|
我肯定重誇, 9月9日去驗身, 膽固醇 8.3 超高, 其他三甘油脂酸, 尿酸等等都超高, 9月20日睇完報告後, 9月23日開始跑步, 頭40日未停過, 之後腳痛就停左八天, 跟住就KEEP住一星期跑六天, 最初果十天八天只能跑3.2公里, 時間28分鐘左右, 跟住二星期期快左D, 時間去到 20 分鐘左右, 之後果20日分別跑 5.2-7.5公里不等, 時間最多43分鐘, 11月初腳痛完後慢慢跑番, 由11月中開始到今天, 一星期有二天10-12公里, 二天7.2公里, 二天5公里, 視乎果日返工攰唔攰, 平均 57-60 分鐘完成 10 公里.
而食量就改左, 總之要返工果日就食腿茄治 + 凍奶荼做早餐, 芝腿治 + 生果盒做午餐, 晚餐就一碗魚蛋粉或粥. 星期六日早午餐都食少D, 但晚餐通常同家人食, 所以都係幾餸一飯果D.
到12月10日, 齊頭三個月再去驗身, 雖然還是三高, 但膽固醇就由 8.3 --> 6.2, 足足少左 25%, 其他都回復正常, 只有低膽固醇重有 5.0, 體重亦由9月的201磅減到早二日的175磅, 腰圍由36吋減到而家32吋, 深信再過二個月, 所有膽固醇同血脂就會遠離我, 體重希望KEEP係165磅. |
|