|
15/8行麥3-5
天晴,有雨,多太陽,唔算曬
今朝起唔到身...係度碌黎碌去.....碌到8點幾,都係要起身
之後再搞下呢樣搞下個樣,終於10點鐘開始出發
去到西貢食d野,補補水就搭94入北潭凹,落車已經12:45
仲開始落雨添...心諗都係行麥3算喇,試下d裝備算啦
之後都係咁行啦...著住對5.10行到上雞仔頂...
好似越行越有力喎,無乜點攰喎,飲左半支790ml水左右
係就黎落到水浪既時候仆左一野.....好彩無人見到,算啦快d落到去清洗下先
之後檢查下傷勢...ok喎,咁就繼續啦
之後都算係幾輕鬆下完成麥4....用水量1支790ml水左右
落到去沙田凹士多....食左碗麵,飲左罐可樂,補左支水...
時間已經去到6點半左右....睇下去唔去到城門啦
行下行下....開始入黑喇....試下隻頭燈先...用落發覺原來都係一般光
過左獅子山之後見到有人行夜山喎....嘩~佢地d電筒咁光既...我個隻燈就.......
越行越黑....光度唔多夠,只係睇到前面幾步位....算啦,都係大埔道走人
分段時間
北潭凹-->水浪仔 1:55 休息14'04(檢查傷勢)
水浪仔-->基圍耳 2:39
基圍耳-->沙田凹士多 36'16 休息15'09(食麵)
沙田凹-->大埔道 1:27
[ 本帖最後由 天鬼 於 2010-8-16 00:02 編輯 ] |
|