|
大家好, 此貼的目的在於分享一些心得.
我相信以現行的資訊, 的確好多人了解怎樣去做才可以減肥. 我在長跑網也學識很多有關控制體重或跑步方面的知識. 多謝大家.
以往我都有想過或試過減肥, 都失敗了. 小弟高 170cm, 磅數曾高達 90kg. 32 歲. 最近突然有些轉變....在此分享下給各位有意減肥的人參考一下.
我同肥0既人都相信肥0既原因, 不外乎少運動, 飲食習慣.
可能我呢d 年齡, 30 頭, 身邊有唔少人開始身體出現一些輕微警號.....不得不馬上思考健康之道.
之前一直改變不了的...原來的一種心態.....一種想奔向健康的心態不夠強烈再引致減肥失敗. 減肥或許需要一個好開始, 令自己感覺到原來咁咁咁做係有效....這些都可以提升士氣, 令人不易出現失控現象....有了良好的心態.....就不怕遇上什麼難題.....
最近小弟馬上在飲食方面控制, 少油鹽糖, 點食點食唔係重點.....一個人當你發現想要健康的時候, 你絕對有足夠的判斷力去判斷眼前0既食物是否你需要的....
這就是我想分享的所謂心態.....有了心態時.....好自然會去選擇合適的食物....做什麼對自己有利的運動.....如游水, 跑步 等等....目的都係為左健康.....
呢種所謂的心態, 仲可能會影響到人.....提醒別人不要吃得那麼不健康.....
至於 減到什麼程度, 幾多磅, 可以是一個目標, 或根本到一個程度就變了遊戲一樣.....62 kg 同 63 kg 都沒有什麼大分別吧.....
我想講只係當有一種心態去令自己去控制體重時, 就會去參考如何達到個人目標.....
希望想減肥的人如看到此貼可以思考一下為什麼減肥, 然後馬上作出相對的戰略, 這個討論區充滿足夠的智慧幫助大家
在此多謝 亮哥, 你我素未謀面, 不過你0既熱誠, 在文字之間都影響左我對減肥0既睇法. 我完成減肥後會再到此跟大家分享. 現在都是簡單地控制下飲食, 食得健康d, 同每周跑下步, 身心舒暢起來, 就慢慢感覺到前進的動力!!! 不是什麼辛苦的改變. |
+1
0
上一篇︰2012.5.13點滴揹水行下一篇︰老虎加價好勁多!
|