|
28/8夜操麥4-8
是日中午時分元朗豪雨連連,心諗咁大雨今晚有機會取消行動喎
到我收了工回到家中4點左右,小強打黎提我7點係沙田等
ok照原定行情進行啦......又要行爛泥路...
去到沙田鐵路站,等齊人就去食個晚飯先...去左食大大碗既菜飯&大大碗既例湯
跟住就去7仔補水(得500ml水,我&小強只好每人補2支,即係1L水)
就出發去搭車
去到水浪浪8:15...去放低小小野8:20就出發喇
一路行一路行,發覺路面唔係咁濕喎....原來西貢呢面冇乜雨落....
可能天氣還是不太好...操山人數比較少....行左成晚都係見到小貓3兩隻
是晚氣溫都算涼快...飲水量相對比較小啦....
完成第4段只係飲左1支500ml,係沙田凹補返500ml山水...小休再上獅子山
之後5,6段都算輕鬆咁完成....一路行一路不停食小食,算係保持到比較好既狀態
去到金山補山水位....都係飲左半支水....補返滿先算........
去到城門燒烤場,中休補水.....同預料一樣水已賣清光,只得返茶小姐&可樂先生
咁我就一定係呢度整返罐可樂飲架啦.....隊長本身都想飲,但係被小強禁止左
終於都要上去我覺得全晚最難行既一段....針針到肉既針山喇
一路行上去....一路出汗,未到一半已經全身濕透了,水亦都明顯飲多左,已經飲左差唔多半支
幾經辛苦,終於都上到針頂,享受著涼風時,小強就話唔好停繼續行...一停仲辛苦喎....
魔鬼教練咁講....只好聽命啦
一路落一路落....就到左草山喇....呢段比較易行,只要慢慢不停咁行就行過喇
落到去公廁....洗一洗面拉一拉筋....就上去打大佬喇....
上到去亂石陣....本來高清既視線開始模糊...
過到亂石陣,能見度只係得返10-20m左右
一路行....差d迷了方向,好彩仲見到條路...
慢慢行慢慢行...終於都到馬路喇...終點在望
慢慢行上個波波度....無想像中辛苦...可能有涼風啦
上到頂行幾步,順返條氣就慢慢跑落去喇...一路跑一路跑...
越跑越順喎咁就一直跑到落去士多啦....已經見到小強輕輕鬆鬆地休息中.......
總算完成左麥4-8....之後就搭車落荃灣飲茶食早餐....
每人一個排骨飯,一大碗粥&抄米+大量點心一齊食 |
|