|
星期一至六我係跑友
無錯, 柏油路面的確好跑d, 吸音防震。石屎路都好, 最差係萬年磚, 又跣又唔平, 好容易PK+拗柴。
所以我都會跑單車徑, 但一定會keep 左, 會好貼好貼行人路, 因為單車好少會踩到咁貼, 會好危險。仲會耳聽八方, 一聲見單車聲, 就盡量上番行人路或擺手示意。咁耐都無火爆場面。
週日我係車友
我踩車好少踩行人路, 但有時有d環境真係無得避, (睇過無警察後)點都要上一劑, 咁我會盡量keep 得好慢好慢, 就算其他車友一支箭咁走左, 我都唔會快, 因為我一定記住三樣野:
1. 行人路上面, 行人有優先權, 所以叮叮我都唔會打
2. 我犯緊法, 所以唔係老馮
3. 大家相撞, 一定會有人受傷, 我唔想
就算有人玩cross over, 我會忍讓, 因為大家都係做運動姐, 除左身體要健康, 心靈同EQ提升亦非常重要。
其實我係其他單車谷成日都出文, 勸其他車友對行人不要太暴燥, 畢竟, 單車徑都不是賽場, 不應該踩得太快, 加上週日等, 根本繁忙過旺角, 太快對任何人都很危險!
此外, 在這裡都希望各跑手合作一些, 在單車徑上盡量靠左跑, 不要當單車一定要讓你。
我反對粗暴對待, 希望大家共建和諧社會。 |
|