|
多謝唔少CHING/CTSE保貴意見, 以下回覆從簡, 見諒!
…這次是不幸中的大幸,別想過去的不愉快,心境開朗,會好得快d架!
啱, 萬一俾肋骨插穿肺, 真係隨時瓜得!
…我見佢鬧到冇停口, 攪到我都發火, 串佢學咩人做醫生,…
話晒我仲瞓响張床唔郁得, 任人漁肉, 真係要忍、忍、忍…
…公共醫院的醫護人員人工低,工時長,所以質素咪咁上下囉。
無論佢地扺鬧又好,有苦衷又好,你都唔好咁勞氣,開心D,
身體先會快D康復。又或者經濟上有無能力,
同埋可唔可以Claim保險,如果可以的話,
搵私家醫院效果會唔會好D?…
據我所知, 人工比其他行業一D唔低, 依家差唔多行行都工時長,
仲邊有朝9晚5咁筍?? 加班又無補水添!!
保險以前有買, 但又係領教過, 依家無買! 都打算搵私家醫生睇下!
…你都好野wor,過程記得咁清楚, 我一路睇都覺得好痛,
但你d對話又寫得好好笑, 點都好,多d休息,唔好夾硬黎,
唔好另到家人擔心, 等你返黎上堂, 祝早日康復..
我無撞親個頭, 所以好清醒, 有啲細節因為太三級,
所以無寫到!
呢D叫做苦中作樂, 睇開D, 等自己好過D, 會開心D,
會快D好番!
…其實我都好奇怪. 當日點都見唔倒你部車同人...
心諗. 唔通你比賽完之後拿拿聲踩番出去..
不過心在想.. 條路好似封左. 無理由可以踩出去..
就係咁搵左你好幾次都唔見.....真係奇….
B, C 組反而應該一早完晒, 我地果組最遲出, 又要跑多5K, 踩多一圈,
應該睇住我地番嚟, 見唔到9成9都係有事嘞!
…Sorry呀 ! 真係唔知你發生左咁大件事...
意外唔關你事喎, 駛咩野 sorry 呢? 而且重點唔係交代我意外,
係我死裡逃生ge 經過!
…其實嘔係從腦產生既反應,癌症中既化療/電療方法都會令人有嘔既反應,
但有药可使腦停止制做化學物品從而減少甚至除去嘔吐感覺,3年前價,
一粒药係$120, 12小時有效, 所以我相信公立醫院係唔會被呢d药既!
但私家醫生應該會。另嘔也有可能係腦震盪(concussion)引起,
醫生有冇check呢樣? concussion比較麻烦,可能會影响視力,記憶, 平行等,
你抄個陣有冇撞到頭?
呢樣我聽講過, 所以即刻問醫生, 係咪情況轉差…
佢好淡然話係止痛葯ge 副作用, 無事ge !
$120一粒雖然貴, 但無副作用, 非常抵! 但我ge 情況, 其實都可以慳番唔駛食!
…私家醫生化療止嘔药$1200一粒,勁貴但仙丹咁有效…
嘩! $1200一粒真係唔捨得食, 一日食兩粒, 食一個禮拜萬六銀…
6個禮拜咪要十皮?? 唔怪得D葯廠咁發!!
…難得可以淡淡然道出我想像係心驚肉跳的意外, Rockie EQ 確係高! …
我諗唔止需要EQ高, 仲需要AQ、SQ、HQ都要高!
…跑果時唔見你都有D奇怪,我之後響度食埋野HEA左陣都唔見你,
以為你走左 之後大會叫我網名果時我仲以為叫個老外英文名要上台攞獎添,
估唔到原來你出左事.....果個位的確係幾易中招,幸好未至於重創,
休息一排一定操得返起, 雖然見你內文輕鬆,不過當中痛苦同家人壓力,
小弟都感受到,會警惕自己希望可以減低出事機會啦…
其實最後一圈一直响你後面… 直至去到烏蛟騰至出事…
我都知叫網名好有問題, 所以俾多一個跑手ge 名做後備!
果個位其實唔係彎位, 又唔係斜路, 咁都出事, 真係笑死人!!
… 啊. 好痛. 睇到都替你好痛. 你竟然頂得住.
仲要係意味體力極度微弱既情況.作出個能人所不能既決定.
有無睇跌打呀?? 西醫信唔過就求中醫啦…
好痛ge 地方無寫到, 都唔打算寫, 要逆境求生, 真係死都要頂,
要俾十萬止痛, 更加要頂!
因為肋骨紮唔到, 我諗跌打未幫到, 都有諗過搵中醫, 至少針灸可以減輕痛楚,
或者去到肺炎, 都應該得… 不過都會搵中醫朋友, 聽下意見!
…我中一個陣.....兩邊肋骨位都曾試過受傷,當然無你咁厲害,
但已痛到笑都笑唔到,講說話無聲無氣!
我建議你最好找一些中醫及可信的跌打看看,因為你就算肋骨癒合,
但內傷刖需要好好調理,睇中醫恢復程度會較好及快。
西醫只會幫你止痛,欺騙身体狀態,我個女臼位移咗,佢夠胆話無移.....
我話佢隻手痛同郁唔到.....佢就求其話打石膏,好在我無信佢走咗,
第二日帶佢比個中醫搞,兩分鐘就移返好,即刻郁得返。
所以你要求出院係絶對正確。外課始終係中醫好......
好好休養,就算好返之後呢半年都唔好做劇烈運動住......因為你傷勢唔輕......
不過你真係好堅,竟然吹到兩個半GE波!…
依家真係唔敢笑、咳! 試過打噎嗝, 痛到想死咁滯…
正搵緊中醫朋友意見…
唔知 ching 抖咗幾耐? 幾時跑得馬拉松?
吹果兩個半GE波又係死頂, 依家都係勉強一個半咋!! |
|