本帖最後由 阿業 於 2013-8-12 18:03 編輯
22/8 摩士>竹園>沙田坳>慈雲山道>浦崗村道>豐盛街>扎山道(4分1樓梯)>沙田坳>慈雲山道>浦崗村道>祟華街>竹園
http://www.sports-tracker.com/#/workout/jaytsin/d0snglo0u05fiskm
真係太攰頂唔住大脾有D抽抽地 未能完成計劃路線 失敗 :@ 下次再黎過
下次再黎過，用六分半至七分披繩，包你跑完。加油！
跑山真係唔容易的
唔容易就係要自己進步最大o既推動力<--0岩聽
本帖最後由 阿業 於 2013-8-17 14:30 編輯
16／8先做十組衝斜路 再食6k耳屎粥再6組衝斜路
原定放工跑返屋企 但老婆call今日佢有朋友到 所以返屋企先同個仔沖涼再跑 因隨時要返屋企無謂跑咁遠 橫掂1／9泰基盃 所以係屋企附近衝斜路
十組＜培民街 斜度（10：1）＞
每組約200米（未到頂）50-55秒 休80秒
衝到第8組大脾已經有撕裂感覺但仲有兩組點都衝埋
衝完之後見仲有時間淨 食多個6K耳屎粥 但估唔到比6個月前keep唔到不特止 仲要大幅退步http://www.sports-tracker.com/#/workout/jaytsin/ac285hn29iqcrp6s
埋尾仲有時間再衝多6組培民街先收皮 55秒 休90秒
本帖最後由 阿業 於 2013-8-17 09:27 編輯
黑啤推介 大幅退步梗有啲唔開心 唯有一爽解千愁整番兩罐先
此黑啤無初飲健力仕中嘅甘苦香味 換左日本麥啤嘅特有麥香味 適合初飲者值得推介
阿業 發表於 2013-8-17 09:07
黑啤推介 大幅退步梗有啲唔開心 唯有一爽解千愁整番兩罐先
此黑啤無初飲健力仕中嘅甘苦香味 換左日本麥 ...
咁都比你知道我搵緊藉口 嘿嘿
本帖最後由 阿業 於 2013-8-20 23:21 編輯
19／8 尖咀＞葵涌運動場 再加多場波
自從跑步之後都好少踢波 今場波都因為隊波有個朋友飛去澳洲兩年 所以少有地出席 好朋友一路順風
從尖咀出發經過廣東道時實在太多遊客 經常要左閃右避 可能導致GPS失誤所以頭1K計左3K 所以估實際距離得12K AVG.PACE 5：30
http://www.sports-tracker.com/#/workout/jaytsin/fvdsgvvlju0ebol6
如果再有機會再跑該斷路 慢粥過左廣東道先開始計會比較準確
可能近排強度加大左所以有啲疲態琴晚場波估唔到輕易比對手撞飛兼雙腿輕微抽筋 距離泰基盃仲有11日睇黎依個禮拜要好好休息 預計下星期初跑一課10k算 以免疲勞過度受傷
本帖最後由 阿業 於 2013-8-28 17:46 編輯
26／8 因泰基盃以斜路為主 今課亦係比賽前最後一課斜路 所以編左斷有兩種唔同特色嘅斜路黎應付比賽 沙田拗（高斜度）蒲崗村道（長命斜）希望對比賽有所幫助
http://www.sports-tracker.com/#/workout/jaytsin/3vp5haufol85gbb5
聽日就係泰基盃喇 心情有啲緊張 比第一次跑比賽更緊張:lol 條路跟年初西貢10k路線一樣經過8個月練習究竟會進步幾多呢 雖然訂左目標43內比上次快10秒 但又好似無咩信心做到咁 苦惱
阿業 發表於 2013-8-31 09:07
聽日就係泰基盃喇 心情有啲緊張 比第一次跑比賽更緊張 條路跟年初西貢10k路線一樣經過8個月練習究竟會 ...
祝業師兄取得好成績！
柄埋左幾日係時候要跑番上黎
1／9 泰基盃
一早起床 感覺到今日狀態幾好唔錯 梳洗好後6：00戰戰兢兢落街食個早餐 之後到達會場先後遇見多位師兄青公全兄 夢離 泰基Benny及多年無見嘅波友 吹左陣水後開始熱身先慢粥10分鐘 拉筋 快跑幾段開步 一切準備就緒 狀態十分之好PB在望 於是早25分鐘上線排第三行再輕輕拉下根 發現夢離排係前面吹左陣水 原來同西貢10k有啲唔同多左段斜路 不過問題不大絕對應付到
到左開跑其實開跑前搵左個假想敵 就係泰基會員因為睇個款都係跑得之人 沿途步速不算太快輕鬆跟尾位置都係前30個左右 到左3,4k左右目標開始墜後 只好跟隨大隊前進 到左5k過左最難果段路過左時間22分幾 回程落斜多比較輕鬆 預計頭尾段落斜3分幾 中段平路多4分左右 應該20分左右完成穩入MC組別頭10名當回程落斜時發覺力不從心做4：20點知落完斜後情況更差 完全發唔到力每k跌到落6分鐘 只靠最後一段落斜跑番3分幾先保持到50分內 但只能以最差成績過終點48：55
由報名一刻目標已經係依場 雖然口講43內 但其實心入面極想40：30 但事與願遺 依家只好盡快收拾心情 迎接綠色半馬
賽後檢討：
其實都唔知發生咩事 會跌得咁快話無就無 曾經都試過一次跑頭6k都無事 心率都保持係145〜158（70%〜80%）但到第7k一下子跌到12X 又係跑唔番 其實係身體有事定練習不足 係唔係應該改變練習方式 因為從來都唔會練interval tempo等等 請各師兄指教
就咁睇,似係落斜太快,不知不覺爆左唔知,到平路點到上唔番力.
是否一定要練INTERVAL/TEMPO?那要看看練來所為何事:一般答案,都是說能提升ANAEROBIC THRESHOLD,排解乳酸能力,抗酸力...等等.如果比賽要用到這個區域,那就一定要練.
至於練了是否比賽就不會爆?那就要看你的比賽策略如何,比賽時又有否跟足來做.
看師兄的練跑日誌, 速度及耐力都很好, 是絶對可以43分內完成。應該天氣太熱及前半程上斜時去得太盡, 都會影響很半程跑爆咗。
當日我都有跑這個比賽, 前半程大部份上斜, 真的很辛苦, 熱到個人無哂鬥志。今年我是第二次跑, 知道頭5k有幾難捱, 所以今次我都唔敢去得太盡。
本帖最後由 阿業 於 2013-9-15 00:26 編輯
沉左成個星期又上返黎先 多謝幾位師兄鼓勵及分析 經過今場比賽後好開心原來自己仲有好多不足之處 更加清楚了解自己實力 好話唔好聽仲有好多進步空間 睇黎仲有排向咁多位師兄學習
本帖最後由 阿業 於 2013-9-14 23:12 編輯
14／9 亮哥星級推介 柏架山
此路段真係值得推介 無論景色，空氣靚到不得了 還有沿途大部份有大樹遮陰多段上落斜唔似得扎山道長期暴曬兼跑道單調上完就落跑得多都好悶
其實每次比賽都是一個經驗累積，就算做不到pb，也會有所得著的。
阿業 發表於 2013-9-14 14:57
14／9 亮哥星級推介 柏架山
此路段真係值得推介 無論景色，空氣靚到不得了 還有沿途大部份有大樹遮陰多段 ...
已經較番正
Ringo兄我都係九龍人有機會去試下
睇番業兄你泰基盃戰役的情況, 技術上我唔加意見了, 純share
我明白你失望一定有, 畢竟一個好有期望既比賽, 成績不似預期. 尤其係途中見住pacing跌, 諗盡辦法都上唔番果下, 係好frustrating既事. 有時變蔡東豪話齋, 跑得差有時係冇得解釋既. 講真, 成績好壞有時真係要睇天做人. 天氣唔就的話真係冇辦法. 我諗, 如果10.1都仲係咁熱的話, 我都會面對同樣既苦戰.
我而家都覺得自己狀態唔係太好, 但臨戰只剩十幾日, 我都有d忐忑不安
