
3小時左右去到太古站搭地鐵過海,20分鐘後油塘落車上華永墳場的斜路等中途插入的森美!
等左幾分鐘,平平差d又想出動西瓜森美先到,一黎到就大大聲話我地慢個幾鐘係咪路架!
佢咁叻我地就俾佢帶頭放火,佢上完華永條斜入到山就領野,唔知佢食左幾多隻蜘蛛精落肚..哈哈!
之後佢變身任劍揮,不停揮willy的山扙開路,不斷放火,大佬你行少十畸架,顧下他人先得架,
去到寶林路狀態不佳的朱總首先跳車離開,剩下七人繼續上路,追到氣咳的去到井欄樹,見到狗哥
的補給太感動鳥,三更半夜食個幾鐘頭風等我地,舊舊手卷都甜入心,補完水十零分鐘後加上狗哥
一行八人又再上路,
過完井欄樹村,平兄又發揮迷路皇本式,個個詬右邊,佢係都要話左邊帶左我地行多百幾二百米
先話記錯,好在唔係k幾兩k先知咋:p , 之後入番山路,再去到一條比麥徑萬里長城更難攪的皆磚位,
加上天雨石滑,論鬼盡的我就撻左鑊金,好在patpat落地加上休漁期個patpat生多左d肉先無咁傷,
在同一時間森美俾番支打狗棒willy,點知willy一時心急亦跣倒,仲拉傷左少少!到上五百幾米的東洋山,
又有快馬放火,影都唔見好在狗哥岩腳型差不多跟我行晒成段行極都未完的樓梯,佢仲好鬼忍得,
行晒出番大路先放左個大臭屁...XDD,等齊人再慢JOG落沙田坳,沿途見好多車,各人爭相望入不同車內
很是有趣,近七小時先到,又難為了JUNJUN半夜三點帶補給上黎,十卜完就走,麵包同卷物都好美味,
而受傷的WILLY亦決定跟JUNJUN離開!
又餘下七人行全程最悶的6K引水道,點知呢6K後來又成為是夜精選,幾個勇士都鬥唔過擬似女鬼都在
大埔道離開,凌晨4點一個女子在引水道涼亭出現,仲要係面白白你都咪話唔得人驚,大師同狗哥決定離開
而到大埔道後等左平平成廿分鐘都未見,剛致電給他他就到,真係唔知佢同個擬似女鬼攪乜鬼!
他亦決定走人,剩下4人繼續上城門,而此時我的右腳亦有少少作抽的感覺,好在起步前麻煩大師帶左一包仔
食鹽俾我,在狂隊食鹽後又無抽得成,森美一路行一路嗌走,一路嗌一路行,攪到我都有D想城門走人,不過
無抽到就繼續喇,6點3一天都光晒先去到城門,一到見到奶哥,又辛苦佢在城門睇星睇左粒幾兩粒鐘,食完
佢的飯糰,成身暖晒加水休息約15分鐘後五人上路,跟IVAN跑環塘5K,力士要攪重要部位的磨擦位墮後,
我俾IVAN同奶兄夾住想慢都唔得,IVAN一邊跑一邊嗌勊,但又愈跑愈快咩人黎架..................
跑完呢5K命都無,之後上鉛鑛坳就同奶慢行,力士從後JOG上斜咩人黎架X2,在鉛鑛坳等埋森美先落大埔!
落去IVAN同力士又係影都無,奶就陪森美慢行,我就走自己,落到馬路前,日光日白有隻青BB的鬼飄緊上黎,
原來係阿PAUL呢隻衰鬼.....哈哈,再到涼亭原來有無敵補給團,有愛心粥食有寶鑛力有水,森美完成佢既旅程
加上有嬌嬌新車坐梗係走喇,而我地4個就繼續行,行過太和的山路有好多狗,奶兄一招賭神式兇狗,技驚四座,
去到大埔頭村的士多作最後補給,時間已經近9點9,各人因時間關係,決定行埋九龍坑山後就搭小巴走,上山時
曬到無命見奶兄攞把傘出來我又攞,正好曬番乾佢..@@",上到自己失左知覺都未到,離遠望上頂IVAN已經企
左係頂等緊...心中又要講多次咩人黎架.............
行完呢六十幾畸,我只可以講.....我實左太差勁喇........................唯一安慰係六十幾畸都無抽筋算好開始喇!
本月已跑120km
|
|