|
第一次玩鐵人, 感覺無想像中辛苦...
游水項目因見到heat1、heat2起步好混亂,
所以浮在响最左邊起步, 情況好少少,
但到第二浮泡時就迫埋一齊, 開始俾人係咁踢, 抓、撞...
之後係咁俾人左右夾迫, 重係ctse 嚟添, 有幾次重俾佢襟茖水,
飲咗幾啖海水... 好彩佢地唔係游蛙式, 若果唔係都幾偒!
因為無鐵人裝備, 轉項慢咗, 但係都順利出到車,
本來想跟番原本部署, 9分鐘一個圈, 但頭兩個圈係咁俾人過,
自己又覺得真係慢咗啲, 所以後尾果4圈都快番啲, 接近8分鐘...
可惜勾唔到車, 自己一個踩, 都好吃力!
踩完單車番到轉項區, 見左右隔離啲車已經番晒, 單車項目真係如我所料,
蝕好多時間, 所以响跑步項目盡力追...
頭半程都追10個8個, 後半程只係追得2、3個, 跟住前面已經無乜人可以追...
全程用咗 1:31:xx, 減去轉項ge 8、9分鐘, 約1:22, 都好滿意!
真係唔該晒 alfred、13、kopo同 loud ching 之前的試車安排同講解,
因為有充足ge 準備, 至有今日ge 超水準表現, 真係唔該晒!
但講到尾, 游水同單車唔係我強項, 加埋啲報名費咁貴,
所以都係有生之年最後一次啦!
之後番去長跑網架步, 撞到好多ching, ctse 响度幫手,
自己就同kopo 兄、LOUD兄、13兄、newfoot兄吹水...
跟住同特登嚟打氣兼特訓ge ching/ctse:
finewong, mill, bolo, kan, 狗哥同迪迪仔ching 一齊去大家樂食飯,
真係好開心!
|
|