|
我五行欠水,越大雨越開心~~
我過去幾年都要夏天雨季操山,如果落雨唔操,唔好彩成日撞o岩落雨既話可能要停成個禮拜,再唔好彩兩個禮拜,甚至成個月至撞o岩你得閒又無雨,咁比咩賽呀~~
夏天落住雨跑涼浸浸好舒暢,雨水亦會沖走空氣入面懸浮粒子令你吸入既空間更潔淨~~
所以就算落住大雨都會跑~~
唯一係地跣囉,真係要小心PK,一般跑街小心D 就沒問題,跑山就危險D 啦,我都P 過好幾次,好在落地就到沒咩損傷,仲有落雨跑山辛苦好多,試過落住雨跑麥3-4 足足用左六個幾鐘,因為對腳成日就住,搭車番屋企到站時對腳幾乎郁唔到,平時跑10 個8個鐘都唔會~~
仲有如果有雷暴就真係唔好跑啦,尤其郊區,一定唔好,試過晌草山俾雷圍,結果要勞煩差人叔叔同消防哥哥...
落下跑仲有個好處,人同馬一樣有"跑道性能",如果操慣濕地,比賽落雨著數好多架,06年玩苗圃,去到城門問個工作人員名次,當時69名,當年60名內就有獎牌,自己都以為衰左,一跑入水塘突然落大雨,我越跑越生,晌水塘過左好多人,一路上鉛礦凹,落番大埔都係濕地,我去到鉛礦凹CP 無check 名次,一路到過終點工作人員即刻笠個獎牌俾我,原來58名呀,開心都震~~ |
|