|
尋日1/7翔東路100km大遊行卒之响天朗氣清+烈熱天氣下完成. 今次映相已有21人 (加埋攝影師jason就22人). 大家打算走3個圈後再跑幾km. 一開始時覺得幾上力. 一直帶响前面. 之後到東涌回頭, 見到好似少左d人, 而馬王架車又開走左. 心裡覺得不妙. 之後响欣澳停下來打電話比馬王同loud兄, 但又冇人聽. 之後返到橋底, 見到dee兄 同 bee tse, 才知道原來bee tse比巴士嚇親, 出左小小意外. 好彩皮外傷, 希望佢早日康復. 不過可能今日翔東路比較多單車, d司機大佬揸得"燥"左d. 其實單車都係道路使用者, 點解咁多司機都鐘意以大蝦細, 成日搵架車 "i" 落黎d單車度. 如果香港人d心態咁唔尊重運動者, 搞乜鬼亞運會ar. 跑馬拉松又比人鬧阻住條街. 講番單車, 頭兩個圈都好好. 不過唔知係咪天氣太熱, 個人謝得好快, 第三個圈完全keep唔到速度. 只得24-25km/hr左右. 隻右腳板底及腳趾頭好痛. 平日會"luck"左個lock踏, 企起身, "fing"下隻腳黎鬆鬆就冇事. 但尋日太累, "luck"的時候想抽筋, 加埋極度肚餓, 最後索性睇下捱唔捱到去廸欣湖, 欣澳上廸士尼破了最低速紀錄, 得9.9km/hr. 最後捱到廸欣湖. 落車時大比四頭肌抽筋, 變左成個波咁. 真搞野, 幾分鐘後恢復. 之後收到老婆電話話阿仔等梗我去游水. 原來我約左佢1點去游水, 點解我自己唔知0既? 原本諗住跑, 而家變左要早走, 重搞到馬王loud兄都冇得跑. 真不好意思. 之後同阿仔去到泳池, 根本插針不入, 游水變浸溫泉. 只係同阿仔游左幾個來回. 之後同朋友去左大埔海濱公園玩, 踩三輪車載阿女玩, 又踩多45分鐘. 雖然架車超重, 不過呢45分鐘都ok! 對腳都冇乜問題. 之後仲可以跑幾下添.
今朝就同馬王, loud兄同dee兄去左粉嶺泳池游水, 由於早到, 自己游左1.5km先, 時間32:37. 之後同馬王佢地一齊游. 馬王睇黎已進步不少. 只要再做好對手, 好快就掂晒. dee兄的手就做得唔錯, 夾狗骨游時要"chur"盡已追到佢. 但踩水要再花點功夫. 但問題應該不大.
明天繼續, 應該會黎個4km的長課!! |
|