|
|
6/9
19:30
屯門鄧記自己友接力賽
今晚咩奶都爆晒，都追唔到班勁馬！
同組有maggie,蔡兄，仲賢(學生哥有事跑完5個400走人，由喪ken入替) 同我，大家都幾平均，係喪ken入黎之後，由第一輪比賽既第7，變成第2，佢既威力都咪話唔得人驚，跟住第三輪比賽係第四，結果總成績都係第四，攞左個殿軍，都有些驚喜，好開心大家都好盡力跑，互相支持，成績係綿上添花，過程係最值得回味！
當然多謝成班義工不單盡心盡力計時，亦不斷吶喊助威，攪到我不知留放(過份興奮)，結果由頭爆到尾，過份虛脫之下變左脫脂奶，真係想打鑊金你地！
歡迎R校長黎不但督學，仲粉墨登場與民同樂，如果加埋圍圍，你地自組一組都真係超班！
祝米兄盡快康復！威威快D可以歸隊！
之於果班後生，跑完都未夠喉，仲出街JOG左幾K，真係可畏到極，青春真係無敵！
第一組是每人跑5個400 自己時間是，1'06"; 1'11"; 1'20"(爆左); 1'18", 1'15"; 其實最後都拋離好遠，與蔡兄都同意放鬆跑毫就算，但終點前太多人加油之聲不絕，故LAST 50米也加快少少。組別名次第7
第二組 是400, 800, 1,200, 1,600 ，MAGGIE 跑400也保持了速度，蔡兄跑的800追至第4位，因為之前的400，也跑得很盡，有新力軍喪KEN 加入，當然要佔他便宜，接捧後跑了10米抬頭一望，是舊相好花子，他星期日才跑完3-5段，當然要趁佢病狠狠的界一界，爬過花子，遠處是R及奧兄拍住拖跑，仍有兩圈半，不能太快發力，只有亦步亦趨追近，希望三圈平均1'20" 就已有交待，結果在第2圈前段追過2人進佔第1位，之後盡力維持速度想盡快賺時間交捧予KEN，雖然最後力敵不過紀SIR 的高足，喪KEN也跑得滿有自信，最後更可加速追近，而3不簡單，自己 時間是，1'19", 1'20"; 1'18"。組別名次第2
第三組是4X400，大家都拼盡跑，為讓喪KEN多點休息時間，我跑第3捧，追過了3名對手，最後100發力追飛象時，跑姿已散散地，在50米處才追過他，只知擺手，但覺整個人都不聽使喚，十分難看，也顧不得那麼多了，自己時間1'03"，喪KEN 也力拒學生哥，維持結果以第4名衝線，完成了比賽，大家互相擊掌鼓勵，不亦樂乎，很享受這由黃SIR 發起的比賽，更拿到殿軍，興奮莫名。 |
|
發表於 2010-9-4 23:19:30
發表於 2010-9-4 23:20:39
...
樓主
！有最新消息通知妳，不過訓練地點一定係黃竹坑運動場，因為方便佢地返宿舍。
可能有難度添, 不過到時先算啦
發表於 2010-9-5 21:22:13
！唔駛跑果5組400...
！之後果1600更加潰不成軍
...
！