叮叮噹之跑步日誌－請多多指教

叮叮噹

原帖由 亞平 於 2009-1-20 00:45 發表

                               
登錄/註冊後可看大圖

叮叮噹師姐有人陪你玩Interval啦....仲要係超級快馬...嘩~~~肯定好好玩!

咪玩啦! 超慢同超快馬點跑呀?
跑1,3,5,7.....都唔得啦!

平兄渣打全馬後唔係要練反速度咩??
鄧記, 四, Good choice to u.

sleung2002hk

原帖由 神童威威 於 2009-1-20 00:45 發表

                               
登錄/註冊後可看大圖

我有點興趣喎！之但係你實在太強喇 ！我都係跑青山公路好d ......

有快有慢ja~~~你落黎玩下啦

叮叮噹

18/1(日) 約跑 -馬鞍山全馬/半馬終極長課 (19.3K)

下午首次踏足馬鞍山遊樂場, 坐明兄戰車早了許多到達, 目送16位全馬大軍14:40先行出發.
半馬跑友紛紛到達熱身拉筋. 三位新面孔臨時加入, 其中Iris同Mandy係11.30聯合國主動同我地大合照五位美女其中兩位. 半馬大軍24人大合照後15:40出發.
頭8k, 烈日當空, 20度高溫, 海傍單車徑被鐵皮圍著, 曬,悶,熱煎熬小妹, 有想過放棄. 跑速比平日慢, 已經汗流浹背, 有少少氣喘, 左邊橫隔膜痛完到右邊又痛番左邊, 硬著頭皮按著痛點慢慢跑. 梅子林口得ee同Schnix打氣, 有力量堅持下去, 跟著見到前面的明兄同Anson在路口等小妹, 我話"我唔可以快架啦!", 明兄"唔快唔緊要, 慢慢跑, 最緊要完成.", 因為你一句鼓勵我唔可以放棄, 多謝你地陪伴走了 的一段. 同Anson過橋到對岸折返, 因為早了一條橋, 我地有3mins休息, 等明兄一起折返.
折返後, 沒有太陽曬明顯舒服許多, 步速也回復正常, 明兄慢跑陪伴7ctses, 真係幸福!
艇會補給 , 太陽曬著水機, 睇唔清楚就"du"左八仔又唔出運動飲品, 亂按一通才出Zero可樂, 補水4mins, 明兄提醒大家要繼續上路. 姐妹們都決定上梅子林, 山長水遠來為見它一面.

過了雙橋, 望見太陽落山, 好滿足的一天!
去回程都見XO同囝囝著網衫踩三輪車為大家打氣, Give me five添!

臨近梅子林, 見到全馬大圍七兄從後跑近, 梁兄已經食完梅子落山. 梅子林山腳見到support team- Runrun同細囝, Schnix, ee已經為大家預備大量香蕉同寶x力, 好似小販擺檔咁, 辛苦妳地 .
全靠妳地支援, 小妹食完蕉同半罐寶x力, 充滿力量去食梅子. 幾個ctses上山路上chings迎面落山, 一一為我地打氣, 多謝. 快活人教路要經過4個亭先到折返點, 慢慢跑了許久都唔見有亭, 越跑越擔心上路漫漫, 跑跑下對腳出乳酸, 行了一會再跑又酸, 終於見到涼亭1,2,3,4...原來唔係平均分佈, 見到迎面ctse落山, 增添力量衝上最後200m折返落山, 輕鬆彈落山好舒服. 首次食梅子, 比想像中好跑, 反而感覺晒草場條S型斜路較短而更甘.

半馬友於山腳小休後, 由Alfred帶領大家齊齊回程, 認得路知道終點在望, 一路拍住NC返去, 心情興奮, 步履輕盈, 疲勞盡消, 精神抖擻.

拉筋, 吹水, 沖涼, 30人食團年飯, 好熱鬧!




[ 本帖最後由 叮叮噹 於 2009-1-20 22:42 編輯 ]

叮叮噹

19/1(一) 鄧記, 新發現

約了屈教練鄧記交收網衫, 好不容易入鄧記, 順道輕鬆跑Recovery run.
4 + 12 + 4 =20圈8線, 9k
行入鄧記時, 冇意中發現自己步姿有問題, "叮"一聲, 醒覺近日右腳膝後內側條筋緊的原因. 想起往日十幾年來跳舞養成一些習慣, 步行同跑步時沒有調整過來. 逆時針方向跑圈, 右腳的跑姿問題更加突顯, 右腳好似"篩"出圈外. 邊跑邊留意跑姿同擺手配合, 不知不覺跑了15個圈, 快行一個圈便收工. 首次, 運動場連續跑圈超過45mins. 不論快慢, 人人都專心地同方向跑步, 很有跑步氣氛.
見七兄剛到, 邊拉筋邊吹水, 分享下新發現. 多謝七兄的提點 , 希望練習跑直線可以改跑姿, 明白改變係會辛苦, 會特別疲倦. 冇傷冇痛, 長跑長有!

[ 本帖最後由 叮叮噹 於 2009-1-20 19:40 編輯 ]

大圍新跑手

原帖由 叮叮噹 於 2009-1-20 19:33 發表

                               
登錄/註冊後可看大圖

19/1(一) 鄧記, 新發現

約了屈教練鄧記交收網衫, 好不容易入鄧記, 順道輕鬆跑Recovery run.
4 + 12 + 4 =20圈8線, 9k
hgj091" />" />hj 行入鄧記時, 冇意中發現自己步姿有問題, "叮"一聲, 醒覺近日右腳膝後內側條筋 ...

叮叮噹ctse好勁呀，食完20K梅子第二日咁快可以再跑，渣打半馬一定信心大增。

叮叮噹

原帖由 大圍新跑手 於 2009-1-20 20:04 發表

                               
登錄/註冊後可看大圖

叮叮噹ctse好勁呀，食完20K梅子第二日咁快可以再跑，渣打半馬一定信心大增。

我係慢慢輕鬆跑架!
多謝你地安排特訓, 跑完18/1上梅子林, 真係信心大增.
更加了解自己的強弱點, 長跑真係要時間浸淫, 唔係短時間可以改變, 平常心 享受第一個半馬.

大圍兄, 享受你第一隻全馬, 唔係第二三隻會越來越大壓力.

比因

......海傍單車徑被鐵皮圍著, 曬,悶,熱......

仲聞到對岸八仙嶺山火既燒焦味添

叮叮噹

原帖由 比因 於 2009-1-20 22:25 發表

                               
登錄/註冊後可看大圖

......海傍單車徑被鐵皮圍著, 曬,悶,熱......

仲聞到對岸八仙嶺山火既燒焦味添

回程見到條八仙嶺火龍, 聞者傷心, 見者更心痛

[ 本帖最後由 叮叮噹 於 2009-1-20 23:18 編輯 ]

亞平

[quote]原帖由 叮叮噹 於 2009-1-20 18:46 發表

                               
登錄/註冊後可看大圖

....明兄慢跑陪伴7ctses, 真係幸福!

有7美相陪,明兄點止幸福,簡直就係艷福無邊.唔怪得佢成脕都春風滿面啦...早知自己都改跑20k啦....嘻嘻

細明哥

原帖由 亞平 於 2009-1-20 23:20 發表

                               
登錄/註冊後可看大圖

[quote]原帖由 叮叮噹 於 2009-1-20 18:46 發表

                               
登錄/註冊後可看大圖

....明兄慢跑陪伴7ctses, 真係幸福!" />" />

有7美相陪,明兄點止幸福,簡直就係艷福無邊.唔怪得佢成脕都 ...

改跑20k有7美相伴! 唔知平 大人 有無上長跑網? 咁放肆!

亞平

原帖由 細明哥 於 2009-1-20 23:24 發表

                               
登錄/註冊後可看大圖

改跑20k有7美相伴! 唔知平 大人 有無上長跑網? 咁放肆!

明兄,你最好唔好比我識到明嫂,嘿~嘿~嘿
(係呢,有冇明嫂架?)

法蘭

原帖由 叮叮噹 於 2009-1-20 19:33 發表

                               
登錄/註冊後可看大圖

19/1(一) 鄧記, 新發現

約了屈教練鄧記交收網衫, 好不容易入鄧記, 順道輕鬆跑Recovery run.
4 + 12 + 4 =20圈8線, 9k
hgj091" />" />hj 行入鄧記時, 冇意中發現自己步姿有問題, "叮"一聲, 醒覺近日右腳膝後內側條筋 ...

叮叮噹師姐,

師姐真叻!長課後都有氣有力9k!

師姐,你跳什麼舞的

=chairman=

叮叮噹 ctse 愈來愈勁！

叮叮噹

The last 2nd week: 57.8K

18/1(日) 約跑: 馬鞍山<>沙田, 19.3k,
大約2'45", 包括小休3"+ 補水4"+梅子林前後小休20"

19/1(一) 鄧記 8線x20, 9k
Recovery run, 輕鬆跑4+12+4圈 ,首次連續跑圈超過45"
體能: 抑卧起坐30x3

21/1(三) 鄧記 8線x20, 9k
輕鬆跑4+12+4圈, 練習跑直線, 擺手同腳協調.
體能: 抑卧起坐30x3

23/1(五) 約跑: 荃西>>屯鄧記, 20.5k, 2'13"

一個不平凡的年廿八- 漫遊夜賞青公
第二次跑青公, 6/10第一次跑很辛苦, 只跑到大欖涌上車", 今次要報仇 .
天氣冷, 風很大, 幾個位置被強風吹向右移, 有時風從後而來又可以借一借力, 跑得很舒服.
青公風景明媚, 邊跑邊欣賞夜景, 上斜也不辛苦, 輕鬆完成, 上上落落很快過半程. 到大欖涌雙腳開始疲累, 明顯星期日長課後腳未回復, 把握大欖涌落黃金海岸一段落斜放鬆雙腿同手休息, 差完電有力向終點進發.
前段同Gary一齊跑錯路, 汀九走錯上斜到酒店折返, 加快腳步落斜追回大隊, 細明等我地歸隊. 部份師兄深井補水, 小妹跟隨Gary跑, 師兄越跑越快好似想追番百米前的貓貓, 小妹嘗試吊住Gary尾跑. 追貓其間, 近青龍頭迎面見Oscar打氣, 過了大欖涌迴旋處迎面見Andy. 前面廿多米的Gary已經追過隻貓, 小妹繼續追貼貓貓, 落斜要回氣也不敢加速. 近黃金海岸Kaven追到小妹, 一起拍跑一段, 不久貓貓加入, 三人一起向終點進發, 邊跑邊傾慢慢跑回鄧記. 有目標, 你追我, 我追佢都幾好玩! 返入鄧記一刻, 見各位師兄們的笑容, 鼓掌, 讚賞, 慰問, 鼓勵.....心被感動 ! 感恩&自豪, 成為長跑網一份子.
第一次跑超過20k長課, 能夠跑畢全程已經好滿足 , 加添信心 迎接渣打半馬.




[ 本帖最後由 叮叮噹 於 2009-1-25 15:01 編輯 ]

redred

叮噹ctse,今次跑曬全程
好野呀.ctse進步不少,相信渣打跑曬全程,絶無難度
而且比上次,今次距離還要長.但ctse 都跑得輕鬆,勁
証明你每次都好比心機去練,今日成果得到了,繼續努力

亞平

2:13跑完,非常唔錯!上次大欖上車,今次一雪前聇,證明只要你愿意努力,沒有做不到既事.

叮叮噹

原帖由 redred 於 2009-1-25 01:43 發表

                               
登錄/註冊後可看大圖

叮噹ctse,今次跑曬全程
好野呀.ctse進步不少,相信渣打跑曬全程,絶無難度
而且比上次,今次距離還要長.但ctse 都跑得輕鬆,勁
証明你每次都好比心機去練,今日成果得到了,繼續努力

能夠跑畢全程, 真係好滿足.
下次要同妳一齊跑.

亞平

原帖由 叮叮噹 於 2009-1-25 01:52 發表

                               
登錄/註冊後可看大圖

能夠跑畢全程, 真係好滿足.
下次要同妳一齊跑.

獨食難肥呀,叮叮噹師姐,要跑預埋我好喎!